Sigingo 1:14 - Mbeti ti Nzapa - Tënë so amu fini

¹⁴ Ala sara si dutingo ti azo ti Israel aga ngangu na lege ti angangu kua ti ngbaa: sarango potopoto ti pika na biriki, gbotongo abiriki nga na sarango akua kue ti yaka; so ti tene, azo ti Ezipte asara pasi mingi na azo ti Israel na lege ti sarango angangu kua nde nde.

Sigingo 1:14 Referans Kwoze

Awatokua 7:19

Lo handa azo ti mara ti e si lo sara pasi na akotara ti e; lo gbu ala na ngangu ti zia akete molenge ti ala na gigi titene amolenge ni akui.

Wungo ti azo 20:15

Akotara ti e ague ando na Ezipte, azo ti e aninga kâ ngu mingi. Me azo ti Ezipte asara e pasi, e na akotara ti e.

Sigingo 6:9

Moïse atene peko ti atënë so kue na azo ti Israel, me ala ma lo pepe, ngbanga ti so angangu kua ti ngbaa asara si be ti ala awoko.

Sigingo 2:23

Aninga mingi na pekoni, gbia ti Ezipte akui. Kua ti ngbaa ahon ngangu ti azo ti Israel, ala yeke dema si ala yeke toto; toto ti ala ni asi na Nzapa.

Awatokua 7:34

Mbi baa azo ti mbi ayeke baa pasi mingi na Ezipte, mbi ma toto ti ala si mbi zu ti zi ala na gbe ti ngbaa. Fadeso mo gue, mbi yeke tokua mo na Ezipte.’

Ésaïe 58:6

Kengo kobe so mbi ye ayeke so: ti zi zingiri na tere ti azo so a kanga ala na mbana, ti zi ala na gbe ti nengo kungba, ti zi azo so amba ti ala asara ngangu na ala, ti fâ ya ti *zuge kue,

Abia (Psaumes) 81:6

mbeni tënë ti ndia so Nzapa alu ndali ti sewa ti Joseph na ndembe so lo gue ti tiri bira na azo ti Ezipte. Mbi ma mbeni go so mbi hinga ni pepe, atene:

Nahum 3:14

Ala azo ti Ninive, ala to ngu, ala bata ni ndali ti ngoi so awato ti ala ayeke ngoro ala kue so. Ala kiri aleke agbagba ti ala titene akiri akpengba ngangu. Ala gue, amu sese, ala do ya ni, ala sara na potopoto, ala gboto na biriki.

Mishe 3:3

Azo ni ayeke te kasa ti tere ti azo ti mbi, ala yeke zi poro ti tere ti azo ti mbi, ala yeke kungbi abio ti azo ti mbi si ala yeke fâ ya ti kasa ti azo ti mbi tongana ti so a yeke fâ ya ti kasa ti nyama ti to ni na ya ti ta, tongana kasa ti nyama na ya ti kota tawa.

Ésaïe 52:5

Fadeso, nyen laa mbi yeke wara na peko ni, nyen? A mu azo ti mbi a gue na ala na ngbaa, a futa mbeni ye pepe. Azo so asara komandema na ndö ti ala adekongo ti songo benda – so tënë ti yanga ti KOTA GBIA laa. Lakue, ala yeke zonga iri ti mbi.

Ésaïe 51:23

Mbi yeke mu kopo ni na azo so lani ayeke sara pasi na mo. Ala yeke tene lani na mo, atene: ‘Lango na sese, e tambula na ndö ti mo!’ Mo yeke zia lani peko ti mo si aga tongana sese, wala tongana lege so azo ayeke hon daa.”

Ésaïe 14:6

Zo so lani, na lege ti sioni ngonzo ti lo, lo yeke pika azo, lo yeke pika ala, lo wu tere ti lo pepe; lo so na lege ti ngonzo ti lo, lo yeke nika amara nde, lo yeke sara ngangu na ala, lo baa mawa ti ala pepe.

Abia (Psaumes) 68:13

“Agbia na aturugu ti awato ayeke kpe, ayeke kpe! Awali so angba na yanga ti da ayeke kangbi na popo ti ala aye so ala gbu na peko ti bira.

Ruth 1:20

Noemi atene na ala: “Ala iri mbi Noemi pepe; me ala iri mbi Mara, so ti tene: ‘zo ti mawa’. Ala iri mbi zo ti mawa, ngbanga ti so Nzapa so ngangu ti lo ahon angangu kue asara si aye ti vundu mingi asi na mbi.

Ndia ti fani use ni 26:6

Me azo ti Ezipte asara ngangu na e, ala sara sana na e, ala gbu e na ngangu ti sara akua ti ngbaa.

Ndia ti fani use ni 4:20

Me ti ala, azo ti Israel, KOTA GBIA amu ala, lo sara si ala sigigi na sese ti Ezipte, ndo so ala baa pasi daa tongana ti zo so ayeke na ya ti kota fur. Lo sara si ala ga azo ti lo wani, tongana ti so ala yeke laso.

Awayango-sandaga 25:53

Ngu na ngu, zo ni alingbi ti ngba na ndo ti zo ti vongo lo tongana zo ti kua. Me zo ti vongo lo ni ayeke sara ngangu komandema na ndö ti lo pepe.

Awayango-sandaga 25:46

Gbanda, fade ala yeke zia angbaa ni na amolenge ti ala titene aga ye ti ala nga. Fade ala yeke bata ala tongana angbaa lakue. Me ti a-ita ti ala azo ti Israel, alingbi zo oko na popo ti ala asara ngangu komandema na ndö ti ita ti lo pepe.

Awayango-sandaga 25:43

Ala sara ngangu komandema na ndö ti ala pepe. Tongaso laa ala yeke fa atene, ala yeke kpe mbeto ti mbi Nzapa ti ala.

Sigingo 20:2

“Mbi laa mbi yeke KOTA GBIA, Nzapa ti mo; mbi laa mbi sara si mo sigigi na Ezipte, ndo so lani mo yeke ngbaa daa.

Sigingo 1:13

Tongaso azo ti Ezipte asara pasi na ala si ala ga tongana angbaa.

Tongo nda ti aye 15:13

KOTA GBIA atene na Abram: “Ayeke nzoni mo hinga so ahale ti mo ayeke gue ande ti duti na mbeni kodro so ayeke ti ala pepe. Fade azo ayeke mu ala na ngbaa si azo ni ayeke sara pasi na ala na ya ti ngu ngbangbo osio.

Sigingo 1:11

Tongaso azo ti Ezipte azia amakonzi ti kua na ndö ti azo ti Israel titene a mu na ala akua ti ngbaa. Nilaa azo ti Israel asara agbata tongana Pitom na Ramses ndali ti batango akungba na akobe ti yaka ti Faraon.

Sigingo 1:15

Ambeni wali use so ayeke mu amolenge na tere ti awali ti ahebro ayeke daa: iri ti mbeni ayeke Shifra si iri ti mbeni ayeke Pua. Gbia ti Ezipte amu yanga na ala, atene:

1 Agbia 12:14

Lo kiri tënë na azo ni alingbi na wango so amaseka amu na lo, lo tene: “Babâ ti mbi azia lani nengo kungba na ndö ti go ti ala. Ti mbi, fade mbi yeke zia na ndö ti go ti ala kungba so ane ahon ndoni. Babâ ti mbi apika ala lani na zaza. Ti mbi, fade mbi yeke pika ala na fimbo so wen ayeke na yanga ni.”

Amato 28:15

Sioni makonzi so asara ngangu na azo ti kodro so ayeke na ya ti mawa, lo yeke tongana bamara so atoto, wala tongana sioni nyama so ahuru ti gbu nyama.

Abia (Psaumes) 129:1

A yeke he bia so na ndembe ti guengo ni na Jérusalem. So mbi de molenge ngbii asi fadeso, azo asara ngangu na mbi fani mingi. Ayeke nzoni azo ti Israel akiri na ndö ti tënë ni, atene:

Ésaïe 10:24

Tënë so Kota Gbia NZAPA so ayeke na ndö ti dunia kue atene ayeke so: “Ala, azo ti mbi so ayeke lango na *Sion, ala sara mbeto ti azo ti Asirii pepe. Azo ni apika ala na nduru keke, ala mu keke na tere ti ala tongana ti so azo ti Ezipte asara ando na ala.