Osée 7:3 - Mbeti ti Nzapa - Tënë so amu fini

³ Ala yeke zia ngia na be ti gbia, andaa ala yeke asioni zo; ala yeke zia ngia na be ti amakonzi, andaa ala yeke azo ti mvene.

Osée 7:3 Referans Kwoze

Rome 1:32

Ala hinga tënë ti fango ngbanga ti Nzapa nzoni: azo so asara aye tongaso, ala lingbi na kuâ. Ataa so kue, ala ngba ti sara aye ti sioni so si na ndö ni kue, ala yeke yeda na azo so ayeke sara ni.

Mishe 7:3

Maboko ti ala ayapu na sarango sioni ye. Titene amakonzi asara nzoni ye, ala yeke hunda titene a mu na ala ye si; awafango-ngbanga ayeke hunda goro. Akota zo ayeke tene gi tënë ti nzara ti warango aye so ahon ndö ti ala si ala kue ayeke ma tere ti sara gi aye ni so.

1 Jean 4:5

Azo ni ayeke azo ti dunia so. Ndani laa ala yeke tene tënë tongana azo ti dunia so si azo ti dunia ni ayeke ma ala.

Mishe 6:16

Ala yeke bata gi lege ti ambela ti gbia Omri, nga na lege ti sarango ye kue ti asewa ti Akab. Ala yeke sara gi aye so agbia ni afa na ala. Ndani laa, fade mbi yeke buba gbata ti ala si azo ti gbata ni ayeke ga ye ti ngia na le ti azo. Kamene so agbu le ti azo ti mbi so, fade kamene ni ayeke kiri ti gbu le ti ala.”

Osée 7:5

Na lango ti matanga ti gbia ti e, amakonzi anyon samba ahon ndö ti ala si ala woko kue; gbia asara beoko na azo ti hengo ndo

Osée 5:11

“Azo asara ngangu mingi na Efraim, azo afâ ngbanga ti lo na legeni oko pepe, ngbanga ti so lo ye ti kpe gi na peko ti asenge senge ye.

Osée 4:2

Ye so ahon ndoni na ya ti kodro ni ayeke dengo ba ti mvene, handango zo, fango zo, nzi, gingo wali wala gingo koli ti zo, tukungo mene na peko ti tere, na peko ti tere.

Jérémie 37:19

Awayanga-Nzapa ti ala so lani ayeke tene peko ti tënë ti yanga ti Nzapa na ala, atene: ‘Gbia ti Babilone ayeke ga ti tiri bira na ala pepe, lo yeke tiri nga bira na kodro so pepe’, ala yeke fadeso na ndo wa?”

Jérémie 9:2

*KOTA GBIA atene: “Menga ti ala ayeke tongana kokora so a gboto ya ni. Ala yeke ga kota na ya ti kodro ni na lege ti taa-tënë pepe, me na lege ti mvene. Ala yeke sara gi sioni ti gue na ni, me mbi, ala hinga mbi pepe; so tënë ti yanga ti KOTA GBIA laa.

Jérémie 5:31

awayanga-Nzapa ayeke tene peko ti atënë ti mvene; awayango-sandaga ayeke gi ti wara aye ndali ti ala wani si azo ti mbi ayeda na sarango aye tongaso. Na ndani, fade ala yeke sara nyen?”

1 Agbia 22:13

Watokua so ague ti iri Mishe so atene na lo: “Baa, awayanga-nzapa kue, tënë ti yanga ti ala ague gi oko: ala tene nzoni tënë na gbia. Mo nga, mo sara si tënë ti mo ague oko na ti ala: mo tene nzoni tënë na lo!”

1 Agbia 22:6

Tongaso gbia ti Israel abongbi awayanga-nzapa nduru na ngbangbo osio si lo hunda ala, lo tene: “Alingbi mbi gue, mbi tiri bira na Ramot, na sese ti Galaad wala mbi zia lege ni?” Ala kiri tënë na lo, atene: “Mo lingbi ti gue senge! Fade Kota Gbia ayeke zia gbata ni na maboko ti mo, gbia.”

Osée 10:13

Me ala lu ye ti sioni si ala ko ye ti sioni so ahon ndoni awe; ala te lengo ti mvene. “Israel, mo zia be ti mo na ndö ti ngangu ti mo wani nga na ndö ti gba ti angangu zo ti bira ti mo.