Philémon 1:17 - Mbeti ti Nzapa - Tënë so amu fini

¹⁷ Tongaso, tongana mo baa mbi tongana mba ti mo, zo ti kua ti Christ, ayeke nzoni mo yamba lo tongana ti so mo yeke yamba mbi.

Philémon 1:17 Referans Kwoze

2 Korente 8:23

Ti Tite, lo yeke zo so mbi na lo, e yeke tambula; lo yeke mba ti mbi so mbi na lo, e yeke sara kua ndali ti ala. Ti a-ita so lo na ala ayeke gue so, ala yeke azo so a-Eglize atokua ala, ala yeke sara kua ndali ti gonda ti Christ.

Matthieu 10:40

“Zo so ayamba ala, andaa lo yamba mbi; zo so ayamba mbi, andaa lo yamba lo so atokua mbi

Philémon 1:12

Fadeso mbi yeke kiri lo na mo, lo yeke tongana mbeni mbage ti tere ti mbi wani.

Jacques 2:5

A-ita ti mbi so mbi ye ala mingi, ala ma mbi si: Nzapa asoro azo so azo ti dunia so abaa ala tongana awayere titene ala ga azo ti mosoro na lege ti mabe si *Kodro-gbia so Nzapa amu zendo ni aga ti ala. Biani, lo mu zendo ni na azo so aye lo!

Ahebro 3:1

Tongaso, a-ita azo ti Nzapa, ala so lo iri ala ti ga azo ti lo, ayeke nzoni ala baa ndo na Jésus, lo so Nzapa atokua lo titene lo ga kota wayango-sandaga ti mabe so e yeke fa tënë ni.

Efeze 3:6

Tënë ni ayeke so: na lege ti Nzoni Tënë, azo ti amara nde awara anzoni ye ti Nzapa legeoko na azuife; ala na azuife ayeke na ya ti tere oko. Na lege ti gango so ala ga oko na Jésus Christ, ala kue ayeke ku oko ye so Nzapa amu zendo ni.

Awatokua 16:15

Na peko ti so lo na azo ti da ti lo awara bateme, lo iri e, lo tene: “Tongana ala baa so mbi ma na be na Kota Gbia biani, ala ga, alango na ya ti da ti mbi.” Lo voro e ngbii si e yeda.

Matthieu 25:40

Fade Gbia ni ayeke kiri tënë na ala: ‘Mbi tene na ala taa-tënë: ye so kue ala sara na asenge zo so ayeke a-ita ti mbi, andaa na mbi laa ala sara ni.’

Matthieu 18:5

Zo so ayamba mbeni kete molenge tongana lo so na iri ti mbi, andaa mbi wani laa lo yamba mbi.”

1 Jean 1:3

Ye so e baa si e ma tënë ni, e yeke tene tënë ni na ala titene ala nga, ala yeke na beoko na e. Beoko so e yeke na ni na Babâ nga na Molenge ti lo Jésus Christ laa.

1 Pierre 5:1

Fadeso mbi yeke mu wango na *akangba ti *Eglize so ayeke na popo ti ala. Mbi nga, mbi yeke kangba tongana ala. Mbi baa na le ti mbi pasi so Christ abaa ando; legeoko na ala, fade mbi yeke li na ya ti gonda so ayeke si.

Ahebro 3:14

Fadeso, e na Christ e yeke sara kua legeoko gi tongana kozo ye so e zia be ti e daa, e gbu ni ngangu ngbii asi na ndani.

Philémon 1:10

Mbi gbu gere ti mo ndali ti Onezime; lo ga molenge ti mbi ge na da ti kanga ndali ti so lo ma na be na lege ti mbi.

1 Timothée 6:2

Angbaa so awa ti ala ama na be, ala yeke a-ita ti ala azo ti Nzapa, me so laa amu lege na angbaa ni ti baa awa ti ala tongana asenge zo pepe. Me alingbi angbaa asara kua nzoni ahon ti kozoni, ngbanga ti so azo so ayeke baa nzoni na peko ti kua ti ala ni ayeke a-ita ti ala so ama na be si Nzapa aye ala mingi. Baa, ye so mo lingbi ti fa na azo si mo mu yanga na ala ti sara ni laa.

Filipe 1:7

So ayeke na legeni titene be ti mbi angba na ndö ti ala, ngbanga ti so tënë ti ala agbu be ti mbi mingi. Biani, ala kue awara nga aye so Nzapa amu na mbi na lege ti nzoni be ti lo, ataa fadeso mbi yeke na da ti kanga, wala na ngoi so mbi yeke lani na da ti kanga pepe si mbi yeke gbu koko ti Nzoni Tënë titene azo ama na be na ni na be ti ala kue.

Philémon 1:18

Tongana lo sara sioni na mo, wala mbeni yongo ti mo angba na li ti lo, ayeke nzoni mo zia ni na li ti mbi.