Nahum 1:6 - Mbeti ti Nzapa - Tënë so amu fini

⁶ Tongana lo sara ngonzo, zo wa laa ayeke luti na le ti lo, zo wa? Tongana ngonzo ti lo alondo tongana wâ, zo wa laa ayeke ngba na fini, zo wa? Ngonzo ti lo ayeke gbi ye kue tongana ti so kota wâ ayeke gbi ye kue; ya ti akota têne ayeke suru na dawa ti lo.

Nahum 1:6 Referans Kwoze

Jérémie 10:10

Me KOTA GBIA ayeke taa Nzapa, lo yeke Nzapa so ayeke na fini, lo yeke gbia kpu na kpu. Tongana lo sara ngonzo, sese ayeke yingi; tongana le ti lo abe na ngonzo, amara nde alingbi ti kanga be ti ala pepe.

Malashii 3:2

Zo wa laa alingbi ande ti kanga be ti lo na lango ti gango ti lo, zo wa? Zo wa laa alingbi ti ngba na nduzu na ndembe ti singo ti lo, zo wa? Biani, lo yeke tongana wâ ti matawa wala tongana mokpakpa ti zo ti sukulango bongo.

Nahum 1:2

*KOTA GBIA ayeke Nzapa so ayeke sara mbanda, lo yeke kiri peko ti sioni na azo so asara sioni na lo. KOTA GBIA ayeke kiri peko ti sioni na azo so ake lo; ngonzo ti lo ayeke sioni mingi. Lo yeke kiri peko ti sioni na awato ti lo, ngonzo ti lo ayeke londo tongana wâ na tere ti ala.

Abia (Psaumes) 76:7

Nzapa ti Jacob, tongana mo suku na ala, azo ti kpengo na mbarata nga na ambarata ni aluti kpoo.

Ezekiel 30:16

Mbi yeke bi wâ na Ezipte. Tere ti azo ti Sin ayeke do na mbeto. A yeke koro du na tere ti gbagba ti No si ngu ayeke suku amu ya ti gbata ti Manfis kue.

Abia ti demango tere 4:11

*KOTA GBIA asara ye ti ngonzo ti lo ni kue ahunzi awe. Lo sara si ngonzo ti lo ti wâ abuba ndo kue; lo bi wâ na gbata ti Sion si agbi agere ni kue.

Abia ti demango tere 2:4

KOTA GBIA agboto ya ti kokora ti lo tongana wato; maboko ti lo ti koli angba gi ngbango daa. Lo fâ aye so kue ayeke pendere mingi ti bango ni. KOTA GBIA atuku ngonzo ti lo ti wâ na ndö ti kota da-Nzapa ti Jérusalem.

Ésaïe 27:4

Mbi ngba ti sara ngonzo na tere ti yaka ni pepe. Me tongana mbi wara aki na akamba ti ki na ni, mbi yeke ti na ndö ti ala ti bi wâ daa.

Ésaïe 10:16

Ndani laa, Kota Gbia NZAPA so ayeke na ndö ti dunia kue ayeke tokua kobela na tere ti azo ti lo so akono titene ala nge. Na gbe ti gonda ti ala, fade mbeni ye ayeke gbi tongana wâ so ayeke gbi ye.

Abia (Psaumes) 90:11

Zo wa laa alingbi ti hinga ngangu ti ngonzo ti mo? Zo so akpe mbeto ti mo laa ahinga ngonzo ti mo nzoni mingi!

Abia (Psaumes) 2:12

Ala kuku ti voro molenge ti lo si lo sara ngonzo pepe. Tongana lo sara ngonzo, fade ala kui na lege ti sarango ye ti ala so. Biani, gi kete ye, ngonzo ti lo alondo tongana wâ. Ti ala nzoni, azo so kue akpe na lo ti bata tere ti ala.

1 Agbia 19:11

KOTA GBIA atene na lo: “Sigigi! Gue mo luti na dawa ti mbi na ndö ti hoto. Mbi KOTA GBIA, mbi yeke ga ti hon.” Kozo titene KOTA GBIA ahon, mbeni kota pupu aya ngangu mingi, asuru ya ti ahoto si afâ ya ti atêne; me KOTA GBIA ayeke na ya ti pupu ni pepe. Na peko ti pupu ni, sese ayingi; me KOTA GBIA ayeke na ya ti sese so ayingi so pepe.

Aye so Nzapa afa 16:8

Osio ange ni atuku ye ti ya ti kopo ti lo na ndö ti lâ. Tongaso, a mu lege na lâ ti gbi azo na wâ ti lo.

Aye so Nzapa afa 16:1

Na pekoni, mbi ma mbeni kota go so alondo na ya ti kota da ti Nzapa si atene na *a-ange mbarambara so, atene: “Ala gue, atuku ngonzo ti Nzapa so ayeke na ya ti akopo mbarambara so na ndö ti sese!”

Aye so Nzapa afa 6:17

Biani, kota lango ti ngonzo ti ala asi awe; zo wa laa alingbi ti ngba na fini, zo wa?”

Mbeti ti Job 40:11

Tuku sioni ngonzo ti mo na ndö ti azo; baa azo ti baba kue, mo zia ala na kete ndo!

Abia (Psaumes) 130:3

KOTA GBIA, tongana mo ngba fade ti dabe ti mo na asioni ti azo, zo wa laa ayeke ngba na fini, zo wa, Kota Gbia?

Ésaïe 13:13

Ndani laa, fade yayu ayeke yingi si gere ti sese ayeke do na lege ti ngonzo ti KOTA GBIA so ayeke na ndö ti dunia kue, na lango so ngonzo ti lo ni ayeke londo tongana wâ.

Ésaïe 66:15

Biani, KOTA GBIA ayeke ga na ya ti wâ, apusu ti mbarata ti lo ayeke tongana kota pupu. Lo yeke ga ti fa sioni ngonzo ti lo, ti suku na azo na lege ti menga ti wâ.

Jérémie 21:12

ala asewa ti David! Tënë so KOTA GBIA atene ayeke so: Lakue na ndaperere, ayeke nzoni ala fâ ngbanga mbirimbiri. Azo so ayeke te amba ti ala na mbana so, ala zi azo ni na maboko ti ala. Tongaso pepe, fade ngonzo ti mbi ayeke londo tongana wâ so ayeke gbi ye kue; zo alingbi ti mingo ni pepe. So ayeke futa ti asioni sarango ye ti ala laa.

Ezekiel 7:8

Fadeso, fafadeso, mbi yeke tuku ngonzo ti mbi ti wâ na ndö ti ala; mbi yeke tuku ngonzo ti mbi na ndö ti ala ngbii be ti mbi ade si. Mbi yeke fâ ngbanga na li ti ala alingbi na sarango ye ti ala. Asioni ye so ala sara si zo alingbi ti baa na le ti lo fani use pepe so, mbi yeke futa ala alingbi na ni.

Ezekiel 21:31

Tënë so mbi Kota Gbia NZAPA, mbi tene ayeke so: Fade a yeke zi bongo so a yeke kanga na li ti mo tongana kpoto, a yeke zi kpoto ti mo ti gbia. Ye kue ayeke ga nde! Asenge zo ayeke duti na kota ndo, akota zo ayeke ga asenge zo.

Ezekiel 39:6

Mbi yeke bi wâ na ya ti kodro ti Magog nga na ndö ti azo so ayeke lango yongoro na yanga ti kota ngu-ingo si ala yeke duti na siriri so. Tongaso, fade ala yeke hinga atene, mbi laa mbi yeke *KOTA GBIA.

Sofonii 2:2

kozoni si mbela ni asi, ngbanga ti so lango ni ayeke hon tongana holengo pere so pupu amu ahon na ni. Ala gbu li ti ala kozoni si sioni ngonzo ti *KOTA GBIA aga na ndö ti ala, kozoni si lango ti ngonzo ti KOTA GBIA aga na ndö ti ala.

Mbeti ti Job 9:5

Lo yeke zi ahoto ti zia ala na mbeni ndo nde, ahoto ni ahinga ye oko daa pepe; na ya ti ngonzo ti lo, lo yeke kinda ahoto ni.

Mbeti ti Job 26:11

Tongana Nzapa asuku, agere ti yayu ayeke yingi, ala yeke do na mbeto.

Abia (Psaumes) 76:8

Mo laa mo yeke zia kota mbeto na be ti zo! Tongana ngonzo ti mo alondo, zo wa laa alingbi ti luti na le ti mo, zo wa?

Ésaïe 33:14

Na *Sion, azo ti siokpari ado na mbeto, tere ti azo ti sioni ado. Ala yeke hunda tere ti ala, atene: “Wâ so ayeke gbi ye kue so, zo wa na popo ti e alingbi ande ti luti na tere ni, zo wa? Zo wa na popo ti e alingbi ti luti na tere ti kota wâ so ayeke gbi lakue lakue so zo wa?”

Abia ti demango tere 2:3

Ngonzo ti KOTA GBIA alondo tongana wâ; nilaa lo kungbi na sese aye so kue asara ngangu ti azo ti Israel. Lo zi maboko na tere ti azo ti Israel na ndembe so awato aga ti tiri bira na ala. Lo zia wâ na kodro ti azo ti Israel, wâ ni ague, agbi aye mbage na mbage kue.