Osée 10:14 - Mbeti ti Nzapa - Tënë so amu fini

¹⁴ Ndani laa fade toto ti bira ayeke si na popo ti azo ti mo si agbata ti mo so kue ngangu gbagba ayeke na tere ni ayeke buba. Agbata ni ayeke buba tongana ti so gbia Shalman abuba ando gbata ti Bet-Arbel si azo anika mama na ndö ti amolenge ti lo so.

Osée 10:14 Referans Kwoze

Habakuk 1:10

Ala yeke baa agbia tongana ambumbuse zo, akota zo ti kodro aga tongana ye ti ngia na le ti ala. Agbata so angangu gbagba ayeke na tere ni, ala yeke he ni hengo na ngia, ala yeke bongbi gba ti sese na tere ti gbagba ni si ala yeke mu agbata ni.

Nahum 3:12

Angangu gbagba ti mo kue ayeke tongana ale ti fige so abe awe. Gi so zo ayingi keke ti fige ni, ale ni ayeke ti na yanga ti zo ni.

Nahum 3:10

Me ti azo ti Tebes nga, a gbu ala, a gue na ala na kodro wande. A mu akete molenge ti gbata ni, a bi ala na ndö ti asangbi-lege si a nika ala nikango. A mu akota zo ni, a kanga ala na zingiri; a bi *dee ti kangbi amakonzi ni na popo ti azo so ahon ndö ti ala na bira.

Amos 9:5

Kota Gbia NZAPA so ayeke na ndö ti dunia kue, tongana lo ndu sese na maboko ti lo, sese ni ayeke yingi si azo ti kodro ni kue ayeke duti na vundu. Sese ni kue ayeke londo na nduzu, na pekoni, ayeke kiri na gbeni tongana kota ngu ti Ezipte so asuku si akiri na gbeni.

Amos 3:8

Bamara ayeke toto, zo wa laa alingbi ti sara mbeto pepe, zo wa? Kota Gbia NZAPA ayeke tene tënë, zo wa laa alingbi ti ke ti tene peko ti tënë ti yanga ti lo, zo wa?

Jérémie 48:41

A mu agbata na bira awe, ando so ngangu gbagba ayeke na tere ni, a mu ni awe. Tongaso, be ti angangu turugu ti Moab afun kue tongana ti wali na ndembe ti dungo ni.

Ésaïe 33:14

Na *Sion, azo ti siokpari ado na mbeto, tere ti azo ti sioni ado. Ala yeke hunda tere ti ala, atene: “Wâ so ayeke gbi ye kue so, zo wa na popo ti e alingbi ande ti luti na tere ni, zo wa? Zo wa na popo ti e alingbi ti luti na tere ti kota wâ so ayeke gbi lakue lakue so zo wa?”

Ésaïe 17:3

Gbagba ti bira so ayeke na tere ti Efraim ayeke kiri ti ngba pepe, gbia ayeke kiri ti ngba na Damas pepe. Tanga ti azo ti Sirii so angba so, ala yeke kpa nga ye oko pepe tongana azo ti Israel. So tënë ti yanga ti *KOTA GBIA so ayeke na ndö ti dunia kue laa.

2 Agbia 18:33

Anzapa ti amara nde, mbeni oko awara lege ti zi kodro ti lo wani na maboko ti gbia ti Asirii awe?

2 Agbia 17:16

Ala zia lege ti atënë kue ti yanga ti KOTA GBIA, Nzapa ti ala, ala mu wen akporo ni si ala leke na ayanda use ti bagara, ala leke mbeni keke aluti na nduzu ndali ti nzapa-wali Ashera. Ala voro aye so kue ayeke na le ti nduzu si ala sara na nzapa *Baal.

Tongo nda ti aye 32:11

mbi zo ti gbe ti mo, mbi yeke kete mingi; anzoni ye so mo sara na mbi si mo ngba ti sarango ni ngbii asi laso so, mbi lingbi na ni pepe. Biani, mbi hon ando na ya ti ngu ti Jourdain gi na keke oko so ayeke na maboko ti mbi. Fadeso mbi yeke na azo ti mbi nga na anyama so mbi kangbi ala na ya ti bongbi use.

Jérémie 13:14

Mbi yeke pika ala na tere ti tere titene ya ti ala akungbi, mbi yeke pika ababâ na amolenge na tere ti tere; so tënë ti yanga ti KOTA GBIA laa. Mbi yeke zia zo oko pepe, mbi yeke sara nzoni be na zo oko pepe, mbi yeke baa mawa ti zo oko pepe. Mbeni ye oko ayeke kanga lege na mbi pepe ti fâ ala kue ti hunzi ala.’ ”

2 Agbia 17:3

Salmanasar, gbia ti Asirii aga ti tiri bira na Osée. Osée aga zo ti gbe ti lo si ayeke futa lapo na ngu oko oko.

Osée 10:15

Azo ti Israel, baa ye so Betel ayeke ga ande na ni na ndö ti ala ndali ti sioni ti ala so ahon ndoni so laa! Na ndaperere, so ndo angba kâ, ti gbia ti Israel ayeke hunzi.”

Amos 3:14

Na lango so mbi yeke ga na tere ti azo ti Israel ndali ti asioni sarango ye ti ala, gi na lango so laa mbi yeke ga ti buba agbalaka so ayeke na Betel; fade a yeke kungbi adidi ti gbalaka ni si ala yeke ti na sese.

Mishe 5:11

Mbi yeke zi aye ti mazi so ayeke na ya ti kodro ti mo kue; mbeni zo ti bango nda ti aye na lege ti aye ti le ti nduzu ayeke duti daa mbeni pepe.