Osée 5:12 - Mbeti ti Nzapa - Tënë so amu fini

¹² Mbi, fade mbi yeke duti tongana fungo ka ndali ti Efraim, mbi yeke duti tongana ka ti sanzo ndali ti azo ti Juda.

Osée 5:12 Referans Kwoze

Ésaïe 51:8

Fade kangi ayeke te ala tongana ti so lo yeke te bongo, kangi ayeke te ala tongana ti so lo yeke te bongo so a sara na kua ti tere ti taba. Me songo so mbi yeke ga ti soo azo na kuâ ayeke ngba lakue, zingo azo ayeke ngba kpu na kpu.”

Mbeti ti Job 13:28

Me tere ti mbi ayeke buba tongana keke so afun; wala tongana bongo so akangi ate ni.

Jonas 4:7

Me lango oko na pekoni, na yanga ti ndaperere, Nzapa atokua mbeni kete kete nyama ti ga ti kpo keke ni si keke ni ahole.

Ésaïe 50:9

Kota Gbia NZAPA laa ayeke mu na mbi maboko. Zo wa laa alingbi ti fâ ngbanga na li ti mbi? Biani, fade awato ti mbi ayeke buba kue tongana gbagba bongo so akangi ate ni kue.

Amato 12:4

Wali so ane ayeke sara gonda ti koli ti lo; me wali so ayeke sara ye ti kamene, lo yeke tongana sioni kobela so ayeke te zo na ya ti bio.

Abia (Psaumes) 39:11

Mo zia ti pika mbi, mbi yeke kui na gbe ti pika ti mo.

Ésaïe 5:24

Ndani laa, fade ala yeke ga tongana pere so wâ agbi ni, ala yeke ga tongana holengo pere so menga ti wâ agbi ni kue. Ala yeke duti tongana pere so gunda ni afun na ya ti sese, tongana kongo so pupu ahon na ni tongana fuku ti sese. Biani, ye so KOTA GBIA so ayeke na ndö ti dunia kue afa, ala ke ni; tënë ti Nzapa ti Israel, lo so lo yeke nde si lo yeke nzoni kue, ala baa ni tongana mbumbuse ye.