Rome 8:2 - Mbeti ti Nzapa - Tënë so amu fini

² Biani, *Ndia ti Yingo ayeke mu fini na zo na lege ti gango so zo ni aga oko na Jésus Christ. Ndia ti Yingo ni azi mbi na gbe ti ndia ti siokpari nga na ti kuâ awe.

Rome 8:2 Referans Kwoze

Rome 6:14

Biani, siokpari ayeke kiri ti sara komandema na ndö ti ala pepe, ngbanga ti so ala yeke na gbe ti *Ndia mbeni pepe, me na gbe ti nzoni be ti Nzapa.

2 Korente 3:17

Andaa Kota Gbia ayeke Yingo; ndo so Yingo ti Kota Gbia ayeke daa, ye ti zingo zo na gbe ti ngbaa ayeke daa.

Rome 6:18

Nzapa azi ala na gbe ti siokpari awe si ala ga angbaa ti sarango ye ti mbirimbiri.

2 Korente 3:6

Lo laa lo sara si e ga azo so alingbi ti sara kua ti fini *mbuki so alondo na ndia so a su ni sungo pepe, me so alondo na Yingo-Vuru. Ndia so a su ni sungo ayeke gue na zo na kuâ, me Yingo ayeke mu fini na zo.

1 Korente 15:45

Ndani laa Mbeti ti Nzapa atene: “Adam so ayeke kozo zo, aga zo so ayeke na fini”; me Christ so ayeke nga Adam ti ndani, ayeke Yingo so ayeke mu fini na zo.

Jean 8:36

Tongana Molenge ni azi ala na gbe ti ngbaa, fade ala yeke sigigi na gbe ti ngbaa biani.

Jean 8:32

Fade ala yeke hinga taa-tënë si taa-tënë ayeke zi ala na gbe ti ngbaa.”

Rome 7:4

A-ita ti mbi, ye ni ayeke nga tongaso ndali ti ala: na lege ti kuâ so Christ akui, ala nga, ala kui si ala sigigi na gbe ti Ndia awe. Ti fadeso ala ga azo ti Christ, lo so azingo na kuâ awe; ala ga azo ti lo titene e sara anzoni ye ndali ti Nzapa.

Rome 6:22

Ti fadeso, Nzapa azi ala na gbe ti ngbaa ti siokpari awe si ala ga angbaa ti lo. Ye so ala yeke wara na peko ni ayeke fini so a zia nde ndali ti Nzapa si na ndani, ayeke fini so angba lakue lakue.

Jean 6:63

Yingo ti Nzapa laa ayeke mu fini na zo; zo alingbi ti wara fini na ngangu ti lo wani pepe. Atënë so mbi tene na ala ayeke tënë ti Yingo na tënë ti fini.

Jean 4:14

me zo so ayeke nyon ande ngu so mbi yeke mu na lo, nzara ti ngu ayeke kiri ti sara lo pepe. Ngu so mbi yeke mu na lo ayeke ga li ti ngu so fini so angba lakue lakue ayeke sigigi daa.”

Jean 4:10

Jésus akiri tënë na lo: “Tongana mo hinga fade ye so Nzapa ayeke mu na zo si mo hinga zo so ayeke hunda ngu ti nyongo ni na maboko ti mo so, ka mo wani laa mo yeke hunda na lo ngu so ayeke sara titene zo angba na fini.”

Galasii 5:1

Christ azi e awe titene e sigigi na gbe ti ngbaa biani. Tongaso, ala luti ngangu! Ala yeda titene a kiri na ala na gbe ti ngbaa pepe!

Galasii 2:19

Ti mbi, mbi kui kuâ ti Ndia lani awe si mbi sigigi na gbe ti Ndia ni titene fini so mbi yeke na ni ayeke ndali ti Nzapa; so ti tene, na ndembe so Christ akui na ndö ti keke ti kroa, mbi na lo laa e kui.

Rome 5:21

Siokpari ayeke lani na ngangu na ndö ti kuâ; legeoko nga, nzoni be ti Nzapa ayeke na ngangu ti mu fini so angba lakue lakue na lege ti Jésus Christ, *Kota Gbia ti e.

Rome 7:21

Tongaso, mbi baa so mbeni ndia ayeke daa: tongana mbi ye ti sara ye ti nzoni, sioni ye laa ayeke ku mbi kungo titene mbi sara ni.

Abia (Psaumes) 51:12

O Nzapa, mu na mbi be so avuru tarara; sara si mbi ga fini zo si mbi ngba lakue gi na lege ti mo.

Aye so Nzapa afa 22:1

Na pekoni, *ange ni afa na mbi kota *bale so ayeke mu fini na zo; zo ayeke baa ndo na ya ti bale ni kue. Ngu ni alondo na mbage ti mbata ti Gbia Nzapa na ti Molenge ti Taba si ayeke sigigi.

Rome 3:27

Ye titene zo agonda tere ti lo ngbanga ni ayeke daa? Oko pepe! Lo yeke gonda tere ti lo ngbanga ti nyen? Ngbanga ti so lo sara ye alingbi na Ndia? Oko pepe! Me ngbanga ti so lo ma na be.

Aye so Nzapa afa 11:11

Na peko ti lango ota na ndambo ni, mbeni pupu so ayeke mu fini na zo alondo na Nzapa, aga ali na ya ti azo use so; ala londo aluti na ndö ti gere ti ala. Kota mbeto agbu azo so kue ayeke baa ala.

Rome 7:23

Me mbi baa na ya ti tere ti mbi, mbeni ndia nde ayeke daa: ndia ni ayeke tiri na mbeni ndia so gbungo-li ti mbi ayeda na ni. Ndia ni asara si mbi ga ngbaa ti siokpari so ayeke na ya ti tere ti mbi.

Rome 8:1

Fadeso, azo so aga oko na Jésus Christ awe, ngbanga ayeke na li ti ala mbeni pepe.

Rome 16:3

Ala bara na mbi Priscille na Akilas, amba ti mbi so mbi na ala, e yeke sara kua ti Jésus Christ.

Galasii 6:2

Ala yo kungba ti amba ti ala na popo ti ala: so lege ti sarango ye alingbi na ndia ti Christ laa.

Jacques 1:25

Me zo so agi nda ti ndia mbirimbiri, ndia so ayeke nzoni kue si ayeke zi zo na gbe ti ngbaa, zo ni azia be ti lo kue na ndö ni, lo ma tënë ni si tënë ni ahuru mê ti lo pepe, me lo yeke sara ye alingbi na ni, fade lo yeke baa nzoni na lege ti aye ti lo so lo yeke sara.

Ezekiel 1:21

Nilaa, tongana aye ni ayeke gue na li ni, aruu ni ayeke gue nga; tongana aye ni aluti, aruu ni aluti nga; tongana ala londo na ndö ti sese ti gue na le ti nduzu, aruu ni ayeke londo na ala legeoko, ngbanga ti so yingo ti aye so ayeke na fini laa ayeke na ya ti aruu ni.