Néhémie 9:35 - Mbeti ti Nzapa - Tënë so amu fini

³⁵ Na ndembe so ala duti na ya ti kodro-gbia ti ala wani awe, na popo ti gba ti anzoni ye so mo mu na ala, na ya ti kota sese so akobe ayeke du daa mingi so mo zia lani na dawa ti ala, ala zia sioni sarango ye ti ala pepe, ala sara kua ti mo pepe.

Néhémie 9:35 Referans Kwoze

Ndia ti fani use ni 28:47

Tongana ala sara ande na KOTA GBIA Nzapa ti ala na ngia nga na nzerengo be pepe na ndembe so ala yeke na ye gbani,

Jérémie 5:19

Tongana ala tene: ‘KOTA GBIA Nzapa ti e asara ye so kue na e ngbanga ti nyen?’, fade mo yeke kiri tënë na ala, mo tene: Na ya ti kodro ti ala wani, ala zia mbi ti sara na anzapa ti awande. Ndani laa, fade ala yeke sara na awande na ya ti kodro so ayeke ti ala, azo ti Israel pepe.”

Néhémie 9:25

Ala mu agbata so ngangu gbagba ayeke na tere ni, asese so ayeke du akobe mingi, ada so asi singo na mara ti amosoro nde nde, adu ti ngu so a zi ni awe, ayaka ti *vinye na ti olive nga na gba ti akeke so ayeke le mingi. Ndali ti nzoni be ti mo, ala te ye, ya ti ala asi, ala kono, ala duti na ngia.

Ndia ti fani use ni 31:21

Tongana akpale na aye ti ngangu asi ande na ala, fade bia so ayeke ga mbeni ye ti bi tënë na li ti ala. Ataa *ahale ti ala ayeke girisa bia so pepe. Biani, gi laso laso, mbi hinga ye so ala leke na be ti ala ti sarango ni kozo si mbi sara titene ala li na ya ti kodro so mbi deba yanga ti mbi ti mu na ala.”

Néhémie 9:34

Agbia ti e na amakonzi ti e, awayango-sandaga ti e nga na akotara ti e asara ye alingbi na ndia ti mo pepe; ala dingi mê ti ala ti ma atënë ti ndia ti mo pepe, wala atënë ti yanga ti mo so mo mu wango na ala daa.

Ésaïe 63:7

Fade mbi yeke dabe ti azo na nzoni be ti *KOTA GBIA, mbi yeke fa nda ni so azo alingbi ti sepela lo: anzoni ye so kue lo sara na e, akota nzoni ye so lo sara na azo ti Israel, aye so kue lo sara na lege ti ndoye, na lege ti kota nzoni be ti lo.

Ndia ti fani use ni 28:48

fade ala yeke ga angbaa ti awato so KOTA GBIA ayeke tokua ala na tere ti ala. Nzara ti kobe na nzara ti ngu ayeke sara ala; bongo ayeke na ala pepe, ye kue ayeke tia ala. KOTA GBIA ayeke zia na go ti ala *zuge ti wen, ngbii ala hunzi kue.

Ezekiel 5:6

Me azo ti gbata ni ake ti sara ye alingbi na atënë ti ndia ti mbi nga na aye so mbi fa. Ala kiri asara aye ti sioni ahon azo ti amara nde nga na azo ti akodro so angoro ala. Biani, ala bi atënë ti ndia ti mbi na ngonda, ala sara ye alingbi na aye so mbi fa pepe.