Ruth 1:5 - Mbeti ti Nzapa - Tënë so amu fini

⁵ Na pekoni, Malon na Kilion nga akui. Noemi angba gi lo oko; koli ti lo ayeke daa pepe, amolenge ti lo use kue ayeke daa pepe.

Ruth 1:5 Referans Kwoze

Nzoni Tënë so Luc asu na mbeti 7:12

Na ndembe so lo si nduru na yanga ti gbata ni, lo baa azo ayo mbeni kuâ ti gue ti lu ni: kuâ ni ayeke ti oko molenge-koli ti mbeni wali-mua. Gba ti azo ti gbata ni ayeke na tere ti mama ni si ayeke gue ti lu kuâ ni.

Jérémie 2:19

Fade sioni ti mo wani ayeke kiri na li ti mo. Mo zia mbi awe; fade mo yeke wara ye ti peko ni! Tongaso si mo hinga, mo tene, ziango KOTA GBIA Nzapa ti mo, ayeke sioni si ayeke ye ti vundu mingi; tongana mo kpe mbeto ti mbi pepe, so ayeke ye ti vundu mingi!” So tënë ti yanga ti KOTA GBIA so ayeke na ndö ti dunia kue laa.

Ésaïe 49:21

Tongaso, fade mo yeke hunda tere ti mo, mo tene: ‘Amolenge so kue so, zo wa laa adu ala na mbi, zo wa? A gbanzi mbi lani na amolenge, mbi yeke wali ti dungo ni pepe, a gbu mbi lani, a gue na mbi na kodro wande, a zia gi mbi oko. Zo wa laa abata ala so, zo wa? Mbi ngba lani gi mbi oko, amolenge so, ala yeke lani na ndo wa?’ ”

Ndia ti fani use ni 32:39

Fadeso, ayeke nzoni ala hinga ye so: mbi, mbi yeke gi mbi oko, na tere ti mbi, mbeni nzapa nde ayeke daa pepe. Mbi laa mbi yeke sara si zo akui, mbi laa mbi yeke sara si zo aduti na fini; mbi laa mbi yeke zia ka na tere ti zo, mbi laa mbi yeke sara si ka ni amu. Zo wa laa alingbi ti gboto zo na maboko ti mbi, zo wa?

Ruth 1:2

Iri ti koli so ayeke Elimelek; iri ti wali ti lo ayeke Noemi; iri ti amolenge ti lo ti koli use ayeke Malon na Kilion. Ala yeke azo ti kete mara ti Efrata na kodro ti Betlehem, na sese ti Juda. Ala si na sese ti Moab si ala sara kodro kâ.

Ruth 1:4

Amolenge ni amu awali ti mara ti Moab. Iri ti mbeni wali ni ayeke Orpa, iri ti mbeni ayeke Ruth. Ala ngba na ndo so nduru na ngu baleoko.

Ruth 1:6

Kâ na sese ti Moab, Noemi ama a tene, *KOTA GBIA aga ti sara nzoni na azo ti lo si ala wara kobe ti tengo ni. Tongaso, Noemi na awali ti amolenge ti lo aleke tere ti ala ti zia sese ti Moab, ti kiri na sese ti Juda.