Ruth 2:16 - Mbeti ti Nzapa - Tënë so amu fini

¹⁶ Ala gboto nga ambeni le ti kobe ni na ya ti gba ni, ala tuku na sese titene lo ro ni. Ala suku na lo pepe.

Ruth 2:16 Referans Kwoze

Rome 12:13

Ala mu maboko na azo ti Nzapa so ye atia ala, ala yamba agene nzoni.

Ahebro 6:10

Biani, Nzapa ayeke kirikiri pepe. Yengo so ala ye ando lo na ni nga na sarango nzoni so ala yeke sara na a-ita ti ala, azo ti Nzapa si ala ngba daa laso so, fade Nzapa ayeke girisa ni pepe.

Philémon 1:7

Ita ti mbi, so mbi ma tënë ti yengo so mo ye na azo, ngia asi be ti mbi si be ti mbi ade. Ye so mo sara so amu ngangu na be ti azo ti Nzapa.

Matthieu 25:40

Fade Gbia ni ayeke kiri tënë na ala: ‘Mbi tene na ala taa-tënë: ye so kue ala sara na asenge zo so ayeke a-ita ti mbi, andaa na mbi laa ala sara ni.’

Amato 19:17

Zo so abaa mawa ti wayere, andaa boon laa zo ni asara na KOTA GBIA; fade KOTA GBIA ayeke kiri peko ni na lo.

Abia (Psaumes) 112:9

Lo mu ye mingi na azo ti mawa; mbirimbiri ti lo angba kpu na kpu. Fade ngangu ti lo na gonda ti lo ayeke gue guengo na nduzu.

Ruth 2:15

Na pekoni, Ruth alondo akiri ague ti ro ale ti kobe. Booz amu yanga na azo ti kua ti lo, atene: “Ala zia lege na lo, lo ro ale ti kobe so atuku na popo ti agba ni; ala kanga lege na lo pepe.”

Ruth 2:17

Ruth aro ale ti kobe ni ngbii asi na lakui. Na pekoni, lo pika ya ti ale ti kobe so lo ro so. Ale ti kobe so lo wara so aga nduru ti si kota sembe oko.