Sigingo 11:3 - Mbeti ti Nzapa - Tënë so amu fini

³ KOTA GBIA asara si azo ti Ezipte abaa azo ti Israel na nzoni le. Na ndö ni kue, na sese ti Ezipte, azo ti gbe ti Faraon nga na azo ti kodro ni abaa Moïse tongana kota zo mingi.

Sigingo 11:3 Referans Kwoze

Sigingo 12:36

KOTA GBIA asara si azo ti Ezipte abaa azo ti Israel na nzoni le. Nilaa ala mu na azo ti Israel aye so kue ala hunda. Lege so azo ti Israel amu aye na tere ti azo ti Ezipte kue ahon na ni laa.

Sigingo 3:21

Fade mbi yeke sara titene azo ti Ezipte abaa ala na nzoni le si na guengo ti ala, azo ti Israel, ala yeke gue maboko senge pepe.

Aye so Nzapa afa 3:9

Baa, ambeni zo atene, ani yeke azuife, andaa ala yeke taa azuife pepe. Ala yeke tene mvene, ala yeke azo ti bongbi ti Satan. Fade mbi yeke sara titene ala ga, ala kuku na gbe ti mo si ala hinga atene, mbi ye mo.

Ésaïe 60:14

Amolenge ti azo so lani asara ngangu na mo, fade ala yeke ba li ti ala na sese si ala yeke ga na mbage ti mo; azo so lani abaa mo tongana mbumbuse zo, ala yeke ga ti kuku na gbe ti mo. Ala yeke iri mo: “Gbata ti KOTA GBIA”, “*Sion, gbata ti Nzapa ti Israel so ayeke nde si ayeke nzoni kue.”

Abia (Psaumes) 106:46

Lo sara si azo so agbu ala si ague na ala na kodro wande, azo ni akiri abaa mawa ti ala.

Tongo nda ti aye 39:21

*KOTA GBIA ayeke na Joseph, lo sara nzoni be na Joseph; lo sara titene makonzi ti da ti kanga ni abaa Joseph na nzoni le.

Awatokua 7:22

Moïse amanda akode kue ti azo ti Ezipte. Lege ti tenengo tënë ti lo na sarango aye ti lo ayeke fa so lo yeke kpengba zo.

Esther 9:4

Biani, Mardochée ayeke lani kota zo mingi na yangbo ti gbia, sango ti lo amu ya ti akodro-sese ni kue si lo ngba ti ga kota zo lakue.

2 Samuel 7:9

Na ndo so kue mo gue daa, mbi yeke fade na mo, mbi fâ awato ti mo kue na dawa ti mo. Fade mbi yeke sara titene iri ti mo awu tongana ti akota zo ti sese so.

Ndia ti fani use ni 34:11

KOTA GBIA atokua lo na Ezipte ti sara aye ti kpene na aye ti dongo be na le ti gbia Faraon, na le ti azo ti gbe ti lo nga na le ti azo ti kodro ni kue.

Tongo nda ti aye 12:2

Mbi yeke sara titene mbeni kota mara abaa gigi na lege ti mo. Mbi yeke sara tufa na ndö ti mo si mbi yeke sara nga titene iri ti mo awu. Mo yeke ga zo so na lege ti lo, a yeke sara tufa na ndö ti azo.

Sigingo 12:35

Azo ti Israel asara ye ni alingbi na tënë ti Moïse: ala hunda na azo ti Ezipte aye so a sara na wen ti nginza na lôro; ala hunda nga abongo.

Ndia ti fani use ni 34:10

Na sese ti Israel, mbeni wayanga-Nzapa so akiri aduti tongana Moïse ayeke daa pepe: lo na KOTA GBIA ayeke tene tënë lani le na le.

Josué 4:14

Na lango ni so, KOTA GBIA asara si Josué aga kota na le ti azo ti Israel kue. Na lango so kue lo ngba na fini, ala ne lo tongana ti so ala ne ando Moïse.