Philémon 1:20 - Mbeti ti Nzapa - Tënë so amu fini

²⁰ Biani, ita, sara ye so na mbi, ngbanga ti so mo ga oko na *Kota Gbia awe. Ndali ti so mo yeke ita ti mbi, zo ti Christ, sara titene be ti mbi awara ngangu.

Philémon 1:20 Referans Kwoze

3 Jean 1:4

Tongana mbi ma a tene, amolenge ti mbi ayeke sara ye na lege ti taa-tënë, mbeni ye ti zia ngia na be ti mbi ti hon so ayeke daa pepe.

Philémon 1:7

Ita ti mbi, so mbi ma tënë ti yengo so mo ye na azo, ngia asi be ti mbi si be ti mbi ade. Ye so mo sara so amu ngangu na be ti azo ti Nzapa.

Philémon 1:12

Fadeso mbi yeke kiri lo na mo, lo yeke tongana mbeni mbage ti tere ti mbi wani.

1 Jean 3:17

Tongana mbeni zo ayeke na amosoro ti dunia so, lo baa mbeni ita ti lo so ye atia lo si lo ke ti sara nzoni na ita ti lo ni, fade lo yeke tene, ni ye Nzapa biani laa?

Ahebro 13:17

Ala ma yanga ti azo ti li ti Eglize, ala sara ye so azo ni ahunda na ala. Azo ni ayeke baa ndo na ndö ti ala, ngbanga ti so fade Nzapa ayeke hunda ala ndali ni. Tongana ala yeke ma yanga ti azo ti li ti Eglize, fade azo ni ayeke sara kua ti Nzapa na nzerengo be si ala dema tere ti ala pepe. Me tongana azo ni adema tere, fade ala a-ita, ala yeke baa nzoni pepe.

Filipe 4:1

Tongaso, a-ita ti mbi so mbi ye ala mingi, nzara ti kiri ti baa ala asara mbi mingi! Ala zia ngia na be ti mbi mingi si tere ti mbi anzere mingi ndali ti ala! A-ita ti mbi so mbi ye ala mingi, na lege ti gango so ala ga oko na *Kota Gbia, ayeke nzoni ala ngba ti gbu tënë ti Nzapa ngangu tongaso.

Filipe 1:8

Na le ti Nzapa, mbi ye ala kue na be ti mbi oko tongana ti so Jésus Christ aye na ala.

2 Korente 7:13

So laa asara si be ti e ade. Be ti e akiri aduti na ngia mingi ngbanga ti so Tite awara ngia. Lo wara ngia mingi ndali ti so, ala kue asara si be ti lo aduti na siriri.

2 Korente 2:2

Tongana mbi yeke zia vundu na be ti ala, zo wa laa ayeke kiri ti zia ngia na be ti mbi, zo wa? Andaa gi ala laa alingbi fade ti zia ngia na be ti mbi, ala so mbi zia vundu na be ti ala so!

1 Korente 16:18

ngbanga ti so a-ita ota so asara si be ti mbi na ti ala so angba kâ ade. Ala gi ti hinga nzoni ye so azo tongaso ayeke sara!