Ruth 1:6 - Mbeti ti Nzapa - Tënë so amu fini

⁶ Kâ na sese ti Moab, Noemi ama a tene, *KOTA GBIA aga ti sara nzoni na azo ti lo si ala wara kobe ti tengo ni. Tongaso, Noemi na awali ti amolenge ti lo aleke tere ti ala ti zia sese ti Moab, ti kiri na sese ti Juda.

Ruth 1:6 Referans Kwoze

Abia (Psaumes) 132:15

Mbi yeke sara si agogoro ti Sion asi singo na kobe, mbi yeke mu kobe na azo ti mawa ti lo, ala te kobe alingbi na ala.

Abia (Psaumes) 111:5

Lo mu kobe na azo so akpe mbeto ti lo; lo yeke dabe ti lo na *mbuki ti lo lakue.

Sigingo 4:31

Azo ti Israel ayeda na tënë ni si ala hinga atene, KOTA GBIA ayeke ga ti mu maboko na ala, ngbanga ti so lo baa lege so ala baa pasi. Tongaso, ala kuku akpo li ti ala na sese ti voro lo.

Sigingo 3:16

Fadeso, gue, mo bongbi *akangba ti Israel si mo tene na ala: ‘KOTA GBIA, Nzapa ti akotara ti ala, Nzapa ti Abraham, Nzapa ti Isaac na Nzapa ti Jacob asi na mbi, lo tene: Mbi yeke ga biani ti mu maboko na ala ndali ti ye so azo ayeke sara na ala na Ezipte.

Nzoni Tënë so Luc asu na mbeti 19:44

Awato ti mo ni ayeke nika mo na azo ti mo kue; mbeni têne oko ayeke ngba na ndö ti mba ti lo pepe, ngbanga ti so lango so Nzapa aga ti baa mo asi awe, me mo hinga ni pepe!”

Nzoni Tënë so Luc asu na mbeti 1:68

“E gonda *Kota Gbia, Nzapa ti Israel, ngbanga ti so lo ga ti baa azo ti lo, ti zi ala na gbe ti ngbaa.

Matthieu 6:11

Mu na e laso kobe so alingbi na e.

Jérémie 29:10

“Tënë so KOTA GBIA akiri atene ayeke so: ‘Tongana ngu balembarambara so a diko ndali ti Babilone so ahon awe, mbi yeke ga ti baa lege ti ala; nzoni ye so mbi mu zendo ti sarango ni na ala, fade mbi yeke sara ni: mbi yeke kiri na ala ge na Jérusalem.

Ésaïe 55:10

Ngu-Nzapa na *neze alondo na le ti nduzu si ayeke ti na sese. Ala yeke kiri na le ti nduzu senge pepe: ala yeke tuku na ndö ti sese, ala yeke sara si sese ni awoko pendere, ala yeke sara si ale ti kobe asigigi. Lege so zo ti lungo kobe ayeke wara ale ti kobe ti lungo ni na kobe ti tengo ni laa.

Sofonii 2:7

Tanga ti azo ti Juda so angba na fini, fade sese ni ayeke ga ti ala; ala yeke gue na anyama ti ala ti te pere na ando ni so; na bi, ala yeke lango na ya ti ada ti Askalon. Biani, KOTA GBIA, Nzapa ti ala ayeke ga ti sara nzoni na ala, lo yeke sara si gigi ti ala akiri aga nzoni.

Abia (Psaumes) 146:7

Azo so asara ngangu na ala, lo yeke fâ ngbanga ti ala na legeni. Lo yeke mu kobe na azo so nzara asara ala, KOTA GBIA ayeke zi azo ti kanga.

Abia (Psaumes) 145:15

Le ti azo kue ayeke baa ndo gi na mo, ala kue azia be ti ala ti ku mo titene mo mu na ala kobe na ngoi so alingbi.

1 Samuel 2:21

KOTA GBIA aga ti sara nzoni be na Anne si lo du amolenge-koli ota na amolenge-wali use. Ti Samuel, lo yeke kono na le ti KOTA GBIA.

Tongo nda ti aye 50:25

Joseph ahunda na amolenge ti Jacob titene ala deba yanga ti ala, atene: “Tongana Nzapa amu maboko na ala si ala yeke sigigi ande na kodro ni ti hon, ayeke nzoni ala mu abio ti mbi ague na ni.”

Tongo nda ti aye 48:15

Na pekoni, lo sara tufa na ndö ti Joseph, lo tene: “Ayeke nzoni Nzapa so ababâ ti mbi Abraham na Isaac atambula na lege ti lo so, lo so lo to nda ti batango mbi na molenge ngbii asi laso so,

Tongo nda ti aye 28:20

Jacob amu zendo, atene: “Tongana Nzapa ayeke na mbi si lo bata mbi na lege so mbi yeke tambula daa so, tongana lo mu na mbi kobe ti tengo ni na abongo ti yungo ni,

Tongo nda ti aye 21:1

KOTA GBIA aga ti sara nzoni na Sara alingbi na tënë so lo tene. Lo sara ye na Sara alingbi na zendo so lo mu ando.

1 Pierre 2:12

Alingbi dutingo ti ala na popo ti azo ti amara nde ayeke nzoni. Tongaso, ataa so azo ni ayeke bi tënë na li ti ala atene, ala yeke azo ti sarango sioni, azo ni abaa nzoni sarango ye ti ala si ala gonda Nzapa na ndembe so lo yeke ga.

1 Timothée 6:8

Tongaso, tongana e yeke na kobe na bongo, so alingbi na e.

Abia (Psaumes) 147:14

Lo mu siriri na sese ti mo, lo mu na mo taa nzoni *ble alingbi na mo.

Amato 30:8

Mo zi na ya ti fini ti mbi aye ti kirikiri na atënë ti mvene. Mo sara si mbi ga wayere pepe wala zo ti mosoro nga pepe; mo mu na mbi gi kobe so alingbi na mbi.

Ruth 1:5

Na pekoni, Malon na Kilion nga akui. Noemi angba gi lo oko; koli ti lo ayeke daa pepe, amolenge ti lo use kue ayeke daa pepe.

Ruth 1:7

Lo na akogara ti lo use kue alondo na ndo so ala yeke daa, ala mu lege ti kiri na sese ti Juda.

Abia (Psaumes) 102:14

Mo ye *Sion; fade mo yeke londo ti sara na lo, ngbanga ti so ngoi ti baa mawa ti lo asi awe. Biani, taa ngoi ni alingbi awe!

Joël 2:19

Lo kiri tënë na azo ti lo, lo tene: “Baa, mbi yeke kiri ti mu na ala *ble, fini vin nga na nzoni mafuta. Ala yeke wara ni gbani gbani alingbi na ala. Mbi yeke kiri ti sara si amara nde azia kamene na le ti ala pepe.