Néhémie 8:2 - Mbeti ti Nzapa - Tënë so amu fini

² Wayango-sandaga Esdras aga na mbeti ti Ndia ni na gbe ti bongbi ti azo ni. Akoli, awali na azo so kue alingbi ti ma ya ti mbeni tënë nzoni, abongbi na ndo so. Ye ni ayeke na kozo lango ti nze mbarambara ni.

Néhémie 8:2 Referans Kwoze

Awayango-sandaga 23:24

ti tene na azo ti Israel, atene: “Kozo lango ti nze mbarambara ni ayeke *lango ti wungo tere, lango ti dango be na ti dekongo na ngia. Ala yeke bongbi ti voro mbi.

Malashii 2:7

Biani, kua ti wayango-sandaga ayeke ti fa lege na azo si ala hinga Nzapa. Azo ayeke ga na mbage ti lo ti gi ti hinga ye so ndia afa, ngbanga ti so lo yeke watokua ti KOTA GBIA so ayeke na ndö ti dunia kue.

Wungo ti azo 29:1

“Na kozo lango ti nze mbarambara ni, ala yeke bongbi tere ti ala ti voro *KOTA GBIA; kua so ala yeke sara ka lakue, ala sara ni pepe. So ayeke lango ti dekongo na ngia.

Awatokua 15:21

Biani, ngbene ye giriri, azo ayeke fa *Ndia ti Moïse na ya ti agbata oko oko kue; na *lango ti wungo tere oko oko kue, ala yeke diko Ndia ni na ya ti ada ti sambelango Nzapa.”

Ésaïe 28:9

Ala yeke hunda ndo, atene: “Ésaïe ayeke fa ti lo ye ni na zo wa? Lo yeke fa nda ti atënë ti Nzapa ni na zo wa? Na amolenge so a zi ala na yanga ti me fafadeso? Na akete molenge so a gbanzi ala na me fafadeso?

Ndia ti fani use ni 17:18

Tongana gbia ni ako na ndö ti mbata ti lo ti gbia awe, fade lo yeke su ndali ti lo wani mbeti ti *Ndia so na ya ti mbeni mbeti nde; so ti tene mbeti ti Ndia so awayango-sandaga, azo ti mara ti Lévi ayeke bata ka ni.

Néhémie 8:9

So azo ni ama atënë ti ya ti mbeti ti Ndia ni, ala ti na toto. Ndani laa govoronere Néhémie, lo na wayango-sandaga Esdras, so lo yeke nga wafango-ndia, ala na azo ti mara ti Lévi so ayeke fa nda ti Ndia ni, atene na azo ni, atene: “Lango so ayeke lango so a zia ni nde ndali ti KOTA GBIA, Nzapa ti ala. Ngoi titene ala duti na mawa si ala toto laa pepe!”

Néhémie 9:1

Na lango baleuse na osio ti oko nze ni so, azo ti Israel abongbi ti ke kobe ti sambela. Ala yu bongo ti mua, ala tuku fuku ti sese na li ti ala.

Josué 8:35

Josué adiko atënë ti Ndia ti Moïse na dawa ti bongbi ti azo ti Israel kue, na awali, amolenge nga na awande so ayeke na popo ti ala; lo girisa mbeni tënë oko daa pepe.

Néhémie 8:18

Na ya ti alango ni so oko oko kue, ti londo na kozo lango ti matanga ni ngbii asi na ndangba lango ni, mbeni zo ayeke diko mbeti ti Ndia ti Nzapa. Matanga ni asara lango mbarambara. Na lango miombe ni, ala sara mbeni kota bongbi ti hunzi na matanga ni tongana ti so ndia afa.

Néhémie 10:29

– Tanga ti azo ni, awayango-sandaga, azo ti mara ti Lévi, asanziri, azo ti hengo bia na azo ti sarango kua ti kota da ti Nzapa, ala na azo so aduti nde na ambeni mara so angba lani na ya ti kodro ni si ala yeke sara ye alingbi na *Ndia ti Nzapa, azo ni kue, ala na awali ti ala na amolenge ti ala ti koli na ti wali, azo so kue alingbi ti ma nda ti tënë,

Néhémie 13:1

Na ngoi ni so, a diko mbeti ti Moïse na le ti azo kue si na ya ni, a wara mbeni tënë so atene, fade zo ti mara ti Amon na ti Moab ayeke li laoko pepe na ya ti bongbi ti azo ti Nzapa.