Rome 16:10 - Mbeti ti Nzapa - Tënë so amu fini

¹⁰ Ala bara na mbi Apeles so afa biani so lo yeke taa zo ti Christ. Ala bara na mbi azo ti da ti Aristobule.

Rome 16:10 Referans Kwoze

Rome 14:18

Zo so ayeke sara kua na Christ tongaso, lo yeke nzoni na le ti Nzapa si azo ayeda na tënë ti lo.

1 Pierre 1:7

Pasi ni asi na ala ti tara mabe ti ala. Lôro ayeke ye so ayeke buba bubango, me azo ayeke tara ni na wâ. Mabe ayeke kota ye ahon lôro. Ndani laa a yeke tara ni ti baa wala akpengba, tongaso si fade Nzapa ayeke tene nzoni tënë ti ala, lo yeke gonda ala si lo yeke ne ala na ndembe so Jésus Christ ayeke si.

Ndia ti fani use ni 8:2

Ayeke nzoni ala dabe ti ala na yongoro lege so KOTA GBIA Nzapa ti ala asara si ala tambula daa na ya ti ngu baleosio na ya ti benyama so. Lo sara tongaso titene aye ti ngangu asi na ala, tongaso si lo lingbi ti tara be ti ala ti hinga ye so ayeke na ya ti be ti ala; lo lingbi ti baa, wala ala ye ti sara ye alingbi na atënë ti ndia ti lo, wala ala ye pepe.

1 Timothée 3:10

Alingbi a tara ala kozoni. Na pekoni, tongana mbeni tënë ayeke na li ti ala pepe, a zia ala na yanga ti kua ti diakre ni.

Filipe 2:22

Ala wani ahinga anzoni ye so Timothée asara awe: lo sara kua ndali ti Nzoni Tënë na tere ti mbi, tongana ti so molenge ayeke sara kua na tere ti babâ ti lo.

2 Korente 8:22

Na tere ti azo so, e tokua nga ita ti e so fani mingi na lege ti aye nde nde, e baa nzara ti kua so ayeke na be ti lo. Fadeso, nzara ti kua ni ahon ndö ti lo, ngbanga ti so lo zia be ti lo kue na ndö ti ala.

2 Korente 2:9

Biani, nda ni so mbi tokua lani mbeti na ala ayeke so: mbi ye ti tara be ti ala ti hinga wala ala yeke sara ye so kue mbi hunda na ala.

1 Korente 11:19

Ti tene taa-tënë, alingbi kangbi aduti na popo ti ala, tongaso si a hinga azo so na popo ti ala ayeke sara ye na legeni.

2 Timothée 4:19

Mo bara na mbi Priscille na Akilas nga na azo ti sewa ti Onezifore.

Rome 8:11

Nzapa azingo Jésus na kuâ. Tongana Yingo ti Nzapa ayeke duti na be ti ala, fade Nzapa so azingo Jésus Christ na kuâ ayeke sara titene tere ti ala so ayeke kui kuingo so aduti na fini na lege ti Yingo ti lo so aduti na be ti ala.

Rome 16:3

Ala bara na mbi Priscille na Akilas, amba ti mbi so mbi na ala, e yeke sara kua ti Jésus Christ.

Rome 16:7

Ala bara na mbi Andronikus na Yunias; ala yeke azo ti sewa ti mbi so lani mbi na ala e yeke na da ti kanga; ala yeke *awatokua ti Christ so azo ahinga ala nzoni mingi, ala yeke azo so amu tere ti ala na Christ kozo ti mbi.

2 Korente 5:17

Tongaso, tongana mbeni zo aga oko na Christ, lo ga fini zo awe; ngbene ye ahon awe, fini ye asi.

2 Korente 12:2

Mbi hinga mbeni zo ti Christ; asara ngu baleoko na osio so Nzapa amu lo ague na lo na ota yayu. – Wala lo mu lo na ngbongboro tere ti lo kue, mbi hinga pepe; wala zo ni asigigi na ya ti tere ti lo si a hon na lo, mbi hinga pepe, Nzapa oko laa ahinga. –

Galasii 1:22

Na ndembe ni so, azo ti a-Eglize ti Christ so ayeke na Judée ade ti baa le ti mbi laoko pepe.