Sigingo 13:6 - Mbeti ti Nzapa - Tënë so amu fini

⁶ Na ya ti lango mbarambara, fade ala te mapa so a sara na mama ni pepe. Na lango mbarambara ni, fade ala sara matanga ndali ti KOTA GBIA.

Sigingo 13:6 Referans Kwoze

Awayango-sandaga 23:8

Na lango oko oko ti yenga ni, ala yeke ya na mbi KOTA GBIA *sandaga so a yeke gbi ni kue na wâ. Na lango mbarambara ni, ala yeke bongbi ti voro mbi; kua so ala yeke sara lakue, ala sara ni pepe.”

Sigingo 34:18

“Alingbi ala sara matanga ti Mapa so a sara na mama ni pepe: na ya ti lango mbarambara na nze ti Abib, fade ala yeke te mapa so a sara na mama ni pepe alingbi na yanga so mbi mu na ala. Biani, lani na nze ti Abib laa ala sigigi na Ezipte.

Ndia ti fani use ni 16:8

Na ya ti lango omene, ala yeke te mapa so a sara na mama ni pepe. Na lango mbarambara ni, ala yeke sara matanga ndali ti KOTA GBIA Nzapa ti ala; ala yeke sara kua pepe.

2 Mbai 30:21

Tongaso, na ngia mingi, azo ti Israel so ayeke na Jérusalem asara matanga ti Mapa so a sara na mama ni pepe; ala sara ni na ya ti lango mbarambara. Na ya ti lango oko oko, azo ti mara ti Lévi na awayango-sandaga ayeke he bia ti sepela KOTA GBIA, ala yeke pika aye ti mozoko so ayeke toto ngangu ndali ti KOTA GBIA.

Josué 5:11

Lango oko na pekoni, ala te akobe ti kodro ni, mapa so a sara na mama ni pepe nga na ale ti kobe so a yoro ni yorongo.