Philémon 1:24 - Mbeti ti Nzapa - Tënë so amu fini

²⁴ Marc, Aristarke, Demas na Luc, amba ti mbi, azo ti kua, ala nga abara mo.

Philémon 1:24 Referans Kwoze

Kolose 4:14

Luc, wanganga so e ye lo mingi, lo na Demas abara ala.

Kolose 4:10

Aristarke so mbi na lo, e yeke na da ti kanga abara ala. Marc, sewa ti Barnabas abara nga ala. A mu lani yanga na ala ndali ti lo atene, tongana lo si na ndo ti ala, ala yamba lo nzoni.

Awatokua 19:29

Wusuwusu amu ya ti gbata ni kue. Azo kue amu loro ti gue na kota ndo so azo ti gbata ni ayeke bongbi ka tere daa. Ala gbu Gaius na Aristarke, azo ti Masedoane use so amu peko ti Paul na ya ti tambula ti lo, ala gboto ala si ague na ala na kota ndo ni so.

Awatokua 12:12

So lo hinga nda ti ye ni awe, lo gue na da ti Marie, mama ti Jean so mbeni iri ti lo ayeke Marc. Azo mingi abongbi kâ si ala yeke sambela.

Awatokua 27:2

E ko na ya ti mbeni mangboko ti gbata ti Adramite so ayeke gue na mbage ti Azii. E na Aristarke laa e gue; lo yeke zo ti gbata ti Tesalonike, na sese ti Masedoane.

Awatokua 12:25

So Barnabas na Saul ahunzi kua ti ala na Jérusalem awe, ala mu Jean, so mbeni iri ti lo ayeke Marc na tere ti ala si ala kiri na Antioshe.

3 Jean 1:8

Tongaso, alingbi e mu maboko na azo tongaso si e na ala kue, e sara kua maboko na maboko ndali ti taa-tënë.

Filipe 4:3

Ti mo, so mo yeke taa mba ti mbi zo ti kua, mbi hunda na mo titene mo mu maboko na awali use so, ngbanga ti so ala sara kua ngangu na tere ti mbi ti fa Nzoni Tënë na azo, ala na Clément nga na ambeni mba ti mbi, azo ti kua so kue iri ti ala ayeke na ya ti mbeti so a su iri ti azo so ayeke na taa fini daa.

Filipe 2:25

Me mbi baa so, ayeke nzoni titene mbi kiri mbi tokua na ala ita ti e Epafrodite, lo so lo yeke mba ti mbi zo ti kua; e na lo, e yeke tiri bira ndali ti Nzapa. Ala laa atokua lo titene lo mu maboko na mbi, ngbanga ti so aye atia mbi lani.

2 Korente 8:23

Ti Tite, lo yeke zo so mbi na lo, e yeke tambula; lo yeke mba ti mbi so mbi na lo, e yeke sara kua ndali ti ala. Ti a-ita so lo na ala ayeke gue so, ala yeke azo so a-Eglize atokua ala, ala yeke sara kua ndali ti gonda ti Christ.

Awatokua 13:13

Paul na amba ti lo amu mangboko na Pafos, ala gue, asi na Perze, na sese ti Panfilii. Me Jean Marc azia ala na ndo so si lo kiri ti lo na Jérusalem.

1 Pierre 5:13

*Eglize ti gbata ti Babilone so Nzapa asoro ni tongana ti ala, a-ita, abara ala. Molenge ti mbi Marc abara nga ala.