Rome 5:12 - Mbeti ti Nzapa - Tënë so amu fini

¹² Siokpari aga na ndö ti dunia so na lege ti zo oko, Adam, si na lege ti siokpari, kuâ aga. Tongaso kuâ amu azo kue, ngbanga ti so azo kue asara siokpari awe.

Rome 5:12 Referans Kwoze

Rome 5:19

Azo mingi aga azo ti siokpari na lege ti kengo yanga ti zo oko; legeoko nga, azo mingi aga mbirimbiri na lege ti zo oko.

Rome 6:23

Biani, futa ti siokpari ayeke kuâ; me nzoni ye so Nzapa ayeke mu na zo senge senge ayeke fini so angba lakue lakue, na lege ti gango so e ga oko na Jésus Christ, *Kota Gbia ti e.

Rome 3:23

azo kue asara siokpari awe, ala lingbi ti baa gonda ti Nzapa pepe.

Jacques 1:15

Tongana nzara ti be ti zo amu ngo awe, ayeke du siokpari. Tongana siokpari ni ahon ndoni awe, ayeke gue na zo na kuâ.

Tongo nda ti aye 2:17

Me le ti keke ti hingango nzoni na sioni so, mo te ni pepe, ngbanga ti so na lango so mo yeke te ni, mo yeke kui biani.”

Abia (Psaumes) 51:5

Mbi hinga so mbi buba lege ti ndia ti mo awe; siokpari ti mbi ayeke lakue na le ti mbi.

Tongo nda ti aye 3:19

Mo yeke wara kobe ti mo gi na gbiki ti li ti mo, ngbii asi na lango so mo yeke kiri na ya ti sese, ngbanga ti so a mu mo na ya ti sese. Mo yeke fuku ti sese, mo yeke kiri ande na ya ti fuku ti sese.”

Tongo nda ti aye 3:6

Wali ni abaa so ale ti keke ni ayeke nzoni titene zo ate ni; ayeke pendere titene zo abaa ni si ayeke nzoni ti sara si zo ahinga ndo. Lo mu mbeni le ni, lo te, lo mu nga na koli ti lo so ayeke na tere ti lo si lo kue, lo te ni.

Rome 5:21

Siokpari ayeke lani na ngangu na ndö ti kuâ; legeoko nga, nzoni be ti Nzapa ayeke na ngangu ti mu fini so angba lakue lakue na lege ti Jésus Christ, *Kota Gbia ti e.

Jacques 3:2

E kue, e yeke girisa lege fani mingi. Tongana mbeni zo agirisa lege na ya ti tenengo tënë ti lo pepe, andaa lo yeke zo ti nzoni kue, lo lingbi ti kanga tere ti lo kue.

Ezekiel 18:4

Biani, fini ti azo kue ayeke ye ti mbi, ataa fini ti ababâ wala ti amolenge. Zo so asara siokpari, lo laa lo yeke kui.

Rome 5:18

Tongaso, na lege ti siokpari ti zo oko, ngbanga ati na li ti azo kue. Legeoko nga, sarango ye ti mbirimbiri ti zo oko asara si azo kue aga mbirimbiri si ala yeke na fini.

Rome 6:21

Aye so ando ala yeke sara so, nzoni ye ti nyen laa ala wara daa? Fadeso aye ni asara ala kamene, ngbanga ti so ye ti peko ni ayeke gi kuâ!

1 Korente 15:56

Ye so kuâ ayeke fâ azo na ni ayeke siokpari; ye so amu ngangu na siokpari ayeke ndia.

Efeze 2:3

E nga kue, e yeke ando tongana ala: e yeke sara aye na lege ti asioni nzara ti be ti e, e yeke sara ye so be ti e aye na ye so anzere na be ti e. E nga, ngonzo ti Nzapa alingbi ti ti na li ti e tongana tanga ti azo kue ndali ti so a du e zo.