Rome 8:7 - Mbeti ti Nzapa - Tënë so amu fini

⁷ Azo so be ti ala ayeke gi na ndö ti asioni nzara ti be ti ala, ala yeke awato ti Nzapa; ala ke ti sara ye alingbi na Ndia ti Nzapa, ala lingbi nga ti sara ni oko pepe.

Rome 8:7 Referans Kwoze

1 Korente 2:14

Zo so ayeke na Yingo ti Nzapa pepe, lo yeke yeda na aye ti Yingo ti Nzapa pepe: aye ni ayeke aye ti buba na le ti lo, lo lingbi ti ma ya ni pepe, ngbanga ti so zo alingbi ti hinga nda ni gi na lege ti Yingo.

Jacques 4:4

Ala so ado lege ti Nzapa azia so! Ala hinga pepe? Zo so aye tënë ti aye ti dunia so, andaa lo ke Nzapa awe; zo so aye tënë ti aye ti dunia so, andaa lo ga wato ti Nzapa awe.

Rome 7:22

Nilaa na ya ti be ti mbi kâ, Ndia ti Nzapa laa anzere na mbi.

Ahebro 8:10

Kota Gbia atene: Baa, mbuki so mbi na azo ti Israel, e yeke sara ni ayeke so: Na peko ti alango ni so, mbi yeke mu andia ti mbi na ala, mbi yeke su ni na ya ti li ti ala nga na ndö ti be ti ala. Mbi yeke duti Nzapa ti ala si ala yeke duti azo ti mbi.

2 Timothée 3:4

Ala yeke azo ti kango amba ti ala, azo ti ngonzo, azo so baba ahon ndö ti ala; ala ye aye so anzere na ala ahon Nzapa;

Kolose 1:21

Ala, azo ti Nzapa, ala yeke ando azo so akangbi na lo, ala yeke awato ti lo ndali ti sioni tënë ti be ti ala nga na aye ti kirikiri so ala sara.

Rome 8:4

Nzapa asara ye so titene e sara ye ti mbirimbiri so Ndia ahunda na e na ngangu ti sara; e so e yeke sara ye alingbi na asioni nzara ti be ti e mbeni pepe, me alingbi na ye so Yingo aye.

Rome 5:10

Na ngoi so lani e yeke awato ti Nzapa, lo sara si songo akiri na popo ti e na lo na lege ti kuâ ti Molenge ti lo. Na ndö ti so kue, so songo akiri na popo ti e na lo awe, lo lingbi nga ti soo e na kuâ na lege ti fini ti Molenge ti lo.

Rome 1:28

So ala ke ti hinga Nzapa awe, lo zia ala titene hingango ndo ti ala aga kirikiri si ala sara ye so zo alingbi fade ti sara pepe.

Jean 7:7

Azo ti dunia alingbi ti ke ala pepe; me azo ni ake mbi, ngbanga ti so mbi tene tënë na ndö ti ala, mbi tene: aye so ala ayeke sara ayeke sioni.

Rome 3:31

Tongaso, na lege ti mabe, e yeke baa Ndia tongana senge ye? Oko pepe! Me e mu nengo na Ndia.

Rome 1:30

ala yeke tene sioni tënë na iri ti amba ti ala; ala yeke awato ti Nzapa, ala yeke azo ti sioni yanga, ala baa tere ti ala kota ahon azo kue, ala yeke pika kate ti ala mingi, ala yeke gi gi akode ti sarango sioni, ala yeke sara ngangu li na babâ na mama ti ala,

Matthieu 12:34

Ala asioni mara ti ngbo! Ala yeke tene anzoni tënë ngbanga ti nyen, so ala wani ayeke asioni zo so? Ye so asi singo na be ti zo laa ayeke sigigi na lege ti tënë ti yanga ti lo.

2 Pierre 2:14

Le ti ala ayeke za na nzara ti gingo awali; nzara ti sarango siokpari ayeke hunzi na be ti ala oko pepe. Ala yeke handa azo so be ti ala ade ti kpengba pepe; nzara ti warango ye ti ala ahon ti azo kue. Ala yeke azo so a deba ala awe!

Matthieu 5:19

Ndani laa, zo so ake mbeni kete kete mbage ti Ndia si lo fa lege ti kengo ni na ambeni zo, fade lo yeke duti ndangba zo na ya ti *Kodro-gbia ti yayu. Me zo so asara ye alingbi na atënë ni si lo fa lege na amba ti lo ti sara ye alingbi na ni, fade lo yeke duti kota zo na ya ti Kodro-gbia ti yayu.

Jérémie 13:23

Zo ti Etiopii alingbi ti gbian poro ti tere ti lo? Ze alingbi ti zi anzoroko ti tere ti lo? Ala so sarango sioni aga ye ti tere ti ala so, ala lingbi ti sara nzoni ye?

2 Mbai 19:2

Zo ti bango nda ti aye Yehu, molenge ti Hanani, aga awara gbia Yosafat na lege si atene na lo: “Mo mu maboko na sioni zo tongaso ngbanga ti nyen? Azo so be ti ala ake *KOTA GBIA so, mo ye ala ngbanga ti nyen? Ndali ti ye so mo sara so, KOTA GBIA ayeke sara ngonzo na tere ti mo.

Abia (Psaumes) 53:1

Bia so ayeke ndali ti makonzi-bia; a he ni na *ngoli. Bia ti fango ye na zo; bia ti David.

1 Korente 9:21

Tongana mbi yeke na popo ti azo so ayeke na gbe ti Ndia ti Moïse pepe, mbi yeke sara ye tongana zo so ayeke na gbe ti Ndia ni pepe. Mbi sara tongaso ti wara azo so ayeke na gbe ti Ndia ni pepe. Andaa mbi ke ndia ti Nzapa pepe, ngbanga ti so mbi yeke sara ye alingbi na ndia ti Christ.

Sigingo 20:5

Alingbi mo kuku na gbe ti ayanda so pepe, mo voro ala pepe, ngbanga ti so mbi KOTA GBIA Nzapa ti mo, mbi yeke Nzapa so ayeke sara mbanda ti azo ti lo. Azo so asara sioni ti ke mbi, mbi yeke kiri na sioni ti azo ni na ndö ti *ahale ti ala, ngbii asi na molongo ota ni wala molongo osio ni.

Kolose 2:18

A-ita, alingbi ala zia amara ti azo tongaso afâ ngbanga na li ti ala pepe. Ambeni zo ni aye ti sara tere ti ala lakue na le ti azo tongana akete zo si ala yeke voro *a-ange, ala zia be ti ala gi na ndö ti aye so ala baa na ya ti mbeni ye tongana bango-li. Hingango ndo ti ala ayeke senge gbungo-li ti azo, asara si ala baa tere ti ala kota ahon azo kue.

Mbeti ti Job 15:13

Mo yeke sara ngonzo na tere ti Nzapa ngbanga ti nyen? Mo zia gba ti tënë tongaso asigigi na yanga ti mo ngbanga ti nyen?

Ezekiel 14:5

Tongaso, fade tënë ti mbi ayeke ndu be ti azo ti Israel, ala so kue ague yongoro na mbi ndali ti ayanda ti ala so.