Sigingo 13:22 - Mbeti ti Nzapa - Tënë so amu fini

²² Na kota lâ, ngbongboro mbinda ni ayeke zia azo ti Israel pepe; na bi, ngbongboro wâ ni ayeke zia nga ala pepe.

Sigingo 13:22 Referans Kwoze

Aye so Nzapa afa 10:1

Mbi kiri mbi baa mbeni ngangu *ange, lo londo na yayu si lo yeke zu. Lo yu mbinda na tere ti lo tongana bongo, *kongö angoro li ti lo; le ti lo ayeke tongana lâ, angbongboro gere ti lo tongana menga ti wâ.

Sigingo 14:1

KOTA GBIA atene na Moïse:

Sigingo 14:19

*Ange ti Nzapa so ayeke tambula na dawa ti azo ti Israel so akiri ague, aluti na peko ti ala. Ngbongboro mbinda so ayeke tambula na dawa ti ala so akiri ague, aluti na peko ti ala.

Wungo ti azo 9:15

Na lango so a leke da ni na nduzu awe, ngbongboro mbinda aga amu ndö ni kue, da so a zia atêne na ya ni, atêne so a su atënë ti *mbuki na le ni. Ti londo na lakui ngbii asi na ndaperere, mbinda ni angba na ndö ti da ni si ayeke za zango tongana wâ.

Néhémie 9:12

Na kota lâ, mo fa lege na ala na lege ti ngbongboro mbinda. Na bi, mo zia mbeni ngbongboro wâ ti za na lege ti ala.

Néhémie 9:19

Me na lege ti kota nzoni be ti mo, mo zia ala na ya ti benyama pepe: na kota lâ, mbinda so ayeke fa lege na ala ahon yongoro na tere ti ala pepe; ngbongboro wâ so ayeke za ti fa lege na ala ahon nga yongoro na tere ti ala pepe.

Ésaïe 4:5

Na pekoni, lo yeke sara mbeni mbinda na kota lâ na ndö ti hoto ti Sion kue nga na ndö ti azo so kue ayeke bongbi na ndö ti hoto ni; lo yeke sara mbeni ngbongboro guru ti wâ so ayeke za na bi. Gonda ti KOTA GBIA ayeke duti na ndö ti aye ni kue.

Sigingo 40:38

Na kota lâ, mbinda ti KOTA GBIA ayeke na ndö ti da ni; na bi, wâ ayeke za na ya ti mbinda ni si azo ti Israel kue ayeke baa ni na ngoi so kue ala yeke tambula ti gue.