Sigingo 12:29 - Mbeti ti Nzapa - Tënë so amu fini

²⁹ Na be ti bi, KOTA GBIA afâ akozo molenge-koli kue na ya ti kodro ti Ezipte: ti londo na kozo molenge ti gbia Faraon ti koli, lo so lo lingbi fade ti duti gbia na peko ti babâ ti lo, ngbii asi na kozo molenge ti azo so a gbu ala na kodro wande si abi ala na da ti kanga. Lo fâ nga akozo molenge-koli ti anyama.

Sigingo 12:29 Referans Kwoze

Abia (Psaumes) 78:51

Na Ezipte, na popo ti *ahale ti Kam, lo fâ akozo molenge-koli kue, amolenge so azo adu ala na ngoi so azo ni angba na ngangu ti tere ti ala.

Sigingo 4:23

Mbi mu yanga na mo ti zia lege na lo ti gue ti voro mbi, me mo ke. Ndani laa, mbi yeke fâ kozo molenge ti mo ti koli.’ ”

Abia (Psaumes) 135:8

Lo laa lo fâ akozo molenge-koli na Ezipte, akozo molenge ti azo na ti anyama.

Abia (Psaumes) 105:36

Lo fâ akozo molenge kue ti azo ti kodro ni, akozo molenge so azo ni adu na ngoi so tere ti ala angba ngangu.

Abia (Psaumes) 136:10

Lo fâ akozo molenge-koli na Ezipte, – Biani, nzoni be ti lo angba kpu na kpu!

Wungo ti azo 8:17

Biani, akozo molenge ti azo ti Israel kue ayeke ti mbi, ataa akozo molenge ti zo wala ti nyama. Na ndembe so lani mbi sara si akozo molenge-koli ti azo ti Ezipte akui, na ndembe so laa mbi zia akozo molenge-koli ti azo ti Israel nde ndali ti mbi.

Sigingo 12:12

“Na bi ni so, fade mbi yeke hon na ya ti kodro ti Ezipte kue. Mbi yeke fâ akozo molenge-koli kue ti azo na ti anyama ti kodro ni. Mbi yeke fâ ngbanga na li ti anzapa kue ti Ezipte. Mbi laa mbi yeke KOTA GBIA.

Ahebro 11:28

Na lege ti mabe, Moïse azia na sese *matanga ti Pake. Lo mu yanga titene azo azia mene na tere ti keke ti yanga ti da ti ala si kpale ti bubango ndo andu akozo molenge-koli ti azo ti Israel pepe.

Wungo ti azo 33:4

Andaa na ndembe ni so, azo ti Ezipte ayeke lu akuâ ti akozo molenge ti ala ti koli so KOTA GBIA afâ ala. Lo sara tongaso ti fâ ngbanga na li ti anzapa ti azo ti Ezipte ni.

Sigingo 13:15

Lani Faraon akpengba be ti lo si lo ke ti zia lege na e ti gue. Tongaso KOTA GBIA afâ akozo molenge-koli kue ti kodro ti Ezipte, akozo molenge-koli ti zo na ti anyama. Ndani laa e yeke ya akozo molenge-koli ti anyama na *sandaga na KOTA GBIA. Me akozo molenge ti e ti koli, e yeke kiri ti vo ala vongo.’

Ahebro 12:23

A-ita, ala ga nduru na bongbi ti akozo molenge ti Nzapa awe, ala so a su iri ti ala na mbeti kâ na yayu. Ala ga nduru na Nzapa awe, lo so lo yeke fâ ngbanga ti azo kue. Ala ga nduru awe na ayingo ti azo ti mbirimbiri so aga nzoni kue so.

Zakarii 9:11

*KOTA GBIA atene: “Ndali ti *mbuki so mbi na mo, e sara, na lege ti mene ti asandaga so, fade mbi yeke zi ambeni zo ti mo so akanga ala na ya ti du so ngu ayeke daa pepe.

Jérémie 38:13

Akoli ni agboto Jérémie na kamba ni si ala sigigi na lo na ya ti du ni. Na pekoni Jérémie angba na ya ti gbagba ti aturugu ti batango gbia.

Jérémie 38:6

Tongaso ala mu Jérémie si ala bi lo na ya ti du ti ngu ti Malkia, molenge ti gbia. Du ti ngu ni ayeke na ya ti gbagba ti aturugu ti batango gbia. Ala zia lo na ya ti du ni na lege ti kamba. Na ya ti du ni, ngu ayeke daa pepe, gi potopoto. Nilaa Jérémie alinda na ya ti potopoto ni.

Ésaïe 51:14

Zo ti kanga so ye ahon ndö ti lo, fafadeso, a yeke zi lo; lo yeke kui na ya ti sururu ti lo pepe, kobe ayeke kiri ti tia lo pepe.

Ésaïe 24:22

Fade a yeke bongbi ala tongana azo ti kanga ti zia ala na ya ti kota du. A yeke zia ala na da ti kanga. Lango mingi na pekoni, ala yeke fa peko ti ye so ala sara na le ti ngbanga.

Mbeti ti Job 34:20

Na be ti bi, gi hio tongaso, azo ni akui; azo ti kodro atomboka, a fâ amakonzi. A mingo angangu makonzi, me maboko ti zo laa asara ni pepe.

Wungo ti azo 3:13

Na ndembe so lani mbi sara si akozo molenge-koli ti azo ti Ezipte akui, na ndembe so laa mbi mu akozo molenge-koli ti azo ti Israel ti zia ala nde ndali ti mbi; ataa akozo molenge-koli ti zo wala ti nyama, ala yeke ti mbi. Mbi laa mbi yeke KOTA GBIA.”

Sigingo 9:6

Lango oko na pekoni, KOTA GBIA asara ye ni: anyama kue ti azo ti Ezipte akui, me na popo ti anyama ti azo ti Israel, mbeni oko akui pepe.

Sigingo 12:28

Na pekoni, ala kiri si ala to nda ti sara ye ni; ala sara ni alingbi gi na yanga so KOTA GBIA amu lani na Moïse na Aaron.

Abia (Psaumes) 78:50

Lo zia lege na ngonzo ti lo ti sara kua ti lo, lo kiri lo kanga lege na kuâ pepe ti fâ ala, lo zia lege na sioni kobela ti bubango kodro ti fâ ala.

Habakuk 3:5

Kobela ti bubango kodro ayeke tambula na dawa ti lo, kobela ti wâ ti tere ayeke tambula na peko ti lo.

Tongo nda ti aye 15:14

Fade mbi yeke fâ ngbanga na li ti azo ti mara so ayeke sara ahale ti mo na ngbaa so; na pekoni, ahale ti mo ayeke sigigi na gbe ti ngbaa ni na aye mingi na maboko ti ala.

Sigingo 11:1

KOTA GBIA atene na Moïse: “Mbi yeke tokua tanga ti kpale oko na ndö ti Faraon nga na ndö ti azo ti Ezipte. Na pekoni, lo yeke zia lege na ala ti gue, lo yeke tumba nga ala na ndo so biani biani.

Ésaïe 41:11

Baa, azo so kue asara ngonzo na tere ti mo, fade kamene ayeke gbu le ti ala si ala yeke ti buba. Azo so agi tënë na mo, ala yeke kiri ti ngba pepe, ala yeke kui.