Rome 11:8 - Mbeti ti Nzapa - Tënë so amu fini

⁸ tongana ti so Mbeti ti Nzapa atene: “Nzapa akanga lege ti hingango ndo ti ala, lo kanga le ti ala titene ala baa ndo pepe, lo kanga mê ti ala titene ala ma tënë pepe; lo sara tongaso ngbii asi laso.”

Rome 11:8 Referans Kwoze

Ndia ti fani use ni 29:4

Na ya ti ngu baleosio, KOTA GBIA atambula na ala na ya ti benyama. Bongo ti ala na poro ti ala aga gbagba ni pepe.

Ésaïe 29:10

Biani, *KOTA GBIA asara si yingo ti kota lango aga na ndö ti ala. Lo kanga le ti awayanga-Nzapa ti ala, lo bi bongo na le ti azo ti bango nda ti aye ti ala.

Ezekiel 12:2

“*Molenge ti zo, mo duti na popo ti azo ti mara ti ngangu li. Ala yeke na le, me ala yeke baa ndo pepe; ala yeke na mê, me ala yeke ma ndo pepe. Biani, ala yeke azo ti mara ti ngangu li.

Nzoni Tënë so Luc asu na mbeti 8:10

Lo tene: “Ti ala, Nzapa amu na ala lege ti hinga nda ti tënë ti *Kodro-gbia ti Nzapa so angba na hondengo ni, me ti ambeni zo, a tene tënë ni na ala na lege ti atoli titene ‘ala yeke baa ndo, me ala yeke baa ye pepe; ala yeke ma ndo, me ala yeke ma ya ti atënë ni pepe.’ ”

Jérémie 5:21

Ala ma tënë so, ala abuba zo so li ti ala ayeke daa pepe so. Ala yeke na le, me ala baa ndo pepe; ala yeke na mê, me ala ma ndo pepe.

Awatokua 28:26

‘Mo gue na tere ti azo so, mo tene na ala, mo tene: Fade ala yeke ma ndo nzoni, me ala yeke ma ya ti tënë oko pepe; ala yeke baa ndo nzoni, me ala yeke baa ye oko pepe.

Ésaïe 6:9

Lo tene na mbi: “Gue mo tene na azo so, mo tene: ‘Ala yeke ma ndo nzoni, me ala yeke ma ya ti tënë ni pepe; ala yeke baa ndo nzoni, me ala yeke baa ye oko pepe.’

2 Agbia 17:41

Amara ni ayeke voro ando KOTA GBIA si na mbage, ala yeke voro ayanda ti ala. Nilaa amolenge ti ala, na amolenge ti amolenge ti ala angba ti sara ye gi tongana akotara ti ala ngbii asi laso.

2 Agbia 17:34

Laso, azo ti Samarii angba ti sara ye tongana ti giriri. Ala yeke voro KOTA GBIA pepe. Ala yeke sara ye alingbi na atënë ti ndia ti ala wani pepe, wala alingbi na lege ti sarango ye ti ala wani pepe. Ala yeke sara nga ye alingbi na ndia ti KOTA GBIA pepe, wala alingbi na yanga so lo mu ando na *ahale ti Jacob pepe; Jacob so KOTA GBIA adi iri ti lo Israel.

Ezekiel 20:26

Mbi zia ala titene ala ga *sioni na lege ti akozo molenge ti ala so ala yeke gbi na wâ ti mu na *sandaga. Mbi sara tongaso titene ala baa pasi si ala hinga atene, mbi laa mbi yeke KOTA GBIA.”