Rome 15:16 - Mbeti ti Nzapa - Tënë so amu fini

¹⁶ si lo mu mbi ti ga zo ti kua ti Jésus Christ na popo ti azo ti amara nde. Lo zia mbi nde ti fa Nzoni Tënë ti Nzapa. Tongaso, azo ti amara nde alingbi ti ga nzoni *sandaga na le ti Nzapa na lege ti Yingo-Vuru, lo so lo sara si ala ga nzoni kue.

Rome 15:16 Referans Kwoze

Rome 11:13

Ala so ayeke azo ti amara nde, fadeso mbi yeke tene tënë na ala: mbi wani, mbi yeke *watokua ti azo ti amara nde. Mbi yeke gonda kua ti mbi ni,

Rome 1:1

Mbi Paul, zo ti kua ti Jésus Christ, mbi yeke *watokua so Nzapa airi mbi si lo zia mbi nde titene mbi fa Nzoni Tënë ti lo na azo.

Filipe 2:17

Mabe ti ala asara si ala yeke mu *sandaga na Nzapa. Mbi hinga pepe, tongana a fâ mbi si mene ti mbi atuku, fade ayeke ga tongana sandaga na ndö ti so ala yeke mu. Tongana ye ni ayeke tongaso, be ti mbi ayeke nzere si mbi na ala kue, e yeke na ngia.

Awatokua 9:15

Me Kota Gbia atene na lo: “Gue, ngbanga ti so mbi soro koli so ti sara kua ti mbi, ti sara si amara nde, na agbia na azo ti Israel ahinga iri ti mbi.

2 Timothée 1:11

Ndali ti fango Nzoni Tënë so laa Nzapa azia mbi *watokua na zo ti fango nda ti tënë ti lo na azo.

1 Timothée 1:11

Tënë so alingbi na Nzoni Tënë so Nzapa azia na maboko ti mbi; tënë ni ayeke tënë ti Nzapa, lo so alingbi na gonda si azo ayeke tene nzoni tënë ti lo.

Ahebro 13:16

Ala girisa ti sara nzoni be na azo pepe, ala girisa ti mu maboko na amba ti ala na popo ti ala pepe; amara ti asandaga tongaso laa anzere na be ti Nzapa.

Rome 15:18

Biani, mbi lingbi ti tene mbeni tënë nde pepe, gi tënë ti ye so Christ asara na lege ti mbi ti sara si azo ti amara nde ama yanga ti Nzapa. Lo sara ye ni na lege ti fango tënë nga na lege ti sarango ye ti mbi,

Awatokua 20:24

Me mbi baa so fini ti mbi ayeke senge ye na le ti mbi. Ye so mbi yeke gi lege ni, ayeke ti hunzi kua ti mbi, ti sara ye so kue Kota Gbia Jésus amu na mbi ti sara, so ti tene kua ti fango Nzoni Tënë ti nzoni be ti Nzapa na azo.

1 Timothée 2:7

Ndali ti tënë so, Nzapa azia mbi zo ti fango tënë nga *watokua ti lo. Mbi yeke nga zo ti fango nda ti tënë ti mabe na azo ti amara nde si mbi yeke fa nga nda ti taa-tënë. Mbi yeke tene taa-tënë, mbi yeke tene mvene pepe.

2 Korente 5:20

Tongaso, e yeke sara kua ti lembe na iri ti Christ; Nzapa wani laa airi ala na lege ti e: e voro ala na iri ti Christ, ala yeda titene songo akiri na popo ti ala na Nzapa.

1 Korente 4:1

Ayeke nzoni ala baa e tongana azo ti kua ti Christ, awabatango taa-tënë ti Nzapa so angba na hondengo ni.

1 Pierre 2:5

Ala nga, ala yeke tongana atêne so ayeke na fini. Ala sara si Nzapa amu ala ti sara na da so ayeke ti Yingo. Tongaso, fade bongbi ti ala ayeke ga bongbi ti awayango-sandaga so ayeke nde si ayeke nzoni kue, ala yeke mu na lo asandaga so Yingo afa na ala ti mungo ni si ayeke nzere na be ti Nzapa na lege ti Jésus Christ.

1 Pierre 1:12

Nzapa afa na ala atene, tënë ni ayeke ndali ti ala wani pepe, me ayeke ndali ti ala, a-ita. Tënë ni laa azo ti fango Nzoni Tënë ayeke fa ni na ala, na lege ti Yingo-Vuru so alondo na yayu si aga. Tënë ni, *a-ange wani ayeke na nzara ti hinga ni.

1 Tesalonike 5:23

Ayeke nzoni Nzapa wani so ayeke mu siriri na zo asara si ala ga nde si ala ga nzoni kue. Ayeke nzoni lo bata yingo ti ala, be ti ala nga na tere ti ala nzoni kue si mbeni tënë oko ayeke na li ti ala pepe na lango ti gango ti Kota Gbia ti e Jésus Christ.

1 Tesalonike 2:9

A-ita, ala dabe ti ala na akua so lani e sara nga na ngangu so ahunzi na e. Na ndembe so e fa Nzoni Tënë na ala, e sara kua bi na lâ titene e ga kungba na ndö ti mbeni zo na popo ti ala pepe.

1 Tesalonike 2:2

Ala hinga nga atene, kozoni na gbata ti Filipe, azo azonga e si e baa pasi. Me na ya ti aye ti ngangu mingi, Nzapa amu ngangu na be ti e ti fa Nzoni Tënë ti lo na ala, azo ti Tesalonike.

Filipe 4:18

Na ndembe so, mbi wara aye so alingbi na mbi awe; mbi kiri mbi wara ahon ndoni. Mbi yeke na ye mingi na peko ti so Epafrodite aga na aye so ala tokua na mbi so. Aye so ala tokua so ayeke tongana yombo so afun nzoni, ayeke nga tongana *sandaga so Nzapa aye tënë ni si anzere na be ti lo.

Efeze 2:22

Na lege ti gango so ala ga oko na lo, a mu ala na atanga ni kue ti sara na da so Yingo ti Nzapa wani ayeke duti daa.

Efeze 2:18

Biani, ndali ti lo si e, azuife, na ala azo ti amara nde, e ga nduru na Nzapa Babâ, na lege ti oko Yingo-Vuru.

Galasii 3:5

Nzapa ayeke mu na ala Yingo ti lo si lo yeke sara aye ti kpene na popo ti ala! Lo yeke sara aye so kue ndali ti so ala sara ye alingbi na Ndia wala ndali ti so ala ma Nzoni Tënë si ala ma na be na ni?

2 Korente 11:23

Ala yeke azo ti kua ti Christ? So nzoni, me mbi hon ala! – Mbi yeke tene tënë so tongana zo so mbeni ye asara li ti lo –. Mbi sara kua mbi hon ala kue, mbi sara kanga, mbi hon ala kue, azo apika mbi, mara ni use pepe, lege mingi, mbi kui kue.

2 Korente 8:5

Ye so ala sara ayeke kota ahon ye so e zia be ti e fade ti ku titene ala sara ni: ala mu tere ti ala wani kozoni na *Kota Gbia si na pekoni, ala mu tere ti ala na e tongana ti so Nzapa aye.

1 Korente 6:19

Ala hinga pepe atene, tere ti ala ayeke da so Yingo-Vuru ayeke duti daa? Yingo-Vuru so alondo na Nzapa si ayeke na ya ti ala. Ala yeke duti gi ndali ti ala wani pepe.

1 Korente 3:5

Apolos ayeke zo wa? Paul ayeke zo wa? Ala yeke gi azo ti kua so Nzapa amu ala ti sara si ala, azo ti Korente ama na be. Zo oko oko na popo ti azo ti kua ni asara gi ye so *Kota Gbia amu na lo ti sarango ni.

Rome 15:29

Mbi hinga so na singo ti mbi na ala kâ, fade Christ ayeke sara tufa gbani gbani na ndö ti ala na lege ti mbi.

Rome 5:5

Ye so e zia be ti e ti ku ni, e yeke ku ni gbaa pepe, ngbanga ti so Nzapa azia ndoye ti lo na be ti e na lege ti Yingo-Vuru so lo mu na e.

Awatokua 22:21

Kota Gbia atene na mbi: ‘Mo gue, ngbanga ti so mbi yeke tokua ande mo yongoro na mbage ti azo ti amara nde!’ ”

Awatokua 20:32

“Fadeso, mbi zia ala na maboko ti Nzapa, mbi zia nga ala titene tënë ti nzoni be ti lo abata ala. Nzapa ayeke na ngangu ti kpengba ala, ti mu na ala anzoni ye so kue lo bata ni ndali ti azo ti lo.

Awatokua 13:2

Mbeni lâ, so ala bongbi ti voro *Kota Gbia si ala ke kobe ti sambela, Yingo-Vuru atene na ala: “Ala zia Barnabas na Saul nde ndali ti mbi titene ala sara kua so mbi iri ala ndali ni.”

Rome 15:19

na lege ti aye ti kpene nga na lege ti aye ti dongo be so Yingo-Vuru asara. Tongaso, ti londo na Jérusalem ngbii asi na sese ti Ilirii, mbi tambula ti fa Nzoni Tënë kue ti Christ na azo.

Rome 15:20

Tënë so agbu be ti mbi si mbi ye mingi ti sara ni ayeke ti fa Nzoni Tënë ni gi na ndo so ambeni zo ade ti di iri ti Christ daa pepe. Mbi sara tongaso si mbi sara da pepe na ndö ti gere ti da so mbeni zo aleke kozoni awe.

Efeze 5:2

Ala sara ye na lege ti yengo tere tongana ti so Christ aye e si lo mu tere ti lo wani na Nzapa ndali ti e tongana *sandaga so fion ni afun nzoni si anzere na be ti Nzapa.

Wungo ti azo 7:62

Lo mu kopo ti lôro oko so nengo ni ayeke grame 100, dukani asi ya ti kopo ni.