Osée 12:1 - Mbeti ti Nzapa - Tënë so amu fini

¹ KOTA GBIA atene: “Azo ti Efraim angoro mbi na tënë ti mvene, azo ti Israel angoro mbi na tënë ti handango ndo. Azo ti Juda angba ti tambula na Nzapa, me ala ngba ti sara na anzapa nde.”

Osée 12:1 Referans Kwoze

Osée 8:7

So ala yeke gi kete pupu, fade ala yeke wara kota pupu ti ngu-Nzapa. Mbeni *mato atene: “Tongana *ble ale pepe, zo ayeke wara farini pepe”. Ataa ble ni ale kete, awande laa ayeke te ni kue.

Osée 5:13

Efraim abaa kobela ti lo, Juda abaa ka ti lo; Efraim ague ti baa Asirii, lo tokua azo na ne-ne gbia, me ne-ne gbia ni alingbi ti kai kobela ti ala pepe, wala ti sara si ka ti ala amu pepe.

Ezekiel 17:10

So a lu vinye ni nzoni awe so, lo yeke mai ande laa? Gi so pupu ti To ayeke ya na ndö ti lo, fade lo yeke hole kasakasa pepe? Na ndö ti sese so lo lingbi fade ti kono daa, lo yeke hole.’ ”

Jérémie 22:22

Azo ti li ti kodro ti mo kue, fade pupu ayeke ya ti mu ala ti hon na ala; a yeke gbu andeko ti mo ti gue na ala na kodro wande. Ndali ti sioni ye so kue mo sara, nengo ti mo ayeke ti na sese si kamene ahon ndö ti mo.

Mbeti ti Job 15:2

Zo ti ndara tongana mo so ayeke kiri buba tënë tongaso? Lo yeke suku kate na tenengo asenge senge tënë tongaso?

2 Agbia 15:19

Pul, gbia ti Asirii ali ti sara bira na sese ti Israel. Tongaso Menahem amu na lo wen ti nginza so nengo ni ayeke kilo saki baleota titene Pul amu na lo maboko si komandema ti lo akpengba.

Tongo nda ti aye 41:6

Na pekoni, lo baa ambeni li ti ble mbarambara so ange ngengo asigigi; pupu ti wâ ti To azö ni si ahole kue.

Jérémie 2:36

“Mo yeke sanze akode mingi, andaa mo laa mo yeke bi tere ti mo na sese! Me fade Ezipte ayeke zia kamene na le ti mo tongana ti so Asirii azia nga kamene na le ti mo so.

Jérémie 7:15

Mbi yeke tumba ala yongoro na le ti mbi tongana ti so mbi tumba a-ita ti ala, azo ti mara ti Efraim so.”

Abia ti demango tere 5:6

Titene e wara kobe ti tengo ni, e yeke yoro maboko ti e na azo ti Ezipte nga na azo ti kodro ti Asirii.

Osée 4:19

Fade pupu ayeke rule ala ti hon na ala si kamene ayeke sara ala ndali ti asandaga so ala yeke mu ni so.

Osée 7:11

Azo ti Efraim ayeke tongana mbipa so le ti lo azi pepe si lo hinga ndo pepe. Ala iri Ezipte, na pekoni ala kpe na sese ti Asirii.

2 Mbai 21:11

Lo wani, lo leke ambeni ndo na ndö ti ahoto ti Juda titene azo avoro anzapa nde daa. Lo pusu azo ti Jérusalem na azo ti Juda titene ala mu peko ti anzapa nde.

Abia (Psaumes) 78:36

Me ala yeke handa lo na lege ti tënë ti yanga ti ala; ala yeke tene mvene na lo na lege ti menga ti ala.

Osée 4:15

“Tongana mo Israel, mo sara ye ti ndumba, ayeke nzoni Juda asara gi mara ti sioni ye so pepe. Ala gue na Gilgal pepe, ala gue na Bet-Aven pepe si ala deba yanga ti ala pepe, atene: ‘KOTA GBIA ayeke na fini!’ ”

Osée 7:1

si mbi ye ti kai kobela ti Israel, sioni ti Efraim na sioni sarango ye ti azo ti Samarii ayeke sigigi polele. Azo ayeke handa amba ti ala ti mu ye ti ala, azo ti nzi ayeke li na ya ti da ti nzi ye ti azo, asioni zo amu ndö ti alege kue.

Osée 11:9

Fade mbi yeke sara ye na lege ti sioni ngonzo ti mbi pepe, mbi yeke kiri ti ga ti buba Efraim pepe, ngbanga ti so mbi yeke zo pepe, me mbi yeke ti mbi Nzapa. Na ndo ti mo Efraim, mbi yeke nde si mbi yeke nzoni kue; fade mbi yeke kiri ti ga na lege ti sioni ngonzo pepe.”