Rome 2:17 - Mbeti ti Nzapa - Tënë so amu fini

¹⁷ Ti mo so mo tene mo yeke zuife so, mo zia be ti mo na ndö ti *Ndia si mo yeke pika kate ti mo ndali ti Nzapa ti mo.

Rome 2:17 Referans Kwoze

Rome 2:23

Mo yeke pika kate ti mo ndali ti Ndia, me ngbanga ti nyen si sarango ye ti mo alingbi na tënë ti Ndia pepe? Ngbanga ti nyen si mo yeke ne Nzapa pepe?

Mishe 3:11

Amakonzi ti agbata ni ayeke fâ ngbanga gi ndali ti warango goro; awayango-sandaga ti ala ayeke fa ye gi ti wara ye na pekoni; awayanga-Nzapa ti ala ayeke fa ye so ayeke si gi ndali ti warango nginza. Na ndö ni kue, ala yeke luti na ndö ti *KOTA GBIA si ala tene: “KOTA GBIA ayeke na popo ti e pepe? Fade ye ti sioni alingbi ti si na e pepe.”

Aye so Nzapa afa 2:9

Mbi hinga so mo yeke na ya ti ye ti ngangu, mo yeke wayere – andaa mo yeke zo ti mosoro! – Ambeni zo atene, ani yeke azuife, andaa ala yeke taa azuife pepe. Ala yeke bongbi ti azo so ayeke sambela Satan. Mbi hinga atënë ti mvene so azo ni ayeke du na li ti mo.

Rome 9:32

Ala girisa ni ndali ti nyen? Ndali ti so ala ye ti ga mbirimbiri na le ti Nzapa na lege ti anzoni ye so ala yeke sara, me ala gi ti ga mbirimbiri na lege ti mabe pepe. Ala pika gere ti ala na tere ti têne so asara si zo aye ti ti,

Jean 5:45

Ala baa ti ala atene, mbi laa mbi yeke bi tënë na li ti ala na gbe ti Babâ? Oko pepe. Moïse, lo so ala zia be ti ala na ndö ti lo, lo laa lo yeke bi tënë na li ti ala.

Matthieu 3:9

Ala tene na be ti ala pepe, atene: ‘Abraham ayeke kotara ti e.’ Biani, mbi tene na ala: Nzapa alingbi ti mu atêne so ti sara si aga amolenge ti Abraham!

Aye so Nzapa afa 3:9

Baa, ambeni zo atene, ani yeke azuife, andaa ala yeke taa azuife pepe. Ala yeke tene mvene, ala yeke azo ti bongbi ti Satan. Fade mbi yeke sara titene ala ga, ala kuku na gbe ti mo si ala hinga atene, mbi ye mo.

Aye so Nzapa afa 3:1

“Su mbeti so, mo tokua na *ange so ayeke na li ti *Eglize ti gbata ti Sarde: “Lo so lo yeke na ayingo ti Nzapa mbarambara na atongoro mbarambara, atene: mbi hinga aye so mo yeke sara. Azo abaa mo atene, mo yeke na fini, andaa mo kui awe.

Efeze 2:11

Azuife ayeke azo so afâ *ganza; ganza ni ayeke ye so maboko ti zo laa asara, ala ye titene azo airi ala “aganza”. Ala so a du ala amara nde, ala yeke fâ ganza pepe si azuife ayeke iri ala “apopö.” Ayeke nzoni ala dabe ti ala na lege ti dutingo ti ala ti kozoni:

Galasii 2:15

Ti e, a du e zuife, e yeke azo ti amara nde pepe, ala so ayeke azo ti siokpari so ahinga *Ndia ti Nzapa pepe so!

2 Korente 11:22

Azo ni ayeke azo ti mara ti Hebro? Mbi nga! Ala yeke azo ti mara ti Israel? Mbi nga! Ala yeke *ahale ti Abraham? Mbi nga!

Jean 8:41

Me ti ala, ala yeke sara ye tongana babâ ti ala.” Ala kiri tënë na lo, atene: “Nzapa oko laa ayeke Babâ ti e. E yeke amolenge so a du e na gigi pepe.”

Jean 8:33

Ala kiri tënë na lo, atene: “Kotara ti e ayeke Abraham, laoko e sara ngbaa na gbe ti mbeni zo pepe. Tongana nyen laa mo tene e yeke sigigi na gbe ti ngbaa so?”

Jean 7:19

Moïse amu ando *Ndia na ala pepe? Me zo oko na popo ti ala abata ndia ni pepe. Ala yeke gi lege ti fâ mbi ngbanga ti nyen?”

Nzoni Tënë so Luc asu na mbeti 10:28

Jésus atene na lo: “Mo kiri tënë na legeni. Sara ye ni tongaso si fade mo ngba na fini.”

Sofonii 3:11

“Na lango ni so, ala azo ti mbi, asioni ye so kue ala sara, aye so ala sara ti ke mbi, fade kamene ni ayeke kiri ti sara ala pepe. Biani, na lango ni so, azo ti kirikiri so baba ahon ndö ti ala, mbi yeke zi ala na popo ti ala, azo ti mbi. Tongaso si ala zia lege ti sarango kuru baba na ndö ti hoto ti mbi so ayeke nde si ayeke nzoni kue.

Ésaïe 45:25

Me na lege ti KOTA GBIA, *ahale ti Israel kue ayeke ga mbirimbiri, ala yeke pika kate ti ala ndali ni.

Abia (Psaumes) 135:4

Biani, KOTA GBIA asoro Jacob ndali ti lo wani, lo soro Israel titene aga ye ti lo wani.

Jean 5:39

Ala yeke gi nda ti Mbeti ti Nzapa, ngbanga ti so ala baa ti ala atene na lege ni, ala yeke wara fini so angba lakue lakue. Andaa gi Mbeti so laa ayeke tene tënë na ndö ti mbi!

Rome 3:27

Ye titene zo agonda tere ti lo ngbanga ni ayeke daa? Oko pepe! Lo yeke gonda tere ti lo ngbanga ti nyen? Ngbanga ti so lo sara ye alingbi na Ndia? Oko pepe! Me ngbanga ti so lo ma na be.