Néhémie 9:12 - Mbeti ti Nzapa - Tënë so amu fini

¹² Na kota lâ, mo fa lege na ala na lege ti ngbongboro mbinda. Na bi, mo zia mbeni ngbongboro wâ ti za na lege ti ala.

Néhémie 9:12 Referans Kwoze

Néhémie 9:19

Me na lege ti kota nzoni be ti mo, mo zia ala na ya ti benyama pepe: na kota lâ, mbinda so ayeke fa lege na ala ahon yongoro na tere ti ala pepe; ngbongboro wâ so ayeke za ti fa lege na ala ahon nga yongoro na tere ti ala pepe.

Abia (Psaumes) 143:8

Gi na ndaperere, tene na mbi tënë ti nzoni be ti mo, ngbanga ti so mbi zia be ti mbi na ndö ti mo; fa na mbi lege so mbi lingbi ti tambula daa, ngbanga ti so mbi yeke baa ndo gi na mo.

Abia (Psaumes) 107:7

Lo fa na ala lege so ague mbirimbiri ti si na mbeni gbata so azo ayeke daa.

Abia (Psaumes) 105:39

Nzapa agbara ngbongboro mbinda ti bata ala; na bi, wâ ayeke za titene ala baa na ndo.

Abia (Psaumes) 78:14

Na kota lâ, lo fa lege na ala na lege ti mbinda; na bi kue, lo fa lege na ala na lege ti zango ti wâ.

Sigingo 15:13

Na lege ti nzoni be ti mo, mo fa lege na azo ti mo so mo zi ala awe. Na lege ti ngangu ti mo, mo gue na ala na ndo ti duti ti mo so ayeke nde si ayeke nzoni kue.

Wungo ti azo 9:16

Ye ni ayeke sara gi tongaso lakue; so ti tene, mbinda ni amu ndö ti da ni kue si na bi, ayeke za zango tongana wâ.

Ndia ti fani use ni 1:33

Lani, lo laa lo yeke mu li ti tambula ni na ala ti gi ndo so ala lingbi ti sara bâbâ ti ala daa. Na bi, lo yeke na ya ti ngbongboro wâ ti za na lege so ala yeke tambula daa; na kota lâ, lo yeke na ya ti ngbongboro mbinda.

Wungo ti azo 9:21

Mbeni lâ, mbinda ni ayeke ngba na ndo oko, na lakui ngbii asi na ndaperere. Tongana mbinda ni alondo na ndaperere ti hon, azo ti Israel nga ayeke londo ti hon. Mbeni lâ, mbinda ni ayeke sara lango oko na bi oko si alondo ti hon. Tongana lo londo ti hon, azo ti Israel nga ayeke londo ti hon.

Ezekiel 20:6

Na lango ni so, mbi yoro maboko ti mbi na nduzu, mbi deba yanga ti mbi na ala, mbi tene: fade mbi yeke sara si ala sigigi na sese ti Ezipte ti gue na mbeni kodro so mbi *bembe ni ando ndali ti ala; kodro ni ayeke pendere ahon akodro kue, *kodro so ngu ti me ti bagara na mafuta ti wotoro asi singo daa.