Osée 8:2 - Mbeti ti Nzapa - Tënë so amu fini

² Ala yeke dekongo na mbi, atene: “Nzapa ti mbi, e azo ti Israel, e hinga mo!”

Osée 8:2 Referans Kwoze

Tite 1:16

Ala tene na yanga ti ala atene, ala hinga Nzapa, me ye so ala yeke sara afa so, ala bere tënë ti lo awe. Ala yeke azo so sioni ti ala ahon ndoni, azo ti ngangu li, ala lingbi ti sara nzoni ye oko pepe.

Matthieu 7:21

“Azo so kue ayeke iri mbi, atene: ‘*Kota Gbia, Kota Gbia’, ala kue laa ayeke li ande na ya ti *Kodro-gbia ti yayu pepe; me gi ala so asara ye so be ti Babâ ti mbi so ayeke na yayu aye.

1 Jean 2:4

Tongana mbeni zo atene: “Mbi hinga Nzapa”, me lo sara ye alingbi na andia ti Nzapa pepe, andaa lo yeke zo ti mvene, taa-tënë ayeke na be ti lo pepe.

Nzoni Tënë so Luc asu na mbeti 13:25

“Fade wa ti da ni ayeke londo si lo yeke kanga yanga ti da ni. Tongaso ala so ayeke ngba ande na gigi, ala yeke to nda ti pika yanga ti da ni si ala tene: ‘Kota Gbia, zi na e yanga ti da ni!’ Fade lo yeke tene na ala: ‘Mbi hinga ndo so ala londo daa pepe!’

Matthieu 25:11

Na pekoni, amaseka-wali ti buba so asi nga si ala iri ndo, atene: ‘Pakara! Pakara! Zi na e yanga ti da!’

Mishe 3:11

Amakonzi ti agbata ni ayeke fâ ngbanga gi ndali ti warango goro; awayango-sandaga ti ala ayeke fa ye gi ti wara ye na pekoni; awayanga-Nzapa ti ala ayeke fa ye so ayeke si gi ndali ti warango nginza. Na ndö ni kue, ala yeke luti na ndö ti *KOTA GBIA si ala tene: “KOTA GBIA ayeke na popo ti e pepe? Fade ye ti sioni alingbi ti si na e pepe.”

Jérémie 7:4

Ala zia be ti ala pepe na ndö ti atënë ti handa so atene: ‘Da ti KOTA GBIA ayeke ge! Da ti KOTA GBIA laa! Da ti KOTA GBIA laa!’

2 Agbia 10:29

Me Yehu azia pepe lege ti siokpari so Yeroboam, molenge ti Nebat asara lani. Biani, Yeroboam apusu lani azo ti Israel titene ala sara siokpari na lege ti vorongo abagara so a sara na lôro si ayeke na Betel nga na Dan.

2 Agbia 10:16

Yehu atene na Yonadab: “Ga na tere ti mbi, fade mo yeke baa nzara ti *KOTA GBIA so ayeke gbi na be ti mbi.” Yehu amu lo na tere ti lo na ya ti pusu ti mbarata ti lo si ala gue legeoko na tambula ni.

Osée 5:15

“Fade mbi *KOTA GBIA, mbi yeke gue, mbi yeke kiri na ndo ti mbi ngbii asi na ngoi so ala hinga sioni ti ala, ala gi le ti mbi si. Na ndembe so ye ti ngangu ayeke si na ala, fade ala yeke gi mbi.”

Osée 8:3

Me azo ti Israel ake nzoni ye awe; fade wato ayeke tumba peko ti ala.