Rome 13:2 - Mbeti ti Nzapa - Tënë so amu fini

² Tongaso, zo so ake ti ma yanga ti akota zo ti li ti kodro, andaa lo ke ye so Nzapa aleke ni awe. Azo so asara ngangu li na akota zo ti li ti kodro, fade ala wani ayeke gi ngbanga na li ti ala.

Rome 13:2 Referans Kwoze

1 Pierre 2:13

Ndali ti *Kota Gbia, ala ma yanga ti azo ti komandema kue: ala ma yanga ti kota gbia, ngbanga ti so lo yeke na komandema na ndö ti tanga ti agbia kue.

Tite 3:1

Mo kiri mo tene na azo kue: alingbi ala ma yanga ti azo ti komandema na ti azo so ayeke na li ti kodro; alingbi ala sara ye so azo ni ahunda na ala, ala duti nduru ti sara nzoni ye lakue.

Jacques 3:1

A-ita ti mbi, alingbi azo mingi na popo ti ala aga awafango-ye pepe! Ala hinga atene, e so e yeke awafango-ye, fade Nzapa ayeke fâ ngbanga na li ti e ngangu ahon ti tanga ti azo kue.

Rome 13:5

Ndani laa, ayeke nzoni ala ma yanga ti akota zo ti li ti kodro; ala sara ni gi ti kpe ngonzo ti Nzapa pepe, me ngbanga ti so ala hinga na be ti ala atene, so ayeke na legeni.

Marc 12:40

Ala yeke ro aye kue ti ya ti da ti awali-mua si ala yeke sara ayongoro sambela titene azo abaa ala. Fade Nzapa ayeke fâ ngbanga na li ti ala ngangu ahon ti azo kue.”

Nzoni Tënë so Luc asu na mbeti 20:47

Ala yeke ro aye kue ti ya ti da ti awali-mua si ala yeke sara ayongoro sambela titene azo abaa ala. Fade Nzapa ayeke fâ ngbanga na li ti ala ngangu ahon ti azo kue.”

Matthieu 23:13

“Mawa na ala, awafango-ndia, ala na *afarizien! Tënë ti yanga ti ala ayeke nde na sarango ye ti ala! Ala kanga lege ti *Kodro-gbia ti yayu na azo. Ala wani aye ti li na ya ti Kodro-gbia ti yayu ni pepe, me ala yeke kanga lege ni na azo so aye ti li daa. [

Ésaïe 58:2

Na lango oko oko, ala yeke gi mbi, ala ye ti hinga lege ti mbi. Ala kpa azo so ayeke sara ye alingbi na ndia, azo so ado ndia ti Nzapa ti ala azia pepe. Ala yeke hunda na mbi ti fâ ngbanga mbirimbiri, ala ye titene mbi duti nduru na ala.

Sigingo 16:8

Moïse akiri atene: “Fade ala yeke hinga atene KOTA GBIA laa, na ndembe so lo yeke mu na ala nyama na lakui titene ala te si na ndaperere, lo yeke mu na ala mapa titene ala te ya ti ala asi. Biani, lo ma kasango so ala kasa lo so. E, e yeke ti e zo wa? Ala yeke kasa e pepe, me KOTA GBIA laa ala yeke kasa lo.”

Rome 9:19

Fade mo yeke hunda mbi, mo tene: “So ye ni ayeke tongaso so, ngbanga ti nyen laa Nzapa angba ti bi tënë na li ti azo? Zo wa laa alingbi ti ke ye so be ti Nzapa aye?”

Rome 13:1

Alingbi azo kue ama yanga ti akota zo ti li ti kodro, ngbanga ti so komandema kue alondo na Nzapa; akota zo ti li ti kodro, Nzapa laa azia ala na ndö ti mbata ti komandema.

Rome 13:3

Zo so ayeke sara nzoni ye, mbeto ti azo ti komandema alingbi ti sara lo pepe, me zo so asara sioni ye, lo laa lo lingbi ti sara mbeto ti azo ti komandema. Tongana mo ye titene mbeto ti akota zo ti li ti kodro asara mo pepe, ayeke nzoni mo sara nzoni ye si fade ala gonda mo.