Sigingo 1:11 - Mbeti ti Nzapa - Tënë so amu fini

¹¹ Tongaso azo ti Ezipte azia amakonzi ti kua na ndö ti azo ti Israel titene a mu na ala akua ti ngbaa. Nilaa azo ti Israel asara agbata tongana Pitom na Ramses ndali ti batango akungba na akobe ti yaka ti Faraon.

Sigingo 1:11 Referans Kwoze

Tongo nda ti aye 15:13

KOTA GBIA atene na Abram: “Ayeke nzoni mo hinga so ahale ti mo ayeke gue ande ti duti na mbeni kodro so ayeke ti ala pepe. Fade azo ayeke mu ala na ngbaa si azo ni ayeke sara pasi na ala na ya ti ngu ngbangbo osio.

Sigingo 3:7

KOTA GBIA akiri atene: “Mbi baa biani lege so azo ti mbi ayeke baa pasi na Ezipte; mbi ma toto ti ala ndali ti aye ti ngangu so amakonzi ti kua ti Ezipte ayeke sara na ala. Biani, mbi hinga pasi so ala yeke na ya ni.

Sigingo 2:11

So Moïse aga koli awe, mbeni lâ, lo gue na mbage ti a-ita ti lo si lo baa angangu kua so a mu na ala ti sarango ni. Lo baa nga mbeni zo ti Ezipte so ayeke pika mbeni hebro, mbeni ita ti Moïse ni.

Tongo nda ti aye 47:11

Joseph amu ndo na babâ ti lo, na a-ita ti lo titene ala sara kodro daa. Lo mu na ala sese na kodro ti Ezipte, na nzoni sese ti kodro ni, so ti tene na kodro ti Ramses tongana ti so Faraon amu yanga na lo.

Abia (Psaumes) 81:6

mbeni tënë ti ndia so Nzapa alu ndali ti sewa ti Joseph na ndembe so lo gue ti tiri bira na azo ti Ezipte. Mbi ma mbeni go so mbi hinga ni pepe, atene:

Ndia ti fani use ni 26:6

Me azo ti Ezipte asara ngangu na e, ala sara sana na e, ala gbu e na ngangu ti sara akua ti ngbaa.

Wungo ti azo 20:15

Akotara ti e ague ando na Ezipte, azo ti e aninga kâ ngu mingi. Me azo ti Ezipte asara e pasi, e na akotara ti e.

Amato 27:4

Ngonzo ti wâ ayeke sioni mingi, ngonzo ayeke buba ye mingi; me zo wa laa alingbi ti luti na le ti mbanda ti zo?

Abia (Psaumes) 105:13

Ala yeke londo na ndo ti ambeni mara, ala yeke gue na ndo ti ambeni mara nde; ala yeke londo na mbeni kodro-gbia, ala yeke gue na mbage ti ambeni kodro-gbia.

Abia (Psaumes) 68:13

“Agbia na aturugu ti awato ayeke kpe, ayeke kpe! Awali so angba na yanga ti da ayeke kangbi na popo ti ala aye so ala gbu na peko ti bira.

2 Mbai 8:4

Lo kiri lo leke gbata ti Tadmor so ayeke na benyama; lo leke nga agbata so kue ayeke na sese ti Hamat titene lo bata akobe daa.

1 Agbia 9:19

Lo kiri lo leke nga agbata so kue lo yeke bata akobe daa, na agbata so lo yeke bata apusu ti bira ti lo na ambarata ti lo daa. Aye so kue be ti Salomon aye ti leke, lo leke ni na Jérusalem, na ndö ti hoto ti Liban nga na ya ti akodro so kue ayeke na gbe ti komandema ti lo. Lege so Salomon agbu azo na ngangu ti sara akua laa:

Sigingo 5:15

Azo ti Israel so ayeke akapita ti kua aga adema tere ti ala na Faraon, atene: “Mo sara ye tongaso na e, azo ti kua ti mo ngbanga ti nyen?

Sigingo 1:14

Ala sara si dutingo ti azo ti Israel aga ngangu na lege ti angangu kua ti ngbaa: sarango potopoto ti pika na biriki, gbotongo abiriki nga na sarango akua kue ti yaka; so ti tene, azo ti Ezipte asara pasi mingi na azo ti Israel na lege ti sarango angangu kua nde nde.

Sigingo 5:10

Amakonzi ti kua nga na akapita ti kua alondo na yangbo ti gbia asigigi si ala gue, atene na azo ti Israel, atene: “Tënë so Faraon atene ayeke so: A yeke kiri ti mu na ala pere pepe!

2 Mbai 16:4

Ben-Hadad ayeda na tënë ti gbia Asa si lo tokua amakonzi ti aturugu ti lo ti tiri bira na agbata ti Israel. Ala mu agbata ti Yon, ti Dan, na ti Abel-Maim nga na agbata so kue a yeke bata akobe daa na sese ti Neftali.

Abia (Psaumes) 129:1

A yeke he bia so na ndembe ti guengo ni na Jérusalem. So mbi de molenge ngbii asi fadeso, azo asara ngangu na mbi fani mingi. Ayeke nzoni azo ti Israel akiri na ndö ti tënë ni, atene:

Sigingo 5:8

Fade ala tene na azo ti Israel ni ti sara biriki so wungo ni ayeke gi tongana ti kozo; ala kiri na wungo ni na peko pepe. Azo ni ayeke azo ti sopo! Ndani laa ala yeke dekongo, atene: ‘E gue, e mu *sandaga na Nzapa ti e si!’

Abia (Psaumes) 129:2

“So mbi de molenge ngbii asi fadeso, azo asara ngangu na mbi fani mingi”; me ala hon ndö ti mbi pepe.