Rome 2:9 - Mbeti ti Nzapa - Tënë so amu fini

⁹ Azo so kue ayeke sara ye ti sioni, fade ye ti ngangu na pasi ayeke si na ala, azuife kozoni si na pekoni azo ti amara nde.

Rome 2:9 Referans Kwoze

1 Pierre 4:17

Biani, ngoi so e yeke daa ayeke ngoi so Nzapa ayeke to nda ti fango ngbanga ti azo ti da ti lo. So Nzapa ayeke to nda ti fango ngbanga ti e kozoni so, fade ti azo so ake ti ma na be na Nzoni Tënë ti Nzapa ayeke duti tongana nyen?

Rome 1:16

Biani, kamene ti fango Nzoni Tënë asara mbi pepe: Nzoni Tënë ni ayeke ngangu ti Nzapa so lo mu ti soo azo so kue ama na be, azuife kozoni, na pekoni azo ti amara nde.

Ezekiel 18:4

Biani, fini ti azo kue ayeke ye ti mbi, ataa fini ti ababâ wala ti amolenge. Zo so asara siokpari, lo laa lo yeke kui.

2 Tesalonike 1:6

Taa-tënë, Nzapa ayeke mbirimbiri: fade lo yeke kiri na peko ti pasi na azo so asara pasi na ala.

Rome 9:24

Azo ni ayeke e so lo iri e; ambeni, lo iri ala na popo ti azuife, gi ala oko pepe, me lo iri nga ambeni na popo ti azo ti amara nde.

Rome 2:10

Me azo so ayeke sara ye ti nzoni, fade Nzapa ayeke gonda ala, lo yeke ne ala si lo yeke mu na ala siriri, azuife kozoni si na pekoni azo ti amara nde.

Awatokua 3:26

Ndali ti ala, azo ti Israel, Nzapa asoro zo ti kua ti lo si lo tokua lo kozoni ti sara tufa na ndö ti ala tongana ala oko oko azia ngbene lege ti sarango ye ti ala.”

Nzoni Tënë so Luc asu na mbeti 24:47

Na iri ti lo, fade azo ayeke fa Nzoni Tënë na amara kue, ti to nda ni na Jérusalem. Ala yeke tene na azo titene ala zia ngbene lege ti sarango ye ti ala, ala kiri na Nzapa si fade Nzapa azi siokpari na li ti ala.

Kolose 3:11

Nilaa greke wala zuife ayeke daa mbeni pepe, zo so afâ *ganza wala zo so afâ ganza pepe, zo ti amara nde wala basanzi, ngbaa wala zo so ayeke ngbaa pepe ayeke daa mbeni pepe; me kota ye ni ayeke so: Christ ayeke ye kue si lo yeke na be ti azo ti lo kue.

Galasii 3:28

Tongaso, zuife wala zo ti amara nde ayeke daa mbeni pepe, ngbaa wala zo so ayeke ngbaa pepe ayeke daa mbeni pepe, koli wala wali ayeke daa mbeni pepe. Biani, ala kue ayeke oko, ngbanga ti so ala ga oko na Jésus Christ awe.

Rome 10:12

Tongaso, azuife na azo ti amara nde kue ayeke gi legeoko: Kota Gbia ti ala ayeke gi oko, lo yeke mu anzoni ye mingi na ala so kue airi lo titene lo mu maboko na ala.

Awatokua 28:28

Paul akiri atene: “Ayeke nzoni ala hinga atene, Nzapa atokua tënë ti songo zo na kuâ na azo ti amara nde. Ti azo ni so, fade ala yeke ma tënë ni!” [

Awatokua 28:17

Lango ota na pekoni, Paul airi amakonzi ti azuife ti Rome ti ga na ndo ti lo. So ala bongbi tere ti ala awe, lo tene na ala: “A-ita, ataa so mbi sara mbeni sioni ye na azo wala mbi ke nga lege ti aye ti akotara ti e pepe, a gbu mbi na Jérusalem si a zia mbi na maboko ti azo ti Rome.

Awatokua 26:20

Me mbi to nda ti fa tënë ti Nzapa kozoni na azo ti Damas nga na azo ti Jérusalem. Na pekoni, mbi fa tënë ni na azo ti sese ti Judée kue nga na azo ti amara nde; mbi hunda na ala titene ala zia ngbene lege ti sarango ye ti ala ti kiri na mbage ti Nzapa, ala sara ye so afa atene, ala zia ngbene lege ti sarango ye ti ala awe.

Awatokua 20:21

Mbi iri azuife na azo ti amara nde titene ala zia ngbene lege ti sarango ye ti ala, ala kiri na Nzapa si ala ma na be na Kota Gbia ti e Jésus.

Awatokua 13:26

“A-ita, ala so ayeke *ahale ti Abraham na ala, azo so ayeke ge si ayeke voro Nzapa so, e laa Nzapa atokua tënë ti songo zo na kuâ na e!

Awatokua 11:18

So ala ma tënë so, be ti ala ade si ala gonda Nzapa, atene: “Nzapa amu nga lege na azo ti amara nde ti zia ngbene lege ti sarango ye ti ala si ala wara fini!”

Matthieu 16:26

Tongana zo awara aye ti dunia so kue si lo girisa fini ti lo, nzoni ye ti nyen laa lo yeke wara na peko ni? Nyen laa zo alingbi ti mu ti vo na fini ti lo?

Amos 3:2

“Na popo ti asewa kue ti sese so, gi ala oko laa mbi soro ala. Ndani laa fade mbi yeke hunda na ala titene ala fa na mbi peko ti asioni ye so kue ala sara.”

2 Mbai 6:23

mo so mo yeke na yayu kâ, ayeke nzoni mo ma zo ni; mo sara ye, mo fâ ngbanga ti azo ti kua ti mo titene zo so asara sioni, lo wara pika lo si sioni ti lo akiri na li ti lo wani; zo so asara sioni pepe, mo sara na lo alingbi na mbirimbiri ti lo.

Abia (Psaumes) 32:10

Pasi ti sioni zo ayeke mingi, me zo so azia be ti lo na ndö ti KOTA GBIA, nzoni be ti KOTA GBIA ayeke ngoro lo kue.

Amato 11:23

Nzara ti be ti azo ti mbirimbiri ayeke gi ye oko: sarango nzoni ye. Me ti azo ti sioni, ye so ala yeke ku ayeke gi ngonzo.

Ezekiel 22:31

Tongaso, mbi tuku ngonzo ti mbi na ndö ti ala; mbi hunzi ala kue na lege ti ngonzo ti mbi ti wâ; mbi sara si sioni sarango ye ti ala akiri na li ti ala. So tënë ti yanga ti Kota Gbia NZAPA laa.”

Rome 8:35

Zo wa laa alingbi ti kangbi e na ndoye ti Christ? Pasi, wala mbeto, wala aye ti ngangu, wala nzara, wala dutingo na ye pepe, wala ye ti sioni so ayeke hara e wala kuâ?