Néhémie 8:1 - Mbeti ti Nzapa - Tënë so amu fini

¹ Azo ti Israel abongbi tere ti ala tongana zo oko na Jérusalem na kota le ti kodro so abaa le na yanga ti gbagba so iri ni Ti-ngu. Ala hunda na Esdras, wafango-ndia titene lo ga na mbeti ti *Ndia so *KOTA GBIA amu ando na azo ti Israel na lege ti Moïse.

Néhémie 8:1 Referans Kwoze

Néhémie 3:26

lo na azo ti kua ti kota da ti Nzapa so ayeke lango na vaka ti Ofel ayeke leke ti ala gbagba ni ti gue na ni ngbii ti si na yanga ti gbagba so iri ni Ti-ngu, na mbage ti To nga ti si na da so ayo na nduzu si asigigi na tere ti gbagba ni.

2 Mbai 34:15

Hilkia atene na wakuasu Shafan: “Mbi wara mbeti ti Ndia na ya ti kota da ti KOTA GBIA.” Hilkia amu mbeti ni na Shafan.

Esdras 7:11

Esdras ayeke kota wafango-ndia so ahinga andia na atënë ti ndia so *KOTA GBIA amu na azo ti Israel. Tënë ti ya ti mbeti so gbia Artakzerses amu na Esdras ayeke so:

Matthieu 23:34

Ndani laa, mbi yeke tokua na ala awayanga-Nzapa, azo ti ndara na awafango-ndia. Ala, afarizien na awafango-ndia, ala yeke fâ ande ambeni si ala yeke fâ ambeni na ndö ti keke ti kroa. Ala yeke pika ambeni na fimbo na ya ti ada ti sambelango Nzapa ti ala si ala yeke tumba peko ti ala na ya ti agbata oko oko kue.

Matthieu 23:13

“Mawa na ala, awafango-ndia, ala na *afarizien! Tënë ti yanga ti ala ayeke nde na sarango ye ti ala! Ala kanga lege ti *Kodro-gbia ti yayu na azo. Ala wani aye ti li na ya ti Kodro-gbia ti yayu ni pepe, me ala yeke kanga lege ni na azo so aye ti li daa. [

Matthieu 23:2

“Kua ti awafango-ndia na ti *afarizien ayeke ti fa nda ti *Ndia ti Moïse na azo.

Matthieu 13:52

Lo tene na ala: “So ti tene, wafango-ndia so ahinga ye na ndö ti *Kodro-gbia ti yayu awe, lo yeke tongana mbeni wa ti da so ayeke mu afini mosoro na angbene ni kue na ya ti gogoro ti lo ti sigigi na ni.”

Ésaïe 8:20

fade ala yeke kiri tënë na ala, atene: “E yeke kiri gi na ndö ti wango ti KOTA GBIA na tënë so lo tene.” Zo so atene tënë tongaso pepe, fade lo yeke baa lumiere ti ndaperere pepe.

Néhémie 12:37

So ala si na yanga ti gbagba so iri ni Ti-ngu awe, andaa ala si na Gbata ti David. Ala ma eskalie ti gbata ni si ala ko na ndö ti gbagba ni so ayeke na nduzu ahon yangbo ti David. Na pekoni, ala gue ngbii ala si na yanga ti gbagba so iri ni Ngu, na mbage ti To ti gbata ni.

Néhémie 8:16

Tongaso azo ti Israel ague, afâ amaboko ti keke ti sara na akpangba. Ambeni asara ti ala kpangba ni na li ti ada ti ala, ambeni na ya ti gbagba ti ala wani, ambeni na ya ti gbagba ti kota da ti Nzapa, ambeni na kota ndo so ayeke na yanga ti gbagba so iri ni Ti-ngu si ambeni na kota ndo so ayeke na yanga ti gbagba so iri ni Ti-Efraim.

Awafango-ngbanga 20:8

Azo ni kue alondo tongana zo oko, ala tene: “Zo oko na popo ti e ayeke kiri na ndo ti lo pepe, zo oko ayeke kiri na da ti lo pepe.

Awafango-ngbanga 20:1

Azo ti Israel kue abongbi tere tongana zo oko na dawa ti *KOTA GBIA na sese ti Mispa. Ala londo na sese ti Dan ngbii ala si na Bersheba nga na Galaad.

2 Mbai 34:30

Na pekoni, lo gue na ya ti kota da ti *KOTA GBIA, lo na azo ti Juda kue, na ala ti Jérusalem kue, awayango-sandaga, azo ti mara ti Lévi nga na azo ti kodro kue, ti londo na akota zo asi na akete zo. Gbia adiko na mê ti ala atënë kue ti ya ti mbeti ti *mbuki so a wara na ya ti kota da ti KOTA GBIA so.

Esdras 7:10

Biani, Esdras azia be ti lo kue ti gi nda ti *Ndia ti KOTA GBIA, ti sara ye alingbi na ni. Lo ye nga ti fa na azo ti Israel atënë ti ndia ni nga na aye so ndia afa.

Néhémie 8:3

Ti londo na kota ndaperere ngbii asi na bekombite, Esdras aluti na kota le ti kodro so abaa le na yanga ti gbagba so iri ni Ti-ngu; lo diko mbeti ti Ndia ni na akoli, na awali nga na azo so kue alingbi ti ma ya ni. Azo ni kue aduti kpoo ti ma tënë ti Ndia so a yeke diko ni so.

Awayango-sandaga 9:5

Aye so Moïse amu yanga daa so, ala mu ni, ague na ni na yanga ti da ti bongo so KOTA GBIA na azo ti lo ayeke wara tere daa. Bongbi ti azo ti Israel kue aga si ala luti na dawa ti KOTA GBIA.

Ndia ti fani use ni 31:11

fade ala yeke diko Ndia so na azo ti Israel kue titene ala ma ni. Ala yeke diko ni na azo ti Israel so kue ayeke ga ti luti na dawa ti KOTA GBIA Nzapa ti ala, na ndo so lo yeke soro.

2 Agbia 23:2

Na pekoni, lo gue na ya ti kota da ti *KOTA GBIA, lo na azo ti Juda kue, na ala ti Jérusalem kue, awayango-sandaga, awayanga-Nzapa nga na azo ti kodro kue, ti londo na akota zo ngbii asi na akete zo. Gbia adiko na mê ti ala atënë kue ti ya ti mbeti ti *mbuki so a wara na ya ti kota da ti KOTA GBIA so.

Esdras 7:1

Na peko ti aye so, na ngoi so Artakzerses ayeke gbia na kodro ti Perse, mbeni zo alondo na Babilone asi; iri ti lo Esdras. Esdras ayeke mbeni *hale ti kota wayango-sandaga Aaron. Molongo ti ahale ti Esdras ayeke tongaso: Esdras ayeke molenge ti Seraya; Seraya ayeke molenge ti Azaria; Azaria ayeke molenge ti Hilkia; Hilkia ayeke molenge ti Shalum; Shalum ayeke molenge ti Sadok; Sadok ayeke molenge ti Ahitub; Ahitub ayeke molenge ti Amaria; Amaria ayeke molenge ti Azaria; Azaria ayeke molenge ti Merayot; Merayot ayeke molenge ti Zeraya; Zeraya ayeke molenge ti Uzi; Uzi ayeke molenge ti Buki; Buki ayeke molenge ti Abishua; Abishua ayeke molenge ti Pinas; Pinas ayeke molenge ti Elazar; Elazar ayeke molenge ti Aaron. Esdras ahinga mbeti mingi, lo hinga nga *Ndia ti *KOTA GBIA mingi, Ndia so KOTA GBIA, Nzapa ti Israel afa na Moïse so. Ndali ti so maboko ti KOTA GBIA Nzapa ti Esdras ayeke na ndö ti lo, gbia ayeke mu na lo aye so kue lo hunda.

Néhémie 12:26

Ala sara lani kua ti ala na ngoi ti Yoyakim, molenge ti Yeshua; Yeshua ayeke molenge ti Yosadak. Ala sara nga kua ni na ngoi ti govoronere Néhémie, nga na ngoi ti Esdras, wayango-sandaga so lo yeke nga wafango-ndia.