Biblia Todo Logo
Bib sou entènèt

- Piblisite -




Ruth 2:10 - Mbeti ti Nzapa - Tënë so amu fini

10 Ruth akuku akpo li ti lo na sese si lo tene na Booz: “Mo sara nzoni be na mbi tongaso ngbanga ti nyen? Mbi so mbi yeke zo ti mara nde so, mo ye tënë ti mbi tongaso ngbanga ti nyen?”

Gade chapit la Kopi




Ruth 2:10
19 Referans Kwoze  

So Abigail abaa David awe, lo londo na ndö ti lele ni, lo zu hio na sese, lo kuku, lo kpo li ti lo na sese na dawa ti David.


Ruth atene: “Kota zo, mo ngba ti sara nzoni na mbi; mo sara si be ti mbi ade. Tënë so mo tene so agbu be ti mbi mingi; mbi so mbi lingbi nga na awali so ayeke sara kua na gbe ti mo lawa!”


Ala ye tere na popo ti ala tongana ti so a-ita ayeke ye tere; zo oko oko agi lege ti ne mba ti lo kozoni.


ngbanga ti so lo baa mbi na nzoni le, mbi so mbi yeke senge zo ti kua ti lo. Biani, ti londo na azo ti fadeso ti gue na ni, fade azo ti angoi kue ayeke tene tënë ti mbi nzoni,


Mbi yeke zo wa si mama ti *Kota Gbia ti mbi aga na ndo ti mbi so?


Zo ti kua ti mbi ague, atene mvene na iri ti mbi na mo gbia. Me gbia ti mbi, mo yeke tongana *ange ti Nzapa; mo sara ye so mo baa nzoni na le ti mo.


Mefibaal akuku, akpo li ti lo na sese, lo tene: “Mbi yeke zo wa titene gbia abaa ndo na mbage ti mbi, mbi so mbi kpa kuâ ti mbo so?”


Biani, nzara asara mbi, ala mu na mbi kobe ti te; nzara ti ngu asara mbi, ala mu na mbi ngu ti nyon; mbi yeke wande, ala yamba mbi na ndo ti ala;


Ruth, zo ti mara ti Moab, atene na Noemi: “Mbi ye ti gue na yaka. Tongana mbeni zo asara nzoni be na mbi, fade mbi yeke ro ale ti kobe so atuku na sese na peko ti lo.” Noemi akiri tënë, atene: “Mo gue ma, molenge ti mbi!”


Abraham ayo le ti lo na nduzu si lo baa azo ota so aluti nduru na tere ti lo. So lo baa ala, lo londo na yanga ti da ti lo ti bongo, lo kpe, lo gue, lo wara ala. Lo kuku, lo kpo li ti lo na sese


Baa yaka so azo ayeke fâ ale ti kobe daa so nzoni. Mu peko ti awali so ayeke ro ale ti kobe so. Mbi tene na azo ti kua ti mbi titene ala zia mo kpoo. Tongana nzara ti ngu asara mo, fade mo gue, mo nyon ngu na ya ti ta so azo ti kua ti mbi ato ngu daa so.”


Booz akiri tënë, atene: “Aye so kue mo sara na mama ti koli ti mo na peko ti kuâ ti koli ti mo so, azo atene na mbi tënë ni; ala fa na mbi so mo zia babâ ti mo, na mama ti mo, na kodro so a du mo daa ti gue na popo ti azo so mo hinga ala kozoni pepe.


Me fade ala yeke sara na lo tongana taa zo ti kodro ti ala: alingbi ala ye lo tongana ti so ala ye tere ti ala wani. Biani, ala wani, ala yeke ando awande na kodro ti Ezipte. Mbi laa mbi yeke KOTA GBIA, Nzapa ti ala.


Kogara ti lo ahunda lo, atene: “Mo ro ale ti kobe laso na ndo wa? Mo sara kua ni na yaka ti zo wa? Nzapa asara tufa na ndö ti zo so asara nzoni be na mo so-oo!” Ruth afa na kogara ti lo ndo so lo sara kua daa so; lo tene: “Laso mbi sara kua na yaka ti mbeni koli so iri ti lo ayeke Booz.”


Gbia David ague, aduti na dawa ti *KOTA GBIA si lo tene: “Kota Gbia NZAPA, mbi yeke zo wa? Asewa ti mbi ayeke zo wa si mo mu mbi, mo zia mbi na ndo so?


Swiv nou:

Piblisite


Piblisite