Osée 7:10 - Mbeti ti Nzapa - Tënë so amu fini

¹⁰ Baba ti azo ti Israel ayeke fa sioni ti ala na le ti azo; me ala kiri na *KOTA GBIA, Nzapa ti ala pepe. Ataa so kue, ala gi lo pepe.

Osée 7:10 Referans Kwoze

Osée 5:5

Baba ti azo ti Israel laa afa sioni ti ala na le ti azo. Azo ti Israel na azo ti Efraim ati ndali ti sioni ti ala; azo ti Juda ati nga legeoko na ala.

Ésaïe 9:13

Tongaso, gi na ya ti lango oko, KOTA GBIA azi na Israel li na damba, maboko ti mburu na pere ti sosongo.

Rome 3:11

Zo ti hingango ndo ayeke daa pepe, zo ti gingo lege ti Nzapa ayeke daa pepe.

Zakarii 1:4

Ala sara ye tongana ti akotara ti ala pepe. Ando, akozo wayanga-Nzapa afa tënë ti mbi na akotara ti ala ni, atene: Tënë so KOTA GBIA so ayeke na ndö ti dunia kue atene ayeke so: ‘Ala zia ngbene lege ti sarango ye ti ala, ala zia asioni sarango ye ti ala.’ Me ala ma pepe, ala ma yanga ti mbi pepe; so tënë ti yanga ti KOTA GBIA laa.

Osée 7:7

Ala kue amu wâ tongana fur, ala fâ akota zo ti ala ahunzi ala; agbia ti ala kue ati awe, mbeni zo oko na popo ti ala ti iri mbi ayeke daa pepe.

Osée 6:1

Nilaa ala yeke tene: “Ala ga, e kiri na mbage ti *KOTA GBIA. Lo laa lo zia ka na tere ti e, lo laa lo yeke sara si ka ni amu; lo laa lo pika e si e wara ka, lo laa lo yeke kanga le ti ka ni.

Jérémie 3:3

Ndani laa le ti nduzu akanga si ngu-Nzapa ti ndani apika pepe. Me le ti mo angba ti za tongana ti wali-ndumba; kamene asara nga mo kete pepe.

Amato 27:22

Ataa mo pika zo ti buba na ya ti kpu tongana ti so a yeke pika ale ti kobe, mo yeke sara gbaa, asarango ye ti buba ti lo ayeke ngba lakue na tere ti lo.

Abia (Psaumes) 53:2

Azo so li ti ala ayeke daa pepe ayeke tene na be ti ala, atene: “Nzapa ayeke daa lawa!” Azo so fini ti ala akpa pepe, ala sara sioni ye ahon ndoni; zo oko ti sara nzoni ayeke daa pepe.

Abia (Psaumes) 14:2

Kâ na yayu, *KOTA GBIA aba tere ti lo na mbage ti azo ti sese ti baa ndo, ti gi zo so li ti lo ayeke daa, zo so ayeke gi Nzapa.

Abia (Psaumes) 10:4

Na lege ti baba ti lo, zo ti sioni ayeke hunda tere ti lo pepe. Ti be ti lo, lo tene: “Nzapa ayeke daa lawa!”

Sofonii 1:6

Mbi yeke hunzi azo so ado mbi KOTA GBIA azia, ala so ayeke gi mbi pepe si ala yeke hunda mbi pepe so.”

Ésaïe 9:12

KOTA GBIA apika azo ti lo, me ala kiri na mbage ti lo pepe; KOTA GBIA so ayeke na ndö ti dunia kue, ala gi lo pepe.

Osée 13:14

Mbi KOTA GBIA, azo tongaso, mbi lingbi ti gboto ala na ndo ti akuâ ti sigigi na ala? Mbi lingbi ti soo ala na kuâ? Kuâ, ye so mo yeke fâ azo na ni so ayeke na ndo wa? Ndo ti akuâ, ngangu so mo yeke hunzi azo na ni so ayeke na ndo wa? Fade mbi yeke baa mawa ti Efraim oko pepe.