Rome 3:27 - Mbeti ti Nzapa - Tënë so amu fini

²⁷ Ye titene zo agonda tere ti lo ngbanga ni ayeke daa? Oko pepe! Lo yeke gonda tere ti lo ngbanga ti nyen? Ngbanga ti so lo sara ye alingbi na Ndia? Oko pepe! Me ngbanga ti so lo ma na be.

Rome 3:27 Referans Kwoze

Rome 2:23

Mo yeke pika kate ti mo ndali ti Ndia, me ngbanga ti nyen si sarango ye ti mo alingbi na tënë ti Ndia pepe? Ngbanga ti nyen si mo yeke ne Nzapa pepe?

Rome 4:2

Tongana lo ga ando mbirimbiri na le ti Nzapa ndali ti anzoni ye so lo sara, ka lo lingbi fade ti gonda tere ti lo daa; me na le ti Nzapa, lo lingbi ti sara ni pepe.

Galasii 3:22

Me Mbeti ti Nzapa atene, azo kue ayeke na gbe ti ngangu ti siokpari. Ndani laa, ye so Nzapa amu zendo ni, lo yeke mu ni na azo so ama na be na Jésus Christ, lo mu ni na ala ndali ti mabe ti ala.

Rome 2:17

Ti mo so mo tene mo yeke zuife so, mo zia be ti mo na ndö ti *Ndia si mo yeke pika kate ti mo ndali ti Nzapa ti mo.

Rome 7:21

Tongaso, mbi baa so mbeni ndia ayeke daa: tongana mbi ye ti sara ye ti nzoni, sioni ye laa ayeke ku mbi kungo titene mbi sara ni.

Galasii 2:16

Me ye so e hinga ayeke so: zo aga mbirimbiri na le ti Nzapa gi na lege so lo ma na be na Jésus Christ, me sarango ye alingbi na *Ndia pepe. E nga, e ma na be na Jésus Christ awe, e ga mbirimbiri na le ti Nzapa na lege ti mabe; sarango ye alingbi na Ndia laa asara si e ga mbirimbiri pepe. Biani, sarango ye alingbi na Ndia laa asara si zo oko aga mbirimbiri na le ti Nzapa pepe.

1 Korente 4:7

Biani, zo wa laa atene na mo atene, mo hon azo kue? Aye so mo yeke na ni so, Nzapa laa amu ni na mo pepe? Tongana Nzapa laa amu ni na mo, ngbanga ti nyen laa mo yeke gonda tere ti mo daa, mo baa mo tene, aye so mo yeke na ni so a mu na mo mungo pepe?

Rome 11:6

Nzapa asoro azo na lege ti nzoni be ti lo, lo soro ala ndali ti sarango ye ti ala pepe. Tongaso pepe, ka nzoni be ti Nzapa angba nzoni be mbeni pepe.

Rome 10:5

Na ndö ti tënë ti gango mbirimbiri na lege ti sarango ye so Ndia afa, Moïse asu na mbeti, atene: “Zo so asara ye alingbi na atënë ti ndia, fade lo yeke na fini ndali ni.”

Rome 9:32

Ala girisa ni ndali ti nyen? Ndali ti so ala ye ti ga mbirimbiri na le ti Nzapa na lege ti anzoni ye so ala yeke sara, me ala gi ti ga mbirimbiri na lege ti mabe pepe. Ala pika gere ti ala na tere ti têne so asara si zo aye ti ti,

Rome 9:11

Andaa ye so Nzapa aleke na be ti lo ayeke ti soro zo: lo yeke soro zo ndali ti sarango ye ti lo pepe, me tongana ti so be ti lo aye; lo laa lo yeke iri zo. Titene Nzapa abata tënë ti yanga ti lo, lo tene na Rébecca: “Fade kozo molenge ti mo ayeke sara kua na gbe ti ngambe ni.” Nzapa atene tënë ni kozo titene Rébecca adu amolenge ni, andaa ala de ti sara nzoni wala sioni pepe.

Rome 8:2

Biani, *Ndia ti Yingo ayeke mu fini na zo na lege ti gango so zo ni aga oko na Jésus Christ. Ndia ti Yingo ni azi mbi na gbe ti ndia ti siokpari nga na ti kuâ awe.

Rome 7:25

Mbi mu singila na Nzapa na iri ti Jésus Christ, Kota Gbia ti e! Tongaso, lege so mbi yeke duti na ni ayeke so: na lege ti gbungo-li ti mbi, mbi ga ngbaa ti Ndia ti Nzapa si na lege ti dutingo ti mbi ti zo, mbi ga ngbaa ti ndia ti siokpari.

Rome 7:23

Me mbi baa na ya ti tere ti mbi, mbeni ndia nde ayeke daa: ndia ni ayeke tiri na mbeni ndia so gbungo-li ti mbi ayeda na ni. Ndia ni asara si mbi ga ngbaa ti siokpari so ayeke na ya ti tere ti mbi.

Rome 3:19

E hinga so atënë ti *Ndia kue abaa azo so ayeke na gbe ti Ndia. Tongaso si zo oko awara tënë ti kiringo na ni pepe si na le ti Nzapa, ngbanga ayeke na li ti azo ti dunia kue.

Jean 3:36

Zo so ama na be na Molenge ni, lo yeke na fini so angba lakue lakue; zo so ake ti ma na be na Molenge ni, fade lo yeke na fini so pepe, me ngonzo ti Nzapa angba na ndö ti lo.”

Marc 16:16

Zo so ama na be si awara bateme, fade lo yeke soo kuâ, me zo so ama na be pepe, fade a yeke fâ ngbanga na li ti lo.

Sofonii 3:11

“Na lango ni so, ala azo ti mbi, asioni ye so kue ala sara, aye so ala sara ti ke mbi, fade kamene ni ayeke kiri ti sara ala pepe. Biani, na lango ni so, azo ti kirikiri so baba ahon ndö ti ala, mbi yeke zi ala na popo ti ala, azo ti mbi. Tongaso si ala zia lege ti sarango kuru baba na ndö ti hoto ti mbi so ayeke nde si ayeke nzoni kue.

Rome 3:26

na ngoi so lo kanga be ti lo ti ku ala. Ti fadeso, lo fa so lo yeke mbirimbiri si lo ye titene azo so ama na be na Jésus aga mbirimbiri na le ti lo.

Rome 9:31

Me azo ti Israel so ayeke gi ando ti ga mbirimbiri na le ti Nzapa na lege ti *Ndia, ala girisa lege ti ye so Ndia afa tënë ni so awe.