Rome 2:1 - Mbeti ti Nzapa - Tënë so amu fini

¹ Mo so mo yeke fâ ngbanga na li ti amba ti mo so, ataa mo yeke zo wa, mo baa ti mo, mo tene, mo yeke sigigi na ya ti tënë ni? So mo yeke fâ ngbanga na li ti amba ti mo so, mo yeke fâ nga ngbanga na li ti mo wani, ndali ti so mo nga, mo yeke sara mara ti aye so.

Rome 2:1 Referans Kwoze

Nzoni Tënë so Luc asu na mbeti 6:37

“Ala fâ ngbanga na li ti azo pepe si Nzapa afâ nga ngbanga na li ti ala pepe; ala zia tënë na li ti azo pepe si Nzapa azia nga tënë na li ti ala pepe; ala zi tënë na li ti azo si Nzapa azi nga tënë na li ti ala.

Rome 2:3

Mo so mo yeke fâ ngbanga na li ti azo so ayeke sara aye so si mo nga, mo yeke sara mara ti aye ni so, mo baa ti mo, mo tene, ngbanga ti Nzapa ayeke ti ande na li ti mo pepe?

Rome 9:20

Mo zo, mo yeke ti mo zo wa ti kiri tënë na Nzapa? Ta ti sese so zo asara na maboko ti lo alingbi ti hunda zo so asara lo, atene: “Ngbanga ti nyen si mo leke mbi tongaso?”

Jacques 4:11

A-ita, ala tene sioni tënë na iri ti amba ti ala pepe! Zo so atene sioni tënë na iri ti mba ti lo wala lo fâ ngbanga na li ti lo, andaa lo tene sioni tënë na ndö ti ndia, lo fâ nga ngbanga na li ti ndia awe. Tongana mo fâ ngbanga na li ti ndia, andaa ye so ndia ahunda na mo ti sarango ni, mo yeke sara ni pepe, me mo ga zo ti fango ngbanga na li ti ndia awe.

Jacques 2:20

Mo so li ti mo ayeke daa pepe so, tongana mbeni zo ayeke na mabe si kua ni ayeke daa pepe, mabe ti lo ni ayeke gi senge senge; mo ye mbi fa na mo?

Nzoni Tënë so Luc asu na mbeti 19:22

Gbia ni atene na lo: ‘Mo, sioni zo ti kua! Mbi yeke luti gi na ndö ti atënë ti yanga ti mo wani ti fâ ngbanga na li ti mo. Mo hinga kue: mbi yeke koli so mbi so mingi, mbi yeke mu ye na ndo so mbi bata ye daa pepe si mbi yeke ko le ti kobe na ndo so mbi lu ye daa pepe.

1 Korente 7:16

Mo wali so mo ma na be, mo hinga biani so mo yeke soo ande koli ti mo? Mo koli so mo ma na be, mo hinga biani so mo yeke soo ande wali ti mo?

Nzoni Tënë so Luc asu na mbeti 12:14

Jésus atene na lo: “Koli, zo wa laa amu mbi titene mbi fâ ngbanga na popo ti ala, ti kangbi ya ti aye ti ala?”

Rome 2:2

Biani, e hinga so, na lege ti taa-tënë, Nzapa ayeke fâ ngbanga na li ti zo so ayeke sara aye tongaso.

Rome 3:9

Nyen? E azuife, e hon tanga ti azo kue? Oko pepe! Mbi fa tënë so kozoni awe, mbi tene: azuife na azo ti amara nde kue ayeke na gbe ti komandema ti siokpari.

Rome 14:22

Ye so mo hinga biani na be ti mo na ndö ti ye so, tënë ni angba na popo ti mo na Nzapa. Ti lo nzoni, zo so aye ti sara mbeni ye si lo bi tënë na li ti lo wani pepe!

1 Korente 4:5

Ndani laa, alingbi ala fâ ngbanga na li ti zo kozo pepe si ngoi ni alingbi, ala ku Kota Gbia aga si. Ye so angba na hondengo ni na ya ti vukongo ndo, fade lo yeke fa ni na gigi polele; aye so azo aleke na be ti ala ti sarango ni, fade lo sigigi na nda ni. Tongaso, Nzapa ayeke gonda zo oko oko alingbi na kua so lo sara.