Rome 14:3 - Mbeti ti Nzapa - Tënë so amu fini

³ Zo so ayeke te ye kue, alingbi lo baa tongana zo ti buba pepe zo so ayeke te gi ambeni ye; na mbage, zo so ayeke te ye kue, alingbi zo so ayeke te gi ambeni ye akasa lo pepe. Biani, Nzapa ayamba nga zo so ayeke te ye kue tongana zo ti lo.

Rome 14:3 Referans Kwoze

Rome 14:10

Me mo, mo yeke kasa mba ti mo ngbanga ti nyen? Mo yeke baa amba ti mo tongana azo ti buba ngbanga ti nyen? Fade e oko oko kue, e yeke luti na le ti Nzapa titene lo fâ ngbanga ti e.

Nzoni Tënë so Luc asu na mbeti 18:9

Jésus akiri atene toli so na azo so abaa tere ti ala tongana azo ti mbirimbiri si ala yeke baa amba ti ala tongana ambumbuse zo, lo tene:

Rome 14:13

Tongaso, alingbi e zia ti kasa amba ti e. Me ye so ala lingbi ti leke na be ti ala ayeke so: ala zia na dawa ti ita ti ala pepe mbeni ye so lo lingbi ti pika gere ti lo daa ti ti na ya ti siokpari wala mbeni ye so alingbi ti pusu lo ti sara sioni ye.

Awatokua 10:34

Tongaso Pierre amu tënë si lo tene: “Taa-tënë, mbi hinga fadeso mbi tene, Nzapa ayeke gonda zo ndali ti le ti zo ni pepe.

Rome 14:21

Ye so ayeke nzoni ayeke titene mo te nyama pepe, mo nyon samba pepe, so ti tene mo ke ti sara ye so kue ita ti mo alingbi ti pika gere ti lo daa ti ti na ya ti siokpari.

Rome 14:15

Tongana mba ti mo awara vundu ndali ti mbeni kobe so mo yeke te, so afa atene, mo sara ye na lege ti ndoye pepe. Zo so Christ akui ndali ti lo, alingbi mo buba lege ti lo ndali ti tënë ti kobe pepe!

Matthieu 18:10

“Ala sara hange si ala baa mbeni molenge oko na popo ti amolenge so tongana mbumbuse zo pepe! Mbi tene na ala so *a-ange ti amolenge so ayeke kâ na yayu, ala yeke luti lakue na le ti Nzapa, Babâ ti mbi so ayeke na yayu. [

Awatokua 10:44

So Pierre angba ti tene tënë, Yingo-Vuru azu na ndö ti azo so kue ayeke ma tënë ni.

Matthieu 9:14

Adisiple ti Jean-Baptiste aga nduru na tere ti Jésus si ala hunda lo, atene: “E na *afarizien, e yeke ke kobe ti sambela. Ngbanga ti nyen si adisiple ti mo ayeke ke kobe pepe so?”

Awatokua 28:2

Azo ti zoa ni ayamba e nzoni mingi. Ala sara mbeni kota wâ si ala iri e kue na tere ni, ngbanga ti so ngu ato nda ti pikango ni si de ayeke sara.

Rome 11:15

So Nzapa apusu azuife yamba so, ni laa asara si songo akiri na popo ti azo ti dunia na Nzapa. Tongana Nzapa akiri ande na azuife na tere ti lo, fade ye ni ayeke duti tongana nyen? Ye ni ayeke duti tongana ti azo so akui si akiri na fini!

Rome 14:1

Zo so ama na be si ade ti kpengba pepe, ala yamba lo, ala kasa atënë ti be ti lo pepe.

Rome 15:7

Tongaso, ala yamba tere na popo ti ala, tongana ti so Christ ayamba ala ndali ti gonda ti Nzapa.