Philémon 1:1 - Mbeti ti Nzapa - Tënë so amu fini

¹ Mbi Paul, so mbi yeke na da ti kanga ndali ti Jésus Christ, mbi na ita ti e Timothée laa e tokua mbeti so na mo Philémon, mba ti e, zo ti kua so e ye mo mingi.

Philémon 1:1 Referans Kwoze

Efeze 3:1

Ndani laa mbi Paul, mbi yeke sambela Nzapa ngbanga ti ala. Mbi yeke na da ti kanga ndali ti Jésus Christ ngbanga ti ala, azo ti amara nde.

Philémon 1:9

Mbi ye fade ti mu yanga na mo pepe, me ndali ti so mbi na mo, e ye tere, mbi ye mingi ti hunda mbeni ye na mo. Mbi Paul, mbakoro zo, mbi yeke fadeso na da ti kanga ndali ti Jésus Christ.

Kolose 1:1

Mbi Paul, mbi yeke *watokua ti Jésus Christ na lege ti so be ti Nzapa aye, mbi na ita Timothée

Filipe 2:25

Me mbi baa so, ayeke nzoni titene mbi kiri mbi tokua na ala ita ti e Epafrodite, lo so lo yeke mba ti mbi zo ti kua; e na lo, e yeke tiri bira ndali ti Nzapa. Ala laa atokua lo titene lo mu maboko na mbi, ngbanga ti so aye atia mbi lani.

1 Korente 3:9

Biani, e na Nzapa laa e yeke sara kua oko, ala yeke tongana yaka ti Nzapa. Ala yeke nga tongana da ti Nzapa.

2 Timothée 1:8

Tongaso, ye so mo hinga na ndö ti *Kota Gbia ti e, ayeke nzoni mo sara kamene ti fa peko ni na azo pepe; mo sara nga kamene ti mbi pepe, mbi so mbi yeke na da ti kanga ndali ti lo so. Me mo baa pasi ndali ti Nzoni Tënë tongana ti so mbi yeke baa pasi so, mo zia be ti mo na ndö ti ngangu ti Nzapa.

1 Tesalonike 3:2

Nilaa e tokua ita ti e Timothée na ala; lo na Nzapa laa ayeke sara kua ti fa Nzoni Tënë ti Christ. E tokua lo na ala ti sara si ala kpengba, ti mu wango na ala si ala gbu ngangu na lege ti mabe ti ala.

Kolose 4:11

Jésus, so mbeni iri ti lo ayeke Yustus, lo nga, lo bara ala. Gi azuife ota so e na ala e sara kua ndali ti *Kodro-gbia ti Nzapa so laa. A-ita so amu ngangu na be ti mbi mingi.

Filipe 4:3

Ti mo, so mo yeke taa mba ti mbi zo ti kua, mbi hunda na mo titene mo mu maboko na awali use so, ngbanga ti so ala sara kua ngangu na tere ti mbi ti fa Nzoni Tënë na azo, ala na Clément nga na ambeni mba ti mbi, azo ti kua so kue iri ti ala ayeke na ya ti mbeti so a su iri ti azo so ayeke na taa fini daa.

Efeze 4:1

Tongaso, mbi so mbi yeke na da ti kanga ndali ti kua ti *Kota Gbia, mbi hunda na ala mingi titene sarango ye ti ala alingbi na iringo so lani Nzapa airi ala.

2 Korente 1:1

Mbi Paul, mbi yeke *watokua ti Jésus Christ na lege so be ti Nzapa aye. Mbi na ita Timothée laa e tokua mbeti so. E tokua mbeti ni na *Eglize ti Nzapa so ayeke na gbata ti Korente nga na azo ti Nzapa so ayeke na sese ti Akayi kue.

Philémon 1:24

Marc, Aristarke, Demas na Luc, amba ti mbi, azo ti kua, ala nga abara mo.

2 Tesalonike 1:1

Mbi Paul, mbi na Silas na Timothée si e tokua mbeti so na azo ti *Eglize so ayeke na gbata ti Tesalonike. Ala yeke azo ti Nzapa Babâ ti e na ti *Kota Gbia Jésus Christ.

Efeze 6:20

Ataa so mbi yeke na da ti kanga, mbi yeke sara kua ti lembe ndali ti Nzoni Tënë. Ala sambela si mbi lingbi ti fa tënë ni na legeni, na mbeto pepe.

Awatokua 16:1

Paul asi na gbata ti Derbe nga na Listre. Mbeni disiple so iri ti lo Timothée ayeke kâ; mama ti lo ayeke mbeni zuife so ama na be, me babâ ti lo ayeke greke.

Galasii 3:26

Biani, ala kue aga amolenge ti Nzapa na lege so ala ma na be na Jésus Christ.

Filipe 1:1

Mbi Paul, mbi na Timothée, so e yeke azo ti kua ti Jésus Christ laa e tokua mbeti so na azo ti Nzapa so aga oko na Jésus Christ si ala yeke na gbata ti Filipe. E tokua nga mbeti so na azo so ayeke na li ti *Eglize, ala na *adiakre.

Philémon 1:23

Epafras, mba ti mbi zo ti kanga ndali ti Jésus Christ, abara mo.