Rome 8:27 - Mbeti ti Nzapa - Tënë so amu fini

²⁷ Nzapa so ayeke baa ya ti be ti zo ahinga ye so Yingo aye. Biani, Yingo ayeke sambela ndali ti azo ti Nzapa na lege so Nzapa aye.

Rome 8:27 Referans Kwoze

Jérémie 17:10

“Mbi, KOTA GBIA, mbi yeke baa be ti zo na atënë ti be ti zo kue. Tongaso, mbi lingbi ti sara ye na zo alingbi na dutingo ti lo nga na asarango ye ti lo.

Efeze 2:18

Biani, ndali ti lo si e, azuife, na ala azo ti amara nde, e ga nduru na Nzapa Babâ, na lege ti oko Yingo-Vuru.

Rome 8:34

Zo wa laa alingbi ti fâ ngbanga na li ti ala? Zo oko pepe, ngbanga ti so Jésus Christ akui awe si na pekoni, lo zingo na kuâ, lo yeke duti na tere ti Nzapa, na mbage ti maboko ti lo ti koli si lo yeke sambela ndali ti e.

Awatokua 1:24

Na pekoni, ala sambela Nzapa, atene: “Kota Gbia, mo hinga be ti azo kue. Tongaso, na popo ti azo use so, fa na e zo wa laa mo soro lo

1 Mbai 28:9

– Ti mo, molenge ti mbi Salomon, ayeke nzoni mo hinga Nzapa ti babâ ti mo; mo sara na lo na be ti mo kue, tere ti mo ayapu na kua, ngbanga ti so KOTA GBIA laa ayeke baa ya ti be ti zo si lo hinga tënë ti be ti zo. Tongana mo gi lo, fade lo yeke zia lege na mo ti wara lo; me tongana mo zia lo, fade lo yeke ke mo kpu na kpu.

Amato 17:3

A yeke tara lôro nga na wen ti nginza na ya ti wâ; me KOTA GBIA laa ayeke tara be ti zo.

Awatokua 15:8

Nzapa so ahinga be ti zo afa atene, lo ye azo ti amara nde; lo fa ni na lege so lo mu Yingo-Vuru na ala gi tongana ti so lo mu ni na e.

Abia (Psaumes) 44:21

Tongana e girisa lani Nzapa ti e, tongana e sambela lani mbeni nzapa nde,

1 Tesalonike 2:4

Me e yeke fa tënë ni tongana ti so be ti Nzapa aye, ngbanga ti so lo tara e awe si lo mu na e kua ti fango Nzoni Tënë. E yeke gi lege ti zia ngia na be ti azo pepe, me ti zia ngia na be ti Nzapa, lo so lo yeke tara be ti e.

Matthieu 6:8

Ala sara ye tongana ti azo ni so pepe. Biani, Babâ ti ala ahinga kozoni awe ye so atia ala.

Jérémie 20:12

KOTA GBIA so ayeke na ndö ti dunia kue, mo laa mo hinga zo so ayeke mbirimbiri, mo laa mo hinga atënë ti be ti zo na agbungo li ti lo. Sara si mbi baa lege so mo kiri na awato ti mbi peko ti sioni so ala sara na mbi, ngbanga ti so mbi zia tënë ti mbi na maboko ti mo awe.

Jérémie 11:20

Me mo, KOTA GBIA so mo yeke na ndö ti dunia kue, mo yeke fâ ngbanga mbirimbiri. Tënë ti be ti zo na ye so zo ayeke gbu li ti lo daa, mo hinga ni kue. Fade mbi yeke baa lege so mo yeke kiri na ala peko ti sioni so ala sara na mbi, ngbanga ti so mbi zia tënë ti mbi na maboko ti mo.

Aye so Nzapa afa 2:23

Fade mbi yeke fâ azo so kue ayeke mu peko ti wali ni. Na pekoni, a-Eglize kue ayeke hinga atene, mbi yeke lo so lo hinga tënë so ayeke na ya ti be ti zo nga na nzara ti be ti zo. Fade mbi yeke futa zo oko oko alingbi na ye so lo sara.

Jean 14:13

Ye so kue ala yeke hunda na iri ti mbi, fade mbi yeke sara ni si azo agonda Babâ na lege ti Molenge ni.

Nzoni Tënë so Luc asu na mbeti 16:15

Lo tene na ala: “Ala yeke fa na le ti azo atene, ala yeke azo ti mbirimbiri, me Nzapa ahinga be ti ala kue. Ye so ayeke kota ye na le ti azo, ayeke sioni mingi na le ti Nzapa.

Abia (Psaumes) 7:9

KOTA GBIA, mo so mo yeke fâ ngbanga ti amara nde, fâ ngbanga ti mbi alingbi na mbirimbiri ti mbi; tënë ayeke na li ti mbi pepe.

Jacques 5:16

Ala fa siokpari ti ala na gigi na amba ti ala, ala sambela ndali ti amba ti ala si kobela ti ala akai. Sambela ti zo ti mbirimbiri ayeke na ngangu mingi ti sara ye.

Ahebro 4:13

Ye so kue Nzapa asara, mbeni oko so ahonde na le ti lo ayeke daa pepe. Ye kue ayeke na gbe ti le ti lo polele; ye so kue e yeke sara, fade e yeke fa peko ni na lo.

Rome 8:6

Asioni nzara ti be ti zo ayeke gue na lo na kuâ; me zo so be ti lo ayeke gi na ndö ti ye so Yingo aye, fade lo yeke duti na fini nga na siriri.

Abia (Psaumes) 38:9

Ngangu ti mbi ahunzi awe, mbi woko kue awe; ndali ti pasi so ayeke na be ti mbi, mbi yeke dema.

1 Mbai 29:17

Nzapa ti mbi, mbi hinga so mo laa mo yeke baa ya ti be ti zo si mo yeda na ye so ayeke mbirimbiri. Ti mbi, na be so ayeke mbirimbiri laa mbi mu aye so kue na mo na be ti mbi wani. Fadeso, mbi yeke na ngia ti baa azo ti mo so abongbi ge ti mu ye na mo na be ti ala wani.

Jean 21:17

Jésus akiri ahunda lo ti fani ota ni, atene: “Simon, molenge ti Jean, mo ye mbi?” Vundu asara Pierre, ngbanga ti so Jésus ahunda lo fani ota, atene: “Mo ye mbi?” Tongaso lo tene na Jésus: “Kota Gbia, mo hinga ye kue, mo hinga so mbi ye mo!” Jésus atene na lo: “Bata ataba ti mbi.

Abia (Psaumes) 139:1

Bia so ayeke ndali ti makonzi-bia; bia ti David. *KOTA GBIA, mo baa ndo na ya ti be ti mbi kâ, mo hinga mbi nzoni.