Néhémie 5:13 - Mbeti ti Nzapa - Tënë so amu fini

¹³ Na pekoni, mbi yingi yanga ti kota bongo ti mbi si mbi tene: “Zo so kue ayeke sara ye alingbi na tënë ti yanga ti lo pepe, ayeke nzoni Nzapa ayingi lo legeoko tongaso. Ayeke nzoni Nzapa azi lo na ya ti da ti lo nga amosoro ti zo ni!” – Bongbi ti azo ni kue atene: “Amen! Ayeke nzoni ye ni aduti tongaso!” Ala kue asepela *KOTA GBIA si na pekoni, ala sara ye alingbi na tënë ti yanga ti ala.

Néhémie 5:13 Referans Kwoze

Awatokua 18:6

Me so ala ke tënë ni si ala zonga lo, lo pika sese ti tere ti bongo ti lo na ala si lo tene: “Ayeke nzoni mene ti ala angba na li ti ala wani; ngbanga ti mbi ayeke daa pepe. Fadeso, mbi yeke gue na mbage ti azo ti amara nde.”

Matthieu 10:14

Tongana ala si na ya ti mbeni da, wala na ya ti mbeni gbata si azo ni ake ti yamba ala, wala azo ni ake ti ma tënë ti ala, ayeke nzoni ala zia ndo ni so ahon. Na hongo ti ala, ala pika sese ti gbe ti gere ti ala.

1 Mbai 16:36

Singila na KOTA GBIA, Nzapa ti Israel ngbene ye lakue lakue, kpu na kpu! Nilaa azo kue atene: “Amen! Aleluya!”

Awatokua 13:51

Tongaso *awatokua apika sese ti gbe ti gere ti ala na azo ni, na pekoni, ala hon ti gue na Ikoniom.

Zo ti bongbingo azo 5:5

Mo zia lege na yanga ti mo ti bi tënë na li ti mo pepe. Mo tene na watokua pepe, mo tene: “Mbi girisa yanga ti mbi.” Ndani nyen ti sara si Nzapa asara ngonzo ndali ti tënë ti yanga ti mo si lo buba aye so mo sara?

Abia (Psaumes) 119:106

Mbi deba yanga ti mbi awe si mbi luti na ndö ni, mbi tene: mbi yeke sara ye alingbi na atënë ti fango ngbanga ti mo ti mbirimbiri.

Abia (Psaumes) 76:11

Ataa ngonzo ti azo ayeke sara si mo wara gonda; azo so ayeke kpe ngonzo ni, mo yeke yu ala tongana bongo.

Abia (Psaumes) 50:14

Ayeke nzoni mo mu singila na mbi, Nzapa; singila ni ayeke nzoni sandaga so mo mu na mbi. Sara ye alingbi na zendo so mo mu na mbi, Nzapa so ayeke na yayu kâ na ndö ti aye kue.

Néhémie 8:6

Esdras amu singila na KOTA GBIA, lo so lo yeke kota Nzapa. Azo kue ayo maboko ti ala na nduzu si ala tene: “Amen, Amen!” Na pekoni, ala kuku, akpo li ti ala na sese ti voro KOTA GBIA.

2 Agbia 23:3

Gbia aluti na ndö ti mbeni ye so a leke na nduzu ndali ti agbia si lo kiri lo leke tënë ti ga mbuki na KOTA GBIA. Alingbi fade zo oko oko amu zendo ti tambula na peko ti KOTA GBIA, ti sara ye na be ti lo kue nga na tënë ti be ti lo kue alingbi na atënë ti ndia ti KOTA GBIA, ambela ti lo na aye so lo fa. Alingbi fade zo oko oko asara ye alingbi na atënë ti mbuki so a su na ya ti mbeti so. Nilaa azo kue ayeda na tënë ti mbuki ni.

1 Samuel 15:28

Samuel atene na lo: “Lege so laa KOTA GBIA azi lengo-gbia na maboko ti mo laso na ndö ti Israel; lo mu ni na mbeni zo nde so ayeke nzoni ahon mo.

Wungo ti azo 5:22

Ayeke nzoni ngu so ayeke ga na deba na ndö ti zo ague na ya ti avi ti mo ti sara si ya ti mo asuku si mo du nga pepe.’ Fade wali ni ayeke kiri tënë: ‘Amen, amen!’

1 Korente 14:16

Tongana mo yeke sambela ti mu singila na Nzapa gi na lege ti yingo ti mo, fade senge zo ti ya ti bongbi ni ayeke wara lege ti tene “Amen” na peko ti sambela ti mo ni tongana nyen, so lo ma ya ti tënë ti mo ni pepe so?

Amato 28:4

Azo so azia lege ti *Ndia, ala yeke gonda azo ti sioni; me azo so abata lege ti Ndia, ala yeke kanga lege na azo ti sioni ni.