Néhémie 9:29 - Mbeti ti Nzapa - Tënë so amu fini

²⁹ Mo mu wango na ala titene ala kiri na gbe ti *Ndia ti mo; me na lege ti kuru baba ti ala, ala ma atënë ti ndia ti mo pepe. Ala sara siokpari ti ke andia ti mo, ataa so andia ni ayeke mu fini na azo so asara ye alingbi na ni. Akotara ti e angba ti sara ngangu li, ala tomboka na tere ti mo, ala ke ti ma yanga ti mo.

Néhémie 9:29 Referans Kwoze

Néhémie 9:16

Me baba ahon ndö ti akotara ti e, ala sara ngangu li, ala ma atënë ti ndia ti mo pepe.

Awayango-sandaga 18:5

“Ala bata andia ti mbi na atënë ti ndia ti mbi; zo so asara ye alingbi na ni, fade lo yeke duti na fini ndali ni. Mbi laa mbi yeke KOTA GBIA.

Néhémie 9:26

Me akotara ti e asara ngangu li na mo, ala tomboka na tere ti mo, ala bi atënë ti ndia ti mo na peko ti ala; ala fâ awayanga ti mo so ayeke mu wango na ala titene ala kiri na mbage ti mo. Na sarango ye tongaso, ala zonga mo mingi.

Néhémie 9:10

Mo sara aye ti dongo be na aye ti kpene na tere ti Faraon na azo ti kua ti lo, nga na tere ti azo ti kodro ti lo kue, ngbanga ti so mo hinga lege ti sarango ye ti ala so ala sara na baba na tere ti akotara ti e. Mo sara si iri ti mo awu si angba ti wu laso.

Osée 6:5

Ndani laa mbi pika ala na lege ti awayanga-Nzapa, mbi fâ ala na lege ti tënë ti yanga ti mbi. Fango ngbanga ti mbi ayeke sigigi polele tongana lumiere.

Jérémie 43:2

Azaria, molenge ti Hoshaya, na Yohanan, molenge ti Karea na ambeni zo ti sioni yanga, atene na Jérémie: “Tënë ti mvene laa mo yeke tene so! KOTA GBIA, Nzapa ti e atokua mo pepe ti tene na e: ‘Ala gue na Ezipte pepe ti honde tere ti ala kâ!’

Galasii 3:12

Andaa Ndia ayeke luti na ndö ti mabe pepe. Me Mbeti ti Nzapa atene: “Zo so asara ye alingbi na atënë ti Ndia, fade lo yeke na fini ndali ni.”

Rome 10:5

Na ndö ti tënë ti gango mbirimbiri na lege ti sarango ye so Ndia afa, Moïse asu na mbeti, atene: “Zo so asara ye alingbi na atënë ti ndia, fade lo yeke na fini ndali ni.”

Nzoni Tënë so Luc asu na mbeti 10:28

Jésus atene na lo: “Mo kiri tënë na legeni. Sara ye ni tongaso si fade mo ngba na fini.”

Daniel 5:20

Me na pekoni, pikango kate ahon ndö ti lo si lo baa tere ti lo kota ahon azo kue. Tongaso Nzapa azi lo na ndö ti mbata ti gbia si azo akiri ane lo pepe.

Ezekiel 20:11

Mbi mu na ala andia ti mbi, mbi sara si ala hinga lege ti sarango ye so mbi fa; zo so asara ye alingbi na ni, lo yeke duti na fini.

Jérémie 44:10

Vundu ade agbu ala ndali ni pepe ngbii asi laso; zo oko akpe mbeto ti mbi pepe, zo oko abata lege ti aye so mbi fa na ala pepe; andia so mbi mu na ala nga na akotara ti ala, ala bata lege ni pepe.’ ”

Jérémie 19:15

“Tënë so KOTA GBIA so ayeke na ndö ti dunia kue, Nzapa ti Israel atene ayeke so: ‘Akpale so kue mbi tene tënë ni so, fade mbi yeke sara si ati na ndö ti gbata so nga na ndö ti akete kodro so kue ayeke na tere ni. Biani, azo ti gbata ni asara ngangu li si ala ke ti ma tënë ti mbi.’ ”

Jérémie 17:23

Ti akotara ti ala ni, ala ma mbi pepe, ala dingi mê ti ala ti ma mbi pepe. Ala sara ngangu li, ala ke ti ma tënë si ala ke awango ti mbi.

Jérémie 7:26

Me ala ma mbi pepe; ala dingi mê ti ala kete pepe ti ma mbi; ala sara ngangu li ahon ndoni, ala sara sioni ahon akotara ti ala.

2 Mbai 36:15

KOTA GBIA, Nzapa ti akotara ti ala amu ngoi ti lo kue ti tokua azo ti gboto mê ti ala, ngbanga ti so lo baa mawa ti azo ti lo nga na da ti lo wani so ayeke nde si ayeke nzoni kue.

2 Mbai 24:19

Na pekoni, KOTA GBIA atokua awayanga ti lo na popo ti azo ni ti mu wango na ala titene ala kiri na mbage ti lo; me zo oko ama tënë ti ala pepe.

2 Agbia 17:13

KOTA GBIA agboto mê ti azo ti Israel na azo ti Juda na lege ti awayanga-Nzapa kue nga na lege ti azo so ayeke baa nda ti aye, atene: “Ala zia sioni lege ti sarango ye ti ala, ala sara ye alingbi na tënë ti ndia ti mbi, ambela ti mbi nga na akpengba tënë ti mbi. Ala sara ye alingbi na *Ndia so mbi mu ando na akotara ti ala si mbi mu ni na ala na lege ti azo ti kua ti mbi, awayanga-Nzapa.”

Ndia ti fani use ni 31:21

Tongana akpale na aye ti ngangu asi ande na ala, fade bia so ayeke ga mbeni ye ti bi tënë na li ti ala. Ataa *ahale ti ala ayeke girisa bia so pepe. Biani, gi laso laso, mbi hinga ye so ala leke na be ti ala ti sarango ni kozo si mbi sara titene ala li na ya ti kodro so mbi deba yanga ti mbi ti mu na ala.”

Ndia ti fani use ni 4:26

Tongana ala sara mara ti asiokpari tongaso, mbi tene na ala laso biani, yayu na sese ayeke ma mbi, sese so ala yeke gue ti mu na mbage ti ngu ti Jourdain kâ titene aga ti ala so, ala yeke ngba na ya ni aninga pepe, a yeke fâ ala kue ti hunzi ala.

Sigingo 10:3

Moïse na Aaron ague na ndo ti Faraon si ala tene na lo: “Tënë so KOTA GBIA, Nzapa ti ahebro atene ayeke so: ‘Mo yeke ke ti sara tere ti mo kete na dawa ti mbi ngbii asi lawa? Zia lege na azo ti mbi titene ala gue, avoro mbi.

Matthieu 19:17

Jésus atene na lo: “Ngbanga ti nyen si mo hunda mbi na ndö ti ye so ayeke nzoni? Gi Nzapa oko laa ayeke nzoni. Tongana mo ye ti li na ndo so azo ayeke duti na fini daa, ayeke nzoni mo sara ye alingbi na andia ti Nzapa.”

2 Mbai 33:10

KOTA GBIA atene tënë na Manase nga na azo ti lo, me ala dingi mê ti ala pepe ti ma tënë ni.

Néhémie 9:30

Mo kanga be ti mo na ala na ya ti ngu mingi. Na lege ti yingo ti mo, mo mu wango na ala na lege ti awayanga ti mo; me ala ma awayanga ti mo ni pepe. Tongaso mo zia ala na maboko ti azo ti amara nde.

Néhémie 13:15

Na ngoi ni so, mbi baa so na sese ti Juda, ambeni zo ayeke pete ale ti *vinye na ya ti du so a leke ti pete ale ti vinye daa; ala yeke pete ale ti vinye ni na *lango ti wungo tere. Ambeni akanga gba ti ale ti kobe na ndö ti alele, vin, ale ti vinye, fige na ambeni ye nde nde si ala yeke gue na ni na Jérusalem na lango ti wungo tere. Mbi gboto mê ti ala na lango so ala yeke ka akungba ti ala ni.

Jérémie 42:19

“Ala atanga ti azo ti Juda, KOTA GBIA atene na ala: Ala gue na Ezipte pepe! Ala ma tënë so nzoni: laso, mbi tene tënë so na ala polele!

Ndia ti fani use ni 31:27

Biani, mbi hinga azo ti Israel kue: be ti ala akpengba mingi, ala yeke azo ti ngangu li. Laso, mbi de na fini na popo ti ala. Me ataa so kue, ala yeke tomboka na tere ti KOTA GBIA! Na peko ti kuâ ti mbi, fade ye ni ayeke ga ande tongana nyen?

Awafango-ngbanga 6:10

Mbi tene na ala: Mbi yeke KOTA GBIA, Nzapa ti ala. Ayeke nzoni ala voro anzapa ti azo ti Amori pepe so ayeke lango na sese ti ala.’ Me ala ke ti ma yanga ti mbi.”

2 Agbia 17:14

Me azo ti Israel ama tënë ni pepe. Ala sara ngangu li tongana ti akotara ti ala so ake ando ti ma na be na KOTA GBIA, Nzapa ti ala.