Néhémie 12:26 - Mbeti ti Nzapa - Tënë so amu fini

²⁶ Ala sara lani kua ti ala na ngoi ti Yoyakim, molenge ti Yeshua; Yeshua ayeke molenge ti Yosadak. Ala sara nga kua ni na ngoi ti govoronere Néhémie, nga na ngoi ti Esdras, wayango-sandaga so lo yeke nga wafango-ndia.

Néhémie 12:26 Referans Kwoze

Néhémie 8:9

So azo ni ama atënë ti ya ti mbeti ti Ndia ni, ala ti na toto. Ndani laa govoronere Néhémie, lo na wayango-sandaga Esdras, so lo yeke nga wafango-ndia, ala na azo ti mara ti Lévi so ayeke fa nda ti Ndia ni, atene na azo ni, atene: “Lango so ayeke lango so a zia ni nde ndali ti KOTA GBIA, Nzapa ti ala. Ngoi titene ala duti na mawa si ala toto laa pepe!”

Esdras 7:11

Esdras ayeke kota wafango-ndia so ahinga andia na atënë ti ndia so *KOTA GBIA amu na azo ti Israel. Tënë ti ya ti mbeti so gbia Artakzerses amu na Esdras ayeke so:

2 Mbai 9:26

Salomon ayeke sara komandema na ndö ti agbia kue, ti londo na *bale ti Efrate asi na kodro ti azo ti Filistii, akiri ague ngbii asi na katikati ti sese ti Ezipte.

Néhémie 8:1

Azo ti Israel abongbi tere ti ala tongana zo oko na Jérusalem na kota le ti kodro so abaa le na yanga ti gbagba so iri ni Ti-ngu. Ala hunda na Esdras, wafango-ndia titene lo ga na mbeti ti *Ndia so *KOTA GBIA amu ando na azo ti Israel na lege ti Moïse.