Néhémie 9:34 - Mbeti ti Nzapa - Tënë so amu fini

³⁴ Agbia ti e na amakonzi ti e, awayango-sandaga ti e nga na akotara ti e asara ye alingbi na ndia ti mo pepe; ala dingi mê ti ala ti ma atënë ti ndia ti mo pepe, wala atënë ti yanga ti mo so mo mu wango na ala daa.

Néhémie 9:34 Referans Kwoze

Jérémie 29:19

Biani, ala ma tënë ti mbi pepe, ataa so mbi mu ngoi ti mbi kue ti tokua na ala awayanga-Nzapa so ayeke azo ti kua ti mbi; so tënë ti yanga ti KOTA GBIA laa. Me ala ma awayanga-Nzapa ni pepe; so tënë ti yanga ti KOTA GBIA laa.’

2 Agbia 17:13

KOTA GBIA agboto mê ti azo ti Israel na azo ti Juda na lege ti awayanga-Nzapa kue nga na lege ti azo so ayeke baa nda ti aye, atene: “Ala zia sioni lege ti sarango ye ti ala, ala sara ye alingbi na tënë ti ndia ti mbi, ambela ti mbi nga na akpengba tënë ti mbi. Ala sara ye alingbi na *Ndia so mbi mu ando na akotara ti ala si mbi mu ni na ala na lege ti azo ti kua ti mbi, awayanga-Nzapa.”

Ndia ti fani use ni 31:21

Tongana akpale na aye ti ngangu asi ande na ala, fade bia so ayeke ga mbeni ye ti bi tënë na li ti ala. Ataa *ahale ti ala ayeke girisa bia so pepe. Biani, gi laso laso, mbi hinga ye so ala leke na be ti ala ti sarango ni kozo si mbi sara titene ala li na ya ti kodro so mbi deba yanga ti mbi ti mu na ala.”

Néhémie 9:30

Mo kanga be ti mo na ala na ya ti ngu mingi. Na lege ti yingo ti mo, mo mu wango na ala na lege ti awayanga ti mo; me ala ma awayanga ti mo ni pepe. Tongaso mo zia ala na maboko ti azo ti amara nde.

2 Agbia 17:15

Ala ke andia ti KOTA GBIA, ala ke tënë ti *mbuki so lo sara na akotara ti ala, ala ke awango so lo mu na ala. Ala mu peko ti afungo nzapa si ala wani aga ye so afun awe. Ala mu peko ti sarango ye ti amara so alango nduru na ala, ataa so KOTA GBIA ake na azo ti Israel titene ala sara ye pepe tongana ti amara so.

Néhémie 9:33

Na ya ti aye so kue asi na e, mo sara ye mbirimbiri nga na lege ti taa-tënë; me ti e, e sara ye so ayeke sioni.

Néhémie 9:35

Na ndembe so ala duti na ya ti kodro-gbia ti ala wani awe, na popo ti gba ti anzoni ye so mo mu na ala, na ya ti kota sese so akobe ayeke du daa mingi so mo zia lani na dawa ti ala, ala zia sioni sarango ye ti ala pepe, ala sara kua ti mo pepe.

Jérémie 44:17

Me e yeke sara ye alingbi gi na tënë so kue asigigi na yanga ti e: e yeke ngba ti zö dukani na gbia-wali ti yayu si e yeke tuku samba ti mu na sandaga na lo tongana ti so e sara ni ngbii asi laso. Ababâ ti e, agbia ti e na akota zo ti kodro ti e asara nga legeoko tongaso na ya ti agbata ti Juda nga na ndö ti abalabala ti Jérusalem. Lani so e yeke sara tongaso, e yeke na kobe gbani gbani ti tengo ni, e yeke duti nzoni si e hinga ye so iri ni sioni pepe.

2 Mbai 29:6

Biani, ababâ ti e asara ando ye alingbi na tënë ti KOTA GBIA, Nzapa ti e pepe. Ala do lo azia, ala bi le ti ala yongoro na kota da so KOTA GBIA ayeke duti daa si ala zia peko ti ala na lo.

Esdras 9:10

“Fadeso, Nzapa ti e, e lingbi ti tene nyen na peko ti ye so asi so? Biani, e zia lege ti atënë ti ndia

Jérémie 44:4

Mbi mu ngoi ti mbi kue ti tokua na ala na peko ti tere, na peko ti tere, azo ti kua ti mbi so ayeke awayanga-Nzapa ti tene na ala: ‘Be ti mbi ake asioni sarango ye so zo alingbi ti baa na le ti lo fani use pepe so; ala sara ni pepe!

Ezekiel 5:6

Me azo ti gbata ni ake ti sara ye alingbi na atënë ti ndia ti mbi nga na aye so mbi fa. Ala kiri asara aye ti sioni ahon azo ti amara nde nga na azo ti akodro so angoro ala. Biani, ala bi atënë ti ndia ti mbi na ngonda, ala sara ye alingbi na aye so mbi fa pepe.

Daniel 9:6

Azo ti kua ti mo so ayeke awayanga-Nzapa atene peko ti tënë ti yanga ti mo na agbia ti e, na amakonzi ti e, na akotara ti e nga na azo ti kodro kue; me e ke ti ma ala.