Nahum 3:10 - Mbeti ti Nzapa - Tënë so amu fini

¹⁰ Me ti azo ti Tebes nga, a gbu ala, a gue na ala na kodro wande. A mu akete molenge ti gbata ni, a bi ala na ndö ti asangbi-lege si a nika ala nikango. A mu akota zo ni, a kanga ala na zingiri; a bi *dee ti kangbi amakonzi ni na popo ti azo so ahon ndö ti ala na bira.

Nahum 3:10 Referans Kwoze

Ésaïe 20:4

Fade gbia ti Asirii ayeke gbu azo ti Ezipte ti gue na ala na kodro wande, lo yeke gbu azo ti Etiopii ti gue na ala na kodro ti lo: amaseka na ambakoro. Lo yeke gue na ala tere ti ala senge, gere ti ala senge, ngbonda ti ala senge. Fade ayeke duti ye ti kamene na azo ti Ezipte!

Abdias 1:11

Na lango so awato agbu aturugu ti a-ita ti ala ti hon na ala, ala yeke lani daa. So lani awande ali na ya ti gbata ti Jérusalem si ala bi mbeni ye ti baa lege so ala lingbi ti kangbi ya ti amosoro ti gbata ni, ala azo ti Edom nga, ala sara ye tongana ti azo ni.

Joël 3:3

Fade mbi yeke sara aye ti kpene na le ti nduzu nga na ndö ti sese: mene, wâ na angbongboro guru ti wâ;

Abia ti demango tere 2:19

Ala londo, azo ti Jérusalem! Na bi, ala lango pepe, ala dema tere ti ala na Kota Gbia. Ala zi be ti ala kue ti tene tënë na lo. Ala yo maboko ti ala na nduzu ti voro tere ti ala na lo. Ala voro lo ndali ti amolenge ti ala so ayeke kui na nzara na ndö ti alege kue so.

Ésaïe 13:16

A yeke do ya ti amolenge ti ala taa na le ti ala, a yeke nzi aye ti da ti ala, a yeke gbu awali ti ala na ngangu ti lango na ala.

Amos 1:13

Tënë so KOTA GBIA atene ayeke so: “Mbi yeke na tënë na azo ti mara ti Amon ndali ti asioni ye ota, wala osio so ala sara: ala suru ya ti amama ti ngo na sese ti Galaad ti sara si sese ti ala akono. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Abia ti demango tere 4:1

Azo-oo, azo! Pendere ti lôro alondo daa awe; lôro ti nzoni ni akiri aza oko pepe! Atêne so a zia ni nde ndali ti Nzapa atuku kirikiri amu ya ti kodro ni kue!

Ésaïe 13:6

Ala dekongo na vundu maa! *Lango ti KOTA GBIA aga nduru awe; lango ni ayeke tongana mbeni kota kpale so ayeke buba ndo kue; kpale ni alondo na lo so ngangu ti lo ahon angangu kue.

Abia (Psaumes) 137:8

Mo gbata ti Babilone, so mo yeke ku titene a hunzi mo biani biani so! Ti lo nzoni, zo so ayeke sara na mo alingbi na ye so mo sara na e!

2 Agbia 8:12

Hazael ahunda lo, atene: “Kota zo, mo yeke toto ngbanga ti nyen?” Élisée akiri tënë: “Mbi yeke toto, ngbanga ti so mbi hinga sioni so mo yeke sara ande na azo ti Israel: mo yeke gbi agbata ti ala so ngangu gbagba ayeke na tere ni, mo yeke fâ amaseka ti ala na ya ti bira, mo yeke nika akete molenge ti ala, mo yeke suru ya ti amama ti ngo.”

Mbeti ti Job 6:27

Ala bi ye ti hinga nyindu wa laa ala ye ti ka lo, taa mba ti ala, ala ye ti ka lo!

Abia (Psaumes) 137:9

Ti lo nzoni, zo so ayeke mu akete molenge ti mo ti nika ala na ndö ti kota têne!

Abia (Psaumes) 149:8

ala yeke kanga agbia ti azo ni na zingiri, ala yeke kanga akota zo ti azo ni na olongbo,

Ésaïe 19:4

Mbi yeke zia azo ti Ezipte na gbe ti komandema ti mbeni makonzi so aso mingi; mbeni gbia ti ngangu ayeke sara komandema na ndö ti ala.” So tënë ti yanga ti Kota Gbia NZAPA so ayeke na ndö ti dunia kue laa.

Ezekiel 29:7

Azo so agbu mo na ya ti maboko ti ala, mo fâ si mo suru ndö ti maboko ti ala kue na ka; azo so agbu mo ti luti na ndö ti mo, mo fâ si mo sara titene be ti ala awoko kue.