Néhémie 1:3 - Mbeti ti Nzapa - Tënë so amu fini

³ Ala kiri tënë na mbi, atene: “Tanga ti azo so angba, ala so a gbu ala, a gue na ala na kodro wande pepe so, ala yeke na ya ti kota mawa nga na ya ti kota kamene. A koro adu na tere ti dere ti gbagba ti Jérusalem kirikiri; wâ agbi ayanga ti gbagba ni kue.”

Néhémie 1:3 Referans Kwoze

Néhémie 2:17

Tongaso, mbi tene na ala: “Ala baa mawa so e yeke na ya ni so! Gbata ti Jérusalem ati awe, wâ agbi ayanga ti gbagba ni kue awe. E londo, e kiri e leke gbagba ti Jérusalem, tongaso si e zi kamene na le ti e!”

2 Agbia 25:10

Aturugu ti Babilone so kue amu peko ti makonzi ti aturugu ti batango gbia akungbi na sese gbagba so angoro Jérusalem.

Néhémie 7:6

“Nabukodonosor, gbia ti Babilone agbu ando azo si ague na ala na Babilone. Mingi ti azo ni akiri na Jérusalem nga na Juda. Zo oko oko akiri na ya ti gbata ti lo wani.

Néhémie 2:13

Na bi, mbi sigigi na yanga ti gbata so iri ni Ti-popo-hoto, mbi gue na mbage ti li ti ngu so iri ni Ti-nyama-so-akpa-ngunde nga na mbage ti yanga ti gbata so iri ni Ti-puru. Mbi baa mbage ti afango gbagba ti Jérusalem nzoni; mbi baa so a koro adu kirikiri na ya ti gbagba ni si wâ agbi ayanga ti gbagba ni kue.

Néhémie 2:3

Me mbi kiri tënë na gbia, mbi tene: “Gbia na nduzu! Le ti mbi alingbi ti duti na ngia tongana nyen? Gbata so a lu akotara ti mbi daa ati awe si wâ agbi ayanga ti gbagba ni kue awe so!”

Esdras 5:8

“Gbia, e ye ti fa na mo so e gue na kodro ti Juda si e si na kota da ti kota Nzapa. Azuife akiri ayeke leke da ni na akota têne so a de tere ni dengo, ala zia na ya ti dere ti da ni angbongboro keke. Ala yeke sara kua ni pendere mingi si akua ni ayeke gue gi na nduzu.

Abia ti demango tere 5:1

*KOTA GBIA, aye so kue asi na e so, ayeke nzoni be ti mo agirisa na ni pepe. Zi le ti mo, mo baa zonga so azo ayeke zonga na e so!

Abia ti demango tere 3:61

Mo ma azonga so ala zonga na mbi awe, mo hinga asioni so ala leke ndali ti mbi awe.

Abia ti demango tere 1:7

Gbata ti Jérusalem aga buba awe, gbata ni aga tongana mbeni zo so ayeke hon kirikiri, ngbonda ti lo agbu sese pepe. Na ya ti alango ni so, lo dabe ti lo na amosoro ti lo so lo yeke na ni ando. Fadeso azo ti gbata ti Jérusalem kue ati na ya ti maboko ti awato awe, zo ti ga ti mu maboko na ala ayeke daa pepe. Awato abaa gbata ti Jérusalem ni, ala yeke he ni hengo, ngbanga ti so gbata ni akiri angba gbata pepe.

Jérémie 52:14

Aturugu ti Babilone so kue amu peko ti makonzi ti aturugu ti batango gbia akungbi na sese gbagba so kue angoro Jérusalem.

Jérémie 42:18

Jérémie akiri atene: “Tënë so KOTA GBIA so ayeke na ndö ti dunia kue, Nzapa ti Israel atene ayeke so: ‘Ngonzo ti mbi na ngonzo ti mbi ti wâ alondo lani na tere ti azo ti Jérusalem. Legeoko nga, fade mbi tuku ngonzo ni na ndö ti ala, azo ti Juda, tongana ala si na Ezipte. Tongaso, fade ala ga tapande ndali ti azo so ayeke deba amba ti ala, ala yeke ga ye ti dongo be, ye ti dengo ba na ye ti ziango kamene na le ti zo. Ala yeke kiri ti baa kodro so oko pepe.’ ”

Jérémie 39:8

Na Jérusalem, azo ti Babilone abi wâ na yangbo ti gbia nga na ada ti asenge zo ti kodro ni. Ala kungbi nga na sese gbagba ti gbata ni.

Jérémie 29:18

Mbi yeke tumba peko ti ala na lege ti bira, nzara na sioni kobela ti bubango kodro. Mbi yeke sara tongaso si akodro-gbia ti sese kue ado na kota mbeto na bango ala. Na ya ti akodro so kue mbi yeke kangbi ala daa, ala yeke ga tapande ndali ti azo so ayeke deba amba ti ala; ala yeke ga ye ti dongo be nga na ye so azo ayeke huru yanga ti ala na bango ni.

Jérémie 24:9

Na ya ti akodro-gbia kue ti sese, fade mbi yeke sara si ala, azo ti Juda, ala ga tapande ti kpale so ayeke sara si azo ado na kota mbeto. Na ando so kue mbi yeke tumba ala daa, ala yeke ga tapande; zo ayeke mu iri ti ala ti zonga na mba ti lo wala ti he lo, ti he bia na iri ti lo wala ti deba lo.

Jérémie 5:10

Ala mondee na li ti agbagba ti azo ti mara ni, ala buba aye; me ala buba ye kue pepe! Ala fâ gi amaboko ti *vinye ti azo ni; amaboko ni so ayeke ti KOTA GBIA pepe.

Ésaïe 43:28

Tongaso mbi bi buba na tere ti amakonzi so ayeke sara kua na ndo so a zia ni nde ndali ti mbi, mbi zia Jacob titene a fâ lo, mbi zia Israel na maboko ti awato ti lo titene ala zonga lo.

Ésaïe 5:5

Fadeso, mbi yeke fa na ala ye so mbi yeke sara na yaka ti vinye ti mbi ni: Mbi yeke zi gbagba so ayeke na tere ni si anyama aga ate akeke ti yaka ni kirikiri. Mbi yeke kungbi gbagba ni na sese si azo aga ado akeke ti vinye ni.

Abia (Psaumes) 79:4

Azo so ayeke nduru na e azonga e, azo so angoro e ahe e na ngia, e ga buba ye na le ti ala.

Esther 1:1

Ye ni asi na ngoi ti gbia Zerses; Zerses ayeke ando gbia na ndö ti akodro-sese ngbangbo oko baleuse na mbarambara, ti londo na Inde ngbii asi na Etiopii.

Néhémie 11:3

Amakonzi ti sese ni aduti na Jérusalem. Ti tanga ti azo ti Israel, awayango-sandaga, azo ti mara ti Lévi, azo ti kua ti kota da ti Nzapa na *ahale ti azo ti kua ti gbia Salomon angba na ya ti agbata ti ala wani, zo oko oko aduti na sese ti lo.

Esdras 2:1

Nabukodonosor, gbia ti Babilone agbu ando azo si ague na ala na Babilone. Fadeso, mingi ti azo ni akiri na Jérusalem nga na Juda. Zo oko oko akiri na ya ti gbata ti lo wani.

1 Agbia 9:7

fade mbi yeke zi ala, azo ti Israel, na sese so mbi mu na ala. Kota da so mbi zia ni nde ndali ti mbi, fade mbi yeke bi ni yongoro na le ti mbi si azo ti Israel aga mbeni ye ti *mato nga na ye so azo kue ayeke he na ngia.

Amato 25:28

Zo so ayeke ngangu na lo titene lo kanga ngonzo ti lo, lo yeke tongana mbeni gbata so ngangu gbagba ayeke na tere ni pepe.

Abia ti demango tere 2:9

Ayanga ti gbagba ti gbata ti Sion ati, alango na gbe ti akungbingo gbagba ni. Angbongboro wen ti yanga ti gbagba ni so, lo de ya ni nduru nduru. A gbu gbia ti gbata ni na agbenyogbia ti lo si a gue na ala na popo ti amara nde. Tënë ti yanga ti Nzapa ayeke daa mbeni pepe; ataa azo ti tenengo peko ti yanga ti lo kue, lo kiri lo tene tënë na ala na lege ti mbeni ye tongana bango-li pepe.

Awayango-sandaga 26:31

Mbi yeke buba agbata ti ala kue, mbi yeke sara si ando ti vorongo anzapa ti ala aga ngonda; *asandaga ti ala so ala yeke ya na mbi, mbi yeke kiri ti ma fion ni pepe.

Awayango-sandaga 26:33

Ti ala, mbi yeke tokua bira na tere ti ala si mbi yeke sara titene ala kangbi na popo ti amara nde. Kodro ti ala ayeke ga ngonda si agbata ti ala ayeke buba kue.

2 Mbai 36:19

Azo ti Babilone agbi kota da ti Nzapa, ala kungbi na sese gbagba ti bira so ayeke na Jérusalem, ala bi wâ na ayangbo ti gbia kue si ala buba aye ti ngangu ngere na ya ti gbata ni kue.