Néhémie 12:24 - Mbeti ti Nzapa - Tënë so amu fini

²⁴ Amakonzi ti azo ti mara ti Lévi Hashabia, Sherebia na Yeshua, molenge ti Kadmiel aluti abaa le na ambeni zo ti mara ti Lévi, ala yeke sepela Nzapa si ala yeke gonda lo, tongana ayeke ngoi ti ala ti sarango kua na ya ti kota da ti Nzapa. Amakonzi ni asara ye alingbi na yanga so David, zo ti Nzapa amu.

Néhémie 12:24 Referans Kwoze

Néhémie 11:17

Ambeni zo ni ayeke Matania, molenge ti Mika; Mika ayeke molenge ti Zabdi; Zabdi ayeke molenge ti Asaf, makonzi so ayeke mu li ti bia ti sepelango Nzapa na ndembe so azo ayeke sambela; Bakebukia, ita ti Matania ayeke mu na lo maboko; Abda, molenge ti Shamua; Shamua ayeke molenge ti Galal; Galal ayeke molenge ti Yedutun.

Néhémie 9:4

Yeshua, Bani, Kadmiel, Shebania, Buni, Sherebia, Bani na Kenani alondo si ala luti na ndo so a leke na nduzu ndali ti azo ti mara ti Lévi; ala dekongo ngangu na KOTA GBIA Nzapa ti ala.

Néhémie 8:7

Na pekoni, ala londo, ala ngba na nduzu si azo ti mara ti Lévi Yeshua, Bani, Sherebia, Yamin, Akub, Shabetai, Hodia, Maaseya, Kelita, Azaria, Yozabad, Hanan na Pelaya ato nda ti fa nda ti Ndia na ala.

Esdras 2:40

Azo ti mara ti Lévi so akiri ayeke tongaso: akoli ti akete mara ti Yeshua, ti Kadmiel, ti Binui na ti Hodavia ayeke 74.

2 Mbai 8:14

Salomon asara ye alingbi na ye so babâ ti lo David amu yanga na lo ti sara: lo zia awayango-sandaga na yanga ti kua ti ala; lo zia nga azo ti mara ti Lévi na yanga ti kua ti ala titene ala yeke he bia ti sepela KOTA GBIA nga ti sara kua na ya ti lango oko oko na tere ti awayango-sandaga. Lo zia azo ti batango ayanga ti gbagba na lege ti bongbi ti ala oko oko titene ala bata ayanga ti gbagba oko oko kue. Yanga so David, zo ti Nzapa amu laa.

1 Agbia 17:24

Wali ni atene na Élie: “Biani, fadeso mbi hinga, mbi tene, mo yeke zo ti Nzapa; tënë ti KOTA GBIA so ayeke na yanga ti mo ayeke taa-tënë.”

Josué 14:6

Mbeni lâ, azo ti mara ti Juda aga awara Josué na Gilgal. Kaleb, molenge ti Yefune, zo ti kete mara ti Kenaz atene na lo, atene: “Mo hinga tënë so KOTA GBIA atene na Moïse, zo ti kua ti Nzapa, na ndö ti mbi na mo, kâ na Kades-Barnea.

Ndia ti fani use ni 33:1

So ayeke tufa so Moïse, zo ti Nzapa, asara na ndö ti azo ti Israel kozo titene lo kui laa.

2 Timothée 3:17

si zo ti Nzapa akpengba, lo wara anzoni ye so kue alingbi titene lo sara na nzoni kua.

1 Timothée 6:11

Ti mo zo ti Nzapa, mo kpe lege ti aye so kue. Mo gi lege ti ga mbirimbiri na le ti Nzapa, ti gbu tënë ti lo ngangu, ti duti na mabe, ti duti na ndoye, ti kanga be ti mo na ya ti aye so ayeke si na mo, ti duti nga na wokongo be.

Néhémie 12:23

A su nga iri ti amakonzi ti azo ti mara ti Lévi na ya ti mbeti-sango ti ngu oko oko ti kodro ni; me ye ni aninga ngbii asi gi na ngoi ti Yohanan, tara ti Eliashib.

Néhémie 12:36

Zakarii na a-ita ti lo Shemaya, Azarel, Milalai, Gilalai, Maai, Nataneel, Yehuda na Hanani ayeke tambula na peko ti ala. Ala yo agbakuru ti mozoko so David, zo ti Nzapa aleke ni. Esdras, wafango-ndia ayeke na li ti kozo bongbi ti azo ti hengo bia ni.

1 Mbai 16:4

David amu ambeni zo ti mara ti Lévi si lo zia ala na dawa ti sanduku ti *mbuki ti *KOTA GBIA titene ala dabe ti azo na iri ti KOTA GBIA, ala sepela lo si ala gonda nga KOTA GBIA, Nzapa ti Israel.