Mishe 1:9 - Mbeti ti Nzapa - Tënë so amu fini

⁹ A pika azo ti Samarii na ka, ka ni ayeke kota mingi, zo alingbi ti sara si ka ni amu pepe. Ka ni ague ngbii awara azo ti Juda, ague nga ngbii asi na yanga ti gbata ti Jérusalem, ndo so azo ti mbi ayeke daa.

Mishe 1:9 Referans Kwoze

Mishe 1:12

Azo ti gbata ti Marot ayeke do na mbeto ndali ti anzoni ye ti ala. Biani, ye ti sioni alondo na *KOTA GBIA, ague, asi na yanga ti gbata ti Jérusalem.

Jérémie 15:18

Ngbanga ti nyen laa pasi ti mbi ayeke hunzi pepe so? Ngbanga ti nyen laa ka ti mbi aye ti mu pepe so? A zia yoro daa gbaa so? Biani, mo ga tongana li ti ngu so ahanda mbi; na mbeni ngoi, ngu asi singo daa; na mbeni ngoi, ngu ni ahole; zo alingbi ti zia be ti lo daa pepe.

Ésaïe 3:26

Na ya ti gbata ni kue, gi demango tere na totongo akuâ. Gbata ni aga tongana wali so aye ti lo kue agirisa si lo yeke duti na sese.

Jérémie 46:11

So mawa na mo, maseka-wali Ezipte! Gue na sese ti Galaad, mo gi mafuta ti zia na le ti ka ti mo. Mo so li ti mo ti gi ayoro gbani gbani pepe: ka ti mo ni ayeke mu pepe.

Mishe 6:13

Ndani laa, mbi pika ala sioni sioni si ala ti na kobela; mbi buba aye ti ala kue ndali ti asiokpari ti ala.

Nahum 3:19

Mbeni yoro ndali ti kpale ti mo ayeke daa pepe, aka ti mo ni ayeke mu ande pepe. Azo so kue ama tënë ti ye ti sioni so asi na mo, ala yeke pika maboko ti ala na ngia. Zo wa si mo sara sioni na lo na ndoni na ndoni pepe, zo wa?

Ésaïe 36:1

Na ngu baleoko na osio ni so Ezekias ayeke le-gbia na Juda, Senakerib, gbia ti Asirii aga ti tiri bira na agbata kue ti Juda so a sara ngangu gbagba na tere ni si lo mu agbata ni.

Ésaïe 36:2

Andaa gbia ti Asirii ayeke na gbata ti Lakish. Lo ngba kâ si lo tokua na Jérusalem makonzi ti aturugu ti batango lo na gba ti aturugu; lo tokua ala na gbia Ezekias. Turugu ni aluti na tere ti du so ngu ayeke sua daa ti gue na ndo so a yeke bata ngu daa na nduzu; du ni ayeke na lege ti yaka ti azo ti sukulango bongo.