Sigingo 10:21 - Mbeti ti Nzapa - Tënë so amu fini

²¹ KOTA GBIA atene na Moïse: “Yoro maboko ti mo na nduzu! Ayeke nzoni ndo avuko pitipiti na ndö ti sese ti Ezipte, vukongo ndo so zo ayeke tatara ndo tatarango daa!”

Sigingo 10:21 Referans Kwoze

Jude 1:6

Ala dabe ti ala na ambeni *a-ange: kota ndo so Nzapa amu na ala, be ti ala anzere na ni pepe; ndo so lo mu na ala titene aga ti ala wani, ala do azia. Tongaso, lo kanga ala na zingiri, lo bata ala kpu na kpu na ya ti vukongo ndo ti ku na kota lango ti fango ngbanga.

2 Pierre 2:17

Awafango-ye ti mvene so ayeke tongana ali ti ngu so ahole, ala yeke tongana ambinda so kota pupu ayeke hon na ni. Nzapa aleke ndo so avuko pitipiti ti ku na ala.

2 Pierre 2:4

Biani, *a-ange so asara siokpari ando so, Nzapa azia ala senge tongaso pepe, me lo bi ala na ya ti kota wâ, lo kanga ala na zingiri na ya ti vukongo ndo ti bata ala, ti ku na lango ti fango ngbanga.

Nzoni Tënë so Luc asu na mbeti 23:44

So bekombite aga nduru awe, ndo avuko na ya ti kodro ni kue, ngbii asi na ngbonga ota.

Marc 15:33

Ti londo na bekombite ngbii asi na ngbonga ota, ndo avuko na ya ti kodro ni kue.

Matthieu 27:45

Ti londo na bekombite ngbii asi na ngbonga ota, ndo avuko na ya ti kodro ni kue.

Amato 4:19

Me lege ti dutingo ti azo ti sioni ayeke tongana bi so avuko pitipiti. Ye so ala pika gere ti ala daa ti ti, ala baa ni pepe.

Abia (Psaumes) 105:28

Nzapa atokua vukongo ndo si ndo avuko pitipiti na ya ti kodro ni; zo oko ake tënë ti lo pepe.

Ndia ti fani use ni 28:29

Taa na bekombite, fade ala yeke tatara ndo tatarango tongana ti so awaziba ayeke tatara ndo. Aye so kue ala yeke sara ayeke ga nzoni oko pepe; lakue, azo ayeke sara gi ngangu na ala, azo ni ayeke nzi aye ti ala; zo oko ti ga ti soo ala ayeke daa pepe.

Sigingo 9:22

KOTA GBIA atene na Moïse: “Yoro maboko ti mo na nduzu titene pembe ti bekpa atuku na ndö ti Ezipte kue, na ndö ti azo, na ndö ti anyama nga na ndö ti akobe ti yaka ti kodro ni!”

Jude 1:13

Ala yeke tongana asioni *mapo ti le ti kota ngu-ingo so pupu ayeke yingi ni kirikiri, aye ti kamene ti ala ni ayeke sara tongana *afuru ti ngu. Ala yeke nga tongana ambeni tongoro so ayeke tambula kirikiri; ndo so a leke ndali ti azo ni titene ala duti daa kpu na kpu ayeke na ndo so avuko pitipiti.

Zo ti bongbingo azo 6:4

Biani, molenge ni aga senge senge; lo yeke hon na ya ti vukongo ndo si iri ti lo ayeke ngba gi na ya ti vukongo ndo.

Zo ti bongbingo azo 2:14

Zo ti ndara ayeke baa ndo so lo yeke gue daa; zo ti buba ayeke tambula na ya ti vukongo ndo. Me mbi baa so ala use kue, gi ye oko laa ayeke ku ala.

Abia (Psaumes) 78:49

Nzapa atokua kota ngonzo ti lo na ndö ti azo ti Ezipte: ngonzo ti lo ti wâ, sioni ngonzo, aye ti ngangu; lo tokua a-ange ti bingo kpale na tere ti ala.

Abia (Psaumes) 35:6

Na ndembe so ange ti KOTA GBIA ayeke tumba peko ti ala, ayeke nzoni lege ti ala avuko si aga dongo dongo.

Aye so Nzapa afa 8:12

Osio ange ni ahuru tatalita ti lo. A pika mbeni mbage oko na popo ti ambage ota ti lâ na ti nze na ti atongoro oko oko kue si avuko; kota lâ agirisa mbage oko ti zango ti lo na popo ti ambage ni ota so ayeke za; vurungo ndo ti bi asara nga gi tongaso.

Sigingo 7:19

KOTA GBIA akiri atene na Moïse: “Tene na Aaron, mo tene: Mu keke ti mo, yoro maboko ti mo na ndö ti angu ti Ezipte, na ndö ti abale, na ndö ti angu so ayeke sua na ya ti adu, na ndö ti angu ti *alende, na ando so kue ngu ayeke daa. Fade angu ni ayeke ga mene. Tongaso fade mene ayeke mu ya ti kodro ti Ezipte kue, ya ti asembe so a sara na keke nga na asembe so a sara na têne.”

Ezekiel 32:7

Na ndembe so fini ti mo ayeke hunzi, mbi yeke kanga le ti nduzu, mbi yeke sara si le ti atongoro avuko, mbi yeke sara si mbinda akanga le ti lâ si nze akiri ti su pepe.

Ndia ti fani use ni 1:30

KOTA GBIA Nzapa ti ala, lo so lo yeke tambula na dawa ti ala, fade lo wani, lo yeke tiri bira ndali ti ala, tongana ti so lo sara na le ti ala na sese ti Ezipte

Ndia ti fani use ni 4:34

Mbeni nzapa nde atara laoko ti gue ti zi azo ti lo na gbe ti mbeni mara nde awe? Oko pepe, me KOTA GBIA Nzapa ti ala, azo ti Israel, ague, azi ala na sese ti Ezipte; ala wani abaa na le ti ala. Lo zi ala na lege ti ngangu ti maboko ti lo nga na lege ti maboko ti lo so lo yoro; na lege ti akota pasi, aye ti kpene na aye ti dongo be, akota ye ti ngangu nga na aye so ayeke zia mbeto na be ti zo.

Mbeti ti Job 5:14

Na kota lâ, ala tengbi na vukongo ndo; na bekombite, ala yeke tatara ndo, mo baa mo tene, bi laa.