Osée 10:1 - Mbeti ti Nzapa - Tënë so amu fini

¹ Israel ayeke tongana keke ti *vinye so ayeke le ando mingi. So ale ti keke ti lo ayeke wu mingi, lo yeke sara si agbalaka akiri awu mingi; so sese ti lo ayeke pendere mingi, lo yeke sara si angbongboro têne so a leke si aluti na nduzu akiri aga pendere mingi.

Osée 10:1 Referans Kwoze

Osée 8:11

Azo ti Efraim akiri asara agbalaka gbani gbani ti zi siokpari ti ala, me agbalaka ni akiri amu lege na ala ti sara siokpari.

Osée 12:11

Mbi tene tënë na awayanga-Nzapa, mbi sara si ala baa aye mingi na ya ti mbeni ye tongana bango-li. Na lege ti awayanga-Nzapa, mbi tene tënë na lege ti atoli.

Filipe 2:21

Atanga ti azo ni kue ayeke gi gi nzoni ti ala wani; ala yeke gi nzoni ti Jésus Christ pepe.

Jérémie 2:28

Fade mbi yeke kiri tënë na ala, mbi tene: ‘Anzapa ti ala so ala leke ala so ayeke na ndo wa? Tongana ye ti ngangu asi na ala, ayeke nzoni anzapa ni aga asoo ala ma! Biani, ala azo ti Juda, ala yeke na anzapa gbani gbani alingbi na wungo ti agbata ti ala.’

Awayango-sandaga 26:1

“Ala sara ayanda pepe, ala sara limo ti mbeni nzapa wala mbeni ngbongboro têne so aluti na nduzu ndali ti ala wani pepe. Atêne so a de alimo na tere ni, ala zia ni na ya ti kodro ti ala pepe, ala kuku, akpo li ti ala na sese na dawa ni pepe. Biani, mbi laa mbi yeke KOTA GBIA, Nzapa ti ala.

1 Agbia 14:23

Legeoko tongana akotara ti ala, ala leke ando na ndö ti ahoto titene ala voro anzapa nde daa; ala leke angbongboro têne so aluti na nduzu, ala leke nga akeke so aluti na nduzu ndali ti nzapa-wali Ashera. Ala zia aye ni so na li ti akete hoto kue nga na gbe ti afini keke so kue kugbe ni ayeke gbani gbani.

2 Korente 5:16

Ndani laa, ti fadeso, e yeke kiri ti baa zo oko na le ti e na bango ndo ti zo pepe. Ataa so e baa Christ ando na le ti e na bango ndo ti zo, ti fadeso e yeke kiri ti baa lo tongaso pepe.

Nahum 2:2

Ninive, azo ayeke ga na ngangu ti tiri bira na mo. Ala aturugu, ala bata ngangu gbagba! Le ti ala akpengba na ndö ti alege, ala leke tere ti ala ti tiri bira, ala luti ngangu tongana koli!

Osée 13:6

Gi so mo si na ndo ti tengo pere awe, mo te pere ya ti mo asi. So ya ti mo asi awe, baba ahon ndö ti mo; ndani laa be ti mo agirisa na mbi.

Osée 13:2

Ti fadeso, azo ti Efraim angba ti sara siokpari: ala kporo wen si asara na anzapa nde, ala mu wen ti nginza ti ala si na lege ti kode ti ala, ala sara na ayanda. Ye so kue ayeke ye ti maboko ti awakode-kua. Ndali ti anzapa ni, azo ayeke tene: “Azo, ala mu asandaga na anzapa ni!” Azo ayeke su ngbangba ti akete bagara!

Osée 12:8

KOTA GBIA atene: “Efraim, mo yeke tongana azo ti Kanaan; mo gbu na maboko ti mo mbeni kilo ti handango na azo; mo ye sarango ye ti nzi.

Osée 8:4

Ala zia agbia na ndö ti mbata, me ala hunda mbi pepe; ala soro amakonzi, me ala tene tënë ni na mbi pepe. Ala mu nginza ti ala na lôro ti ala, ala sara na ayanda. Nzoni lege titene aye ti ala kue abuba laa!

Osée 2:8

“Ndani laa mbi KOTA GBIA, mbi yeke kanga lege ti lo na akamba ti ki, mbi yeke sara mbeni gbagba ti kanga na lege ni; fade lo yeke kiri ti wara lege ti lo ti hon daa pepe.

Osée 3:4

Biani, fade azo ti Israel ayeke ngba gi tongaso aninga: ala yeke duti na gbia pepe, na makonzi pepe; ala yeke mu asandaga pepe, ala yeke leke ngbongboro têne aluti na nduzu pepe; aye ti hundango nda ti aye nga na anzapa ti da, ala yeke duti na ni pepe.

Osée 4:7

“Awayango-sandaga kue kue kue asara siokpari so ake mbi; fade mbi yeke sara si nengo ti kua ti ala aga kota ye ti kamene.

Osée 13:15

Ataa Efraim awara anzoni ye mingi na popo ti a-ita ti lo, fade pupu ti To ayeke ga, pupu ti KOTA GBIA so alondo na benyama ayeke ga. Pupu ni ayeke sara si li ti ngu ayeke hole, du ti ngu ayeke hole kasakasa. Fade a yeke nzi anzoni ye so kue ayeke na ya ti da ti batango mosoro ti lo.

Jérémie 11:13

Biani, ala azo ti Juda, ala yeke na anzapa gbani gbani alingbi na wungo ti agbata ti ala. Kâ na Jérusalem, ala yeke na agbalaka gbani gbani ndali ti Kamene alingbi na wungo ti abalabala ti ya ti gbata ni, agbalaka so ala yeke ya *sandaga na ndö ni na *Baal.’

Jérémie 11:17

KOTA GBIA so ayeke na ndö ti dunia kue laa alu keke ni. Ti fadeso, lo yeke iri kpale na ndö ti lo ndali ti sioni so azo ti Israel na azo ti Juda asara. Biani, ala zia ngonzo na be ti KOTA GBIA na lege so ala ya asandaga na *Baal.

Osée 2:10

“Me wali ni ahinga ti lo pepe, atene, mbi laa mbi yeke mu na lo lani ale ti *ble, fini vin na nzoni mafuta; mbi yeke mu na lo gba ti nginza na lôro, me lo mu ni na *sandaga na Baal.