Osée 4:4 - Mbeti ti Nzapa - Tënë so amu fini

⁴ *KOTA GBIA atene: “Hange! Ayeke nzoni zo oko abi tënë na li ti mba ti lo pepe, zo oko asuku na mba ti lo pepe. Me mo wayango-sandaga laa, mbi yeke bi tënë na li ti mo.

Osée 4:4 Referans Kwoze

Ndia ti fani use ni 17:12

Tongana mbeni zo na ya ti baba ti lo, ake ti ma tënë ti wayango-sandaga so aluti kâ na dawa ti KOTA GBIA Nzapa ti ala, wala wafango-ngbanga ni, fade a yeke fâ zo ni. Lege so fade ala yeke zi sioni ye na sese ti Israel laa.

Amos 5:13

Ngoi ni so ayeke ngoi ti sioni, ndani laa zo ti ndara akai kpoo.

Osée 4:17

Azo ti Efraim abongbi na ayanda; zia ala!

Amos 6:10

Tongaso, mbeni sewa oko ayeke mu akuâ ni na ya ti da ti gue ti gbi ni. Tongana mbeni zo angba na fini na ngbonda ti da ni kâ, sewa ni ayeke hunda lo, atene: “Mbeni zo ayeke na fini na tere ti mo kâ?” Zo ni ayeke kiri tënë: “Ên-en! Zo ayeke daa pepe.” Sewa ni ayeke kiri tënë, atene: “Kanga yanga ti mo! So ngoi ti dingo iri ti KOTA GBIA laa pepe!”

Ezekiel 3:26

Fade mbi yeke sara si menga ti mo akanga na ya ti yanga ti mo si mo ga buburu. Tongaso fade mo yeke suku na ala pepe; biani, ala yeke azo ti mara ti ngangu li.

Jérémie 18:18

Tongaso azo ni atene: “Ala ga, e leke tënë na tere ti Jérémie. Awayango-sandaga ayeke daa, fade ala yeke ngba ti fa na e atënë ti ndia. Azo ti ndara ayeke daa, fade ala yeke mu na e awango senge. Awayanga-Nzapa atia pepe, fade ala yeke tene na e peko ti atënë ti yanga ti Nzapa senge. Ala ga, e tene asioni tënë ti buba iri ti Jérémie. Atënë so asigigi na yanga ti lo so, e dingi mê ti e ti ma ni oko pepe.”

Amos 5:10

Zo so ayeke ke na awafango-ngbanga sioni fango ngbanga ti ala, be ti ala ake lo; zo so aga ti tene taa-tënë na le ti ngbanga, ala yeke baa lo na sioni le.