Sigingo 11:2 - Mbeti ti Nzapa - Tënë so amu fini

² Tongaso, tene na azo ti Israel kue, mo tene: ‘Ayeke nzoni koli oko oko na wali oko oko ahunda na mba ti lo aye so a sara na wen ti nginza nga na lôro.’ ”

Sigingo 11:2 Referans Kwoze

Sigingo 3:22

Wali oko oko ti Israel ayeke hunda na awali ti Ezipte so ayeke nduru na lo nga na awali so ayeke lango na da ti lo aye ti pendere so a sara na lôro nga na wen ti nginza; lo yeke hunda nga abongo. Fade amolenge ti ala, azo ti Israel, ala ti koli na ti wali laa ayeke yo ni. Lege so ala yeke zi amosoro kue ti azo ti Ezipte na maboko ti ala laa.”

Matthieu 20:15

Mbi lingbi ti sara ye so be ti mbi aye na nginza ti mbi pepe? Be ti mo aso, ngbanga ti so mbi yeke zo ti nzoni be?’

Aggée 2:8

Nginza ayeke ti mbi, lôro ayeke ti mbi; so tënë ti yanga ti KOTA GBIA so ayeke na ndö ti dunia kue laa.

Amato 13:22

Zo ti nzoni ayeke zia anzoni ye na peko ti kuâ ti lo na *ahale ti lo; me mosoro ti zo ti siokpari ayeke ngba ndali ti azo ti mbirimbiri.

Abia (Psaumes) 105:37

Lo sara si azo ti lo asigigi na ya ti kodro ni na gba ti wen ti nginza na lôro, zo oko na popo ti amara ti lo awoko na lege pepe.

Abia (Psaumes) 24:1

Bia ti David. Sese so na aye ti ndö ni kue ayeke ti *KOTA GBIA. Dunia so na azo ti ndö ni kue ayeke ti lo.

Sigingo 35:22

Tongaso akoli na awali ti nzoni be aga na aye nde nde so a sara na lôro: aye ti mê, akete palata, aye ti go, aye ti maboko wala *akati. Zo oko oko aga na aye ni na KOTA GBIA, lo ya ni na nduzu ti fa atene, lo mu na lo.

Sigingo 32:24

Nilaa mbi hunda ala, mbi tene: ‘Zo wa laa ayeke na lôro, zo wa?’ Azo ni azi aye ti mê so ayeke na mê ti ala si ala mu na mbi. Mbi kporo ni na wâ si bagara so asigigi daa.”

Tongo nda ti aye 31:9

Nzapa azi anyama ti babâ ti ala na maboko ti lo si lo mu ala na mbi.

Tongo nda ti aye 24:53

Zo ti kua ni asigigi na apendere ye so a sara ni na lôro, na wen ti nginza, lo sigigi nga na abongo si lo mu na Rébecca. Lo mu nga aye ti ngangu ngere na ita ti Rébecca nga na mama ti lo.

Sigingo 3:21

Fade mbi yeke sara titene azo ti Ezipte abaa ala na nzoni le si na guengo ti ala, azo ti Israel, ala yeke gue maboko senge pepe.